شل هاتنسحب من مصر؟؟؟؟

**Karim_Monir** · 14-04-2010 12:52 AM

الخبر منشور ونصه ان شل هاتنسحب من مصر
طيب والزيوت بتاعتها مش هاتكون موجودة؟
انا عربيتي من يوم ما جبتها مش بستعملها غير شل رغم انف التوكيل اللي عايزني احط موبيل بالعافة
معني كدة اني مش هالاقيلها زيت تاني وهاضطر اشوف بديل؟؟
محدش يعرف معلومات مؤكدة من احدى العاملين في شل مصر
---------------
بحث

انسحاب "شل" من مصر يربك الحكومة

الثلاثاء، 13 أبريل 2010 - 22:16 | (239)
0 Share

"شل" فضلت الاستثمار بعيدا عن مصر
أعلن المهندس سامح فهمي وزير البترول، عن نية الوزارة إحلال محطات بنزين تحمل اسم (مصرية) للمنتجات البترولية بدلاً من محطات البنزين التي تحمل اسم "شل"، وذلك بعد أن قررت الشركة الخروج من السوق الإفريقية وتصفية أعمالها في مصر.

وأشار فهمي إلى أن الوزارة تلقت عروضاًً عديدة من بعض البلدان العربية، مبيناًً أن إجمالي هذه المحطات حال إنشائها خلال العشر سنوات القادمة هو 500 محطة وستخدم السيارات الملاكي الأجرة.حسب صحيفة "اليوم السابع" الثلاثاء.

كشف وزير البترول خلال اجتماع لجنة الإنتاج الصناعي بمجلس الشورى بحضور صفوت الشريف رئيس المجلس عن أن هذا المشروع كان خلاصة لتفكير من وزارة البترول ولجنة الإنتاج الصناعي التي تبنت فكرة تشغيل الشباب الذين يعانون من البطالة في محافظات مصر، مشيراًً إلى أن الشركة الواحدة من ستحتاج أكثر من 120 ألف عامل.

من جانبه، أشاد الشريف بالدور الذي تقوم به وزارة البترول، قائلا "كان لدينا كثير من الآمال تحقق الكثير منها على أرض الواقع فكنا نأمل أن يصل الغاز إلى الصعيد، ورغم أن كافة الدراسات بمجلس الوزراء لم تؤيد الفكرة، لكننا استطعنا تحقيقها".

وأشار الشريف إلى أن سوق مصر في مجال البترول أصبحت معروفة داخل البلدان العربية، مشيدا بتوصيل الغاز إلى المنازل، وتفاءل بمشروع إحلال محطات بنزين مصرية بدلاً من محطات بنزين "شل".

وكانت شركة "شل أويل" قد أعلنت في وقت سابق من الشهر الحايل بيع معظم محطات الخدمة والأصول الأخرى في قطاع المصب في 21 دولة إفريقية في إطار جهود أوسع لخفض استثماراتها عالميا في أنشطة التكرير والتسويق.

**romeo_6887** · 14-04-2010 01:29 AM

يا نهار اسود
ده انا جاي لسه اقول اني
عايز اغير موبيل
و احط شيل هيليكس
اقوم اشوف الخبر ده
يا رب الكلام يطلع فشنك
و شكرا يا كريم باشا
علي نقل الخبر

**badblood** · 14-04-2010 01:37 AM

ده وقت كاسترول
لان الحكومة كانت ممتنعة انه يخش مصر

**kemoelord** · 14-04-2010 02:45 PM

المشاركة الأصلية كتبت بواسطة badblood

ده وقت كاسترول
لان الحكومة كانت ممتنعة انه يخش مصر

هي الحكومة ممتنعه ليه عن كاسترول بالرغم انه هو تقريبا الزيت الاول في الخليج والي بتستخدمه تويوتا هناك وزيت ممتاز جدا

**M.Osman** · 14-04-2010 02:13 AM

هتكون حاجة غريبة جداً بصراحة

يعني شل مش بتكسب في مصر ؟؟

**الغزالى** · 14-04-2010 02:22 AM

المشاركة الأصلية كتبت بواسطة m.osman

هتكون حاجة غريبة جداً بصراحة

يعني شل مش بتكسب في مصر ؟؟

الفكرة مش فكرة مكسب وخسارة بس يا محمد
لو ركزت فى الكلام الى مكتوب هتلاقى بيقولك انها عايزة تققل نفقتها فى عمليةتكرير البترول
إطار جهود أوسع لخفض استثماراتها عالميا في أنشطة التكرير والتسويق.
يعنى من الاخر بتتقل التكاليف بعيد عن المكسب والخسارة
ولان اكيد برضو نابها من الحب جانب بعد الازمة العالمية

**OilMan** · 14-04-2010 10:30 AM

كلام غير سليم بالمره بما انى شغال فى مجال البترول سوف اتاكد من الخبربنفسى الاول وبعد كده اتكلم وسوف اخبركم لاحقا
ححاول اتصل باحد اصدقائى هناك للتاكد من الخبر
لازم نفرق بين
....l marketing and ....l exploration
مش عارف كلمة شل مش بتطلع ليه

المشاركة الأصلية كتبت بواسطة most_h

هل دة لية علاقة بقرب انتهاء البترول؟؟؟؟
بتخلع بدرى بدرى، وتشوف لها مصدر طاقة تانى؟؟؟

**OilMan** · 14-04-2010 10:45 AM

حبيت اوضح بس انى لما قلت كلام غير سليم بالمره ااقصد بيه مش الخبر ااقصد بيه انها بتخلع بدرى بدرى علشان البترول حيخلص من مصر؟

المشاركة الأصلية كتبت بواسطة oilman

كلام غير سليم بالمره بما انى شغال فى مجال البترول سوف اتاكد من الخبربنفسى الاول وبعد كده اتكلم وسوف اخبركم لاحقا
ححاول اتصل باحد اصدقائى هناك للتاكد من الخبر
لازم نفرق بين
....l marketing and ....l exploration
مش عارف كلمة شل مش بتطلع ليه