الموضوع: إقتراح لتنمية المجتمع..(حملة نايل موتورز لردم الحفر)

المشاركة الأصلية كتبت بواسطة kemoelord

احنا يا جماعه مانستاهل المشي على طرق سليمه ونظيفه وامنه ولا عمرهم هيخافوا لا علينا وعلى عربيتنا والكلام ده طبعا ادارة الطرق والكباري مؤمنه بي اوي باماره كوبري اكتوبر الي كل شهرين يصلحوا الفواصل وتخرب تاني , بالنسبه للفكره ممتازة جدا بس فكره التنفيذ انا شايفها صعبه شوي على اعتبار انها عاوزه اولا تصريح من المحافظه ودي حاجة شبه مستحيله وثانيا عاوزه وقت ومجهود ومعدات يعني لازم جهه مختصه الي تشرف على الكلام ده مش هينفع اننا نجيب عربيه فيها ورمل ويبقى ده الحل ,,,,,,,,

نعم...موضوع التصريح ده علشان محدش يجى يغلس و يسببلنا مشاكل و ممكن نشوفله صرفه برده...
و موضوع المعدات إحنا هانبداء بالحفر اللى ممكن نعالجها بأبسط الطرق زى الرمل و الطوب المكسر و فى حفر كتير مميتة و حلها سهل و ممكن نستعين بمهندس من المنتدى و أكيد هما هايرحبوا جداً...

أحنا بس عاوزين نبداء...عارف المثل اللى بيقول (فى الحركة بركة) ده أنا مجربه فى مشاكل كتير أنت بس تنوى و تروح تسعى فى حل المشكلة و ربنا بيوفق...

و طبعاً يجب إستحضار النية أولاً و إحتساب الثواب...

( مَرَّ رَجُلٌ بِغُصْنِ شَجَرَةٍ عَلَى ظَهْرِ طَرِيقٍ فَقَالَ وَاللَّهِ لَأُنَحِّيَنَّ هَذَا عَنْ الْمُسْلِمِينَ لَا يُؤْذِيهِمْ فَأُدْخِلَ الْجَنَّةَ )

المشاركة الأصلية كتبت بواسطة مصراوي جدا

لا حول ولا قوة الا بالله

لسة النهارده واحد بيحكي لي ان واحدة ست الساعة 4 صباحا خرجت مع ابنها 10 سنين وطفل اصغر واخداه للمستشفى وماشيين فوق كوبري الساحل والكوبري ضلمة وفجأة الولد وقع منها في حفرة (فتحة في الكوبري) الى النيل ومات
ومش مهم باقي الأحداث او روح اللامبالاة اللي حصلت بعد كده لأن النتيجة واحدة وهي ان الولد مات .. لا حول ولا قوة الا بالله

الحادثة وتعامل الشرطة مع الموضوع مأساة حقيقية:

والدة ضحية كوبرى الساحل: عشت ٧ ساعات كالمجنونة وأنا أبحث عن ابنى القتيل..

المشاركة الأصلية كتبت بواسطة مصراوي جدا

لا حول ولا قوة الا بالله

لسة النهارده واحد بيحكي لي ان واحدة ست الساعة 4 صباحا خرجت مع ابنها 10 سنين وطفل اصغر واخداه للمستشفى وماشيين فوق كوبري الساحل والكوبري ضلمة وفجأة الولد وقع منها في حفرة (فتحة في الكوبري) الى النيل ومات
ومش مهم باقي الأحداث او روح اللامبالاة اللي حصلت بعد كده لأن النتيجة واحدة وهي ان الولد مات .. لا حول ولا قوة الا بالله

إنا لله و إنا إليه راجعون....

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( الْإِيمَانُ بِضْعٌ وَسَبْعُونَ أَوْ بِضْعٌ وَسِتُّونَ شُعْبَةً ، فَأَفْضَلُهَا قَوْلُ لَا إِلَهَ إِلَّا اللَّهُ ، وَأَدْنَاهَا إِمَاطَةُ الْأَذَى عَنْ الطَّرِيقِ ، وَالْحَيَاءُ شُعْبَةٌ مِنْ الْإِيمَانِ )

المشاركة الأصلية كتبت بواسطة hobaz

انا معاكو ياجماعة أكيد بس ياريت الموضوع يكمل بس وميؤفش وربنا يقوينا ونخلي شوارعنا أدمية....

ربنا يكرمك و إن شاء الله هايكمل بالنية الحسنة و الدعاء...

المشاركة الأصلية كتبت بواسطة m.alshafie

ايوه فعلا انا شفت الحادثه دى فى 90 دقيقه و بجد دمى اتحرق ده غير اللامبالاه اللى من قبل الشرطه اللى يحرق الدم اكتر انهم خدوها على القسم و لسه ابنها ماطلعش و كان عندها امل انه يكون عايش و لما فى القسم بتستغيث و تقول عاوزه ابنى قالولها هتسكتى و لا ندخلك الحبس
بجد و الله حسبى الله و نعم الوكيل للدرجادى حياه الانسان بقت رخيصه كده و الله كله سلف و دين

و اللى يحرق الدم أكتر هاتلاقى الحفرة ديه أتردمت بعد الحادثة ب نص ساعة يعنى لازم نشوف ناس بعدد الحفر و نموت واحد أمام كل حفرة علشان يصلحوا الشوارع...
حسبنا الله و نعم الوكيل...ربنا يعافينا...