وصلة الaux للبرسونا أو الجين و فرق الأسعار الغريب (موضوع هام عشان محدش يضحك عليك)
أول إمبارح قرررت إنى أركب وصلة الAUX فى عربيتى:colsmil: و لأنى ما عنديش أى معلومات عن الوصلة أكتر من اللى قريته هنا فى المنتدى و إنى شفتها مرة واحدة فى عربية العضو أحمد إبراهيم فقررت إنى أستعين بصديق و هو المهندس محمد أبو مريم:S_thum1[1]: ربنا يباركله على تعبه معايا و ووقته و مجهوده و الفلوس اللى اتكلفها كمان و حرقة دمه فى آخر الموضوع (حاسس بصراحة إنى كنت جاى عليه بخسارة):L_bhuhhh[1]:
باختصار عرفت منه و من مهاب سعيد من قبله إن فى توكيلين بس معروفين بيركبوا الوصلة دى الأول فى المهندسين جنبى بس ده ما بيرضاش ينزل مليم فى السعر المعلن اللى هو 75 جنيه:T_thum1[1]: زى ما الناس عارفة و التانى فى مصر الجديدة و كان المهندس أبو مريم جابه من عنده ب 60 جنيه و 5 تركيب يعنى وقف ب65 جنيه:F_eyeb1[1]: فقلت أروح مع أبو مريم مش بس عشان فرق الفلوس عشان حد بيفهم فى الموضوع يقدر يختبره و يقوللى أستعمله إزاى بدل ما أركبه و أبقى جاهل فيه.:ma(30):
المهم تفتكروا إن فيه عضو قال إنه ركب الوصلة ب35 جنيه برده من مصر الجديدة، أبو مريم قاللى خلينا نجيب رقمه من أيمن و نعرف ركبه فين بالمبلغ ده و احنا أولى بأى فلوس أقل و فعلا اتصل بأيمن و خد الرقم و كلم أستاذ شريف:B4_564: و سأله عمل الوصلة فين فى مصر الجديدة بالمبلغ ده و اتصدم لما رد عليه بإنه نفس المحل اللى أبو مريم ركب فيه الوصلة بتاعته:U_thin1[1]: و روحنا المحل و دخل أبو مريم سأل على الوصلة رد الراجل علطول ب 40 جنيه طبعا أبو مريم اتخض:B4_556: لأن دى أول كلمة طلعت من غير لا فصال و لا كلام و لا أى حاجة و راح أبو مريم فى وقتها قايل للراجل 35 جنيه و 5 جنيه تركيب يبقى كله 40 جنيه ماشى. رد الراجل ماشى مش هنختلف و ماكانش مصدق نفسه أبو مريم و جت عليه و عليا بكريزة ضحك (شر البلية):POINTIy2[2]: و قاللى اصبر بس لحد ما نركب و ندفع و بعدين ليا كلام تانى معاهم و فعلا ركبوا الوصلة و خلى المخرج بتاعها من درج التابلو زى ما طلبت و طولهالى و جربناها على تليفون أبو مريم و كانت تمام و شغالة الحمد لله و دخلنا ندفع الفلوس و طبعا أبو مريم بيغلى من اللى حصل ده و بدأ يتكلم مع الراجل و قاله على فكرة سمعة سيئة جدا للمحل إنه يبقى بيبيع بزمتين:dontudear: و كمل كلامه بإنه لسه مركب الوصلة عندهم من أسبوع ب65 جنيه فالراجل حاول يتهرب من الكلام بإن فيه منها أنواع رد أبو مريم بإنه مركب نفس النوع اللى ركب عندى الراجل ما عرفش يرد و حاول يخفف الموضوع بدعابة ساذجة بإنه مستعد يبيعهاله ب65 جنيه زى ما اشتراها فى الأول:8954[1]: و خلص المشوار على كده بس طبعا أبو مريم كان دمه محروق جدا إنه لسه مركبها فى نفس المكان و من مدة قصيرة و يدفع الفرق ده بدون أى لازمة غير إن حظه وقتها إن اللى كان واقف واحد ما عندوش ضمير مصلح عليه:I_angr1[1]:.
حبيت أنقللكم الموضوع عشان ما يتضحكش عليكم لو حبيتوا تعملوها و تعرفوا سعرها كام عشان ما حدش يشتغلكم أو يبيعهالكم بأغلى من تمنها:11: و مرة تانية جزاك الله كل خير يا أبو مريم على اليوم ده و ما تضايقش نفسك و انسى الموضوع و أشوفك على خير قريب إن شاء الله:satelite:.