ميه ميه يا نوبي

انا من تعامل ابويا مع الناس حصلت مواقف كتير جدا وناس يجوا لابويا يسألوه الفلوس دي مزوره ولالا

ومره واحد جاله في خمس ورقات ميه ومش هتتخيل ان الشريط الفضي كان بظبظ ومستحيل تكتشف انه مزور

بس ابويا بيعرف الفلوس وهوا بيعدها اصلا من الملمس

وفي طريقه تانيه لما تاخد من علي لسانك وافرك الورقه بصوابعك

المزوره الحبر بتاعها هيطلع في ايديك

وفعلا خامة العملات الحقيقه من ماده شبيه بالقطن فعلا زي ما محمد ممدوح ما قال

مره حصل معايا موقف كنت واقف مع واحد صاحبي في صيدليه

وواخد كده غلبان وداخل ومعاه ورقه بخمسين برضه

انا لما شوفت شكل الورقه شكيت فيها اصلا

وصاحبي كان هيشربها

المهم بقوله يا حاج الخمسين دي مزوره الاول قعد يزعق ويقول ازاي ومش عارف ايه وعايز ياخدها ويمشي

قلتله مش هدهالك ولو عايز تاخدها القسم قريب اهوه هديهالك في القسم

قالي يا بيه انا طيب هرجعها لصحابها ومش هديها لحد وقعد بقي يحكيلي ان ده دوا للواد وهيجيب منين خمسين جنيه تانيه ومش عارف ايه

وفعلا الدوا الي كان واخده كان دوا اطفال

قلتله يعني هترجعها لصاحبها؟؟؟؟؟؟؟

قالي والله هرجعها لصاحبها

روحت واخد القلم الفلومستر الاحمر وكتبت عليها مزوره بخط كبير

قلتله كده انتا تضمن حقك من الراجل الي اديهالك

وفي نفس الوقت لو انا غلطان روح لاقرب بنك وغيرها ومحدش هيتكلم معاك طالما حقيقيه

ودي طريقه قالي عليها ابويا في التعامل مع المواقف دي

A.Yakout