الى كل من يمتلك ويجا

**sameh73eg** · 14-04-2010 02:38 PM

الكل الساده الذين يمتلكو بروتون ويجا برجاء المساعده ان امكن انا امتلك سياره اكسنت 1500 سى سى كورى كامله وكنت بدور على كيا سبكترا على شان اغير ولقيت قدامى عربيه ويجا موديل 2005 اتوماتيك معرةضه للبيع ايه رائيكم ابيع الاكسنت واخلص فى الويجا ولا ادور على الكيا ولا اخلينى فى عربيتى احسن
وكمان انا معنديش اى معلومات عن الويجا ولا عن اسعار قطع غيرها ولا عن الثبات وقوت التحمل

**eslamkasem** · 14-04-2010 05:03 PM

يا كبير هيا اسمها واجا مش ويجا
والوجا عربية محترمة وماتور ياباني لحد سنة 2007
وثبتها خرافي ووقوة تحمل وهيا بصراحه الي تتحمل دغدغة شورعنا في مصر
قطع الغيار مش غالية ومش رخصيه في الوسط وطبعا في حاجات تيواني كتير نزلت للعربية فمتقلقش

**MohabSaeed** · 14-04-2010 11:51 PM

المشاركة الأصلية كتبت بواسطة eslamkasem

يا كبير هيا اسمها واجا مش ويجا
والوجا عربية محترمة وماتور ياباني لحد سنة 2007
وثبتها خرافي ووقوة تحمل وهيا بصراحه الي تتحمل دغدغة شورعنا في مصر
قطع الغيار مش غالية ومش رخصيه في الوسط وطبعا في حاجات تيواني كتير نزلت للعربية فمتقلقش

كلام سليم 100%

كمان لازم تتأكد من ان العربيه سليمه ... لانها لو متهانه ماتخدهاش باى مبلغ

و اكشف عليها كويس عند حد متخصص بروتون ..اعرف ايه الى فيها و ايه الى محتاج يتغير

الحاجه التانيه العربيه قطع غيارها بتتباع عند ناس معينه فى شارع دمشق و ميدان الجيزه و التوكيل طبعا , يعنى قطع الغيار مش منتشره زى الدايو و الهيونداى و الكيا فى كل مكان .

بس عندى سوال waja كلمه ماليزيه تعنى " الفولاذ " وعند تحويلها باللغه العربيه تبقى " واجا " .... فمنين ويجا ديه !!

معلش اعذرنى بس بصراحه انا بتضايق لما اسمع حد بيقول على عربيتى ويجا
بحس انى راكب عربيه مصرى هندى انتاج مشترك فى استوديو مصر تحت اشراف خالد يوسف و بهندسه و تصميم هند صبرى .

تحياتى ليك .. و لو عندك اى استفسار ماتترددش

**sameh73eg** · 15-04-2010 02:02 AM

اسف على الخطاء فى اسم السياره المهم انا لسه جى من عندها وبصيت عليها بس طبعا بالليل و وجدة بعض الملاحظات انا هقول لكم عليه ويارت تفيدونى
1-سقف العربيه به تجريح واضح يعنى العربيه عوزه دوكو
2- يوجد نقره واضحه فى الزجاج الامامى
3- زجاج الباب الشمال الخلفى لا يعمل
4- يوجد صوت او احساس زن واضح والعربيه شغاله وتحس بيه اكثر لما تمسك الدركسيون يديك احساس ان ماتور السياره عالى بس الار بى ام مظبوط على 800 يعنى مش عالى
5 علبة الفيوزات عوزه تتغير فيه بعض الاماكن سيحه
6-السيارة عمله 126 الف كيلو
اخر ملاحظه لم افتح الكونتاكت زجاج الباب الشمال بيفتح لوحده هل هذا طبيعى
لو امكن الرد سريعا هل اشترى هذه السياره ولا لاء وممكن تمنها بهذه الحاله كام وانا امامى حد عاوز يشترى عربيتى ارججو المساعده

**MohabSaeed** · 15-04-2010 02:38 AM

المشاركة الأصلية كتبت بواسطة sameh73eg

اسف على الخطاء فى اسم السياره المهم انا لسه جى من عندها وبصيت عليها بس طبعا بالليل و وجدة بعض الملاحظات انا هقول لكم عليه ويارت تفيدونى
1-سقف العربيه به تجريح واضح يعنى العربيه عوزه دوكو
2- يوجد نقره واضحه فى الزجاج الامامى
3- زجاج الباب الشمال الخلفى لا يعمل
4- يوجد صوت او احساس زن واضح والعربيه شغاله وتحس بيه اكثر لما تمسك الدركسيون يديك احساس ان ماتور السياره عالى بس الار بى ام مظبوط على 800 يعنى مش عالى
5 علبة الفيوزات عوزه تتغير فيه بعض الاماكن سيحه
6-السيارة عمله 126 الف كيلو
اخر ملاحظه لم افتح الكونتاكت زجاج الباب الشمال بيفتح لوحده هل هذا طبيعى
لو امكن الرد سريعا هل اشترى هذه السياره ولا لاء وممكن تمنها بهذه الحاله كام وانا امامى حد عاوز يشترى عربيتى ارججو المساعده

علبه الفيوزات سايحه ديه مشكله و مشكله كبيره كمان ... لانها لازم تتغير و حتضطر تجيبها استيراد و حتلف عليها ... غير انك حتدخل نفسك فى متاهات ... لانك مش عارف ايه الى خلاها تسيح ولا الكهربائى الى لعب فيها بوظ ايه ... واضح ان العربيه ملعوب فيها حتى انتا بتقول الازاز بيفتح من غير الكونتاكت ... يعنى معمول فيها شغل بلدى .

نصيحه " بلاش منها " ...الواجا من العربيات الى ماينفعش تشتريها متهانه ... لانك لو حتصرف عليها حتصرف كتير .

طبعا الرأى الاخير ليك