الموضوع: اخيرا عملت حاجه جديده في ال 405 (تغير اضائه العدادات)

بسم الله الرحمن الرحيم

الحمد لله غيرت اضائه العدادات في ال 405 بتاعتي انا من زمان كان نفسي اعمل حاجه جديده في العدادات والحمد لله ربنا كرمني وعملتها بنفسي اوريكوا الصور الاول وبعدين اشرحلوكوا عملت ايه
دي المرحله الاولي
[mtohg=#0a0000]http://img63.imageshack.us/img63/5660/boody1351.jpg[/mtohg]
بس لقيت النور الابيض ضعيف شويه
دي المرحله التانيه
[mtohg=#ffffff]http://img717.imageshack.us/img717/8664/boody1352.jpg[/mtohg]

لسه بردوا ضعيف شويه
خش علي اللي بعده
[mtohg=#fafafa]http://img717.imageshack.us/img717/708/boody1353.jpg[/mtohg]

ايوه كده بس لسه في مؤشرات مشمنوره
دي بقا النتيجه النهائيه
[mtohg=#fcfcfc]http://img717.imageshack.us/img717/6246/boody1354.jpg[/mtohg]

ابدا بالشرح :
اولا هنفك قطمه الدريكسيون ودي بقا هنلاقي الحته اللي من تحت اللي فيها الدراع اللي بيطلع الدريكسيون لفوق وينزله تحت هتمد ايدك فيها هتلاقي صموله 13 فكها ببيبا 13 وبعدين في فتحه مدوره تاني جمبها بردوا دخل ايدك هتلاقي صموله تاني زيها فكها هتلاقي الدريكسيون كله نزل لتحت وبقا عندك براح تشتغل فيه

ثانيا:
افتح الكبوت وافصل سلك السرفه من الموتور هتلاقي تيله سودا هامله زي المسمار طخينه من فوق ورفيعه من تحت اسحبها طلعها من مكانها وشد السلك هتلاقيه طلع معاك

ثالثا:
لازم يكون معاك مفتاح نجمه اللي شبه الالنكيه هتفك ال3 مسامير اللي ماسكين العدادات وبعدين اسحب العدادات عليك براحه لغايه ما تتطلع خالص
ملحوظه مهمه
وانت بتشيل الفيش من مكانها اعرف كل واحده راكبه ازاي ومكانها فين وفك براحه خالص

رابعا:
طلعت العداد بره خالص اطلع علي البيت ومعاك سبرتو وقطن وموس حلاقه

خامسا:
فك كل المسامير اللي في ظهر العداد بنفس المفتاح النجمه هيتفك معاك العداد الوش لوحده والبرده لوحدها

سادسا:
هتبتدي بعداد عداد تفك المؤشر براحه خالص وبعدين تفك ورقه العداد بتبقا ملزوقه بماده صفره شبه الكله شيل الورقه بشويش لغايه ما تطلع معاك وبعدين تقلبها علي ظهرها وتكو ن حاطط فوطه تحتها علشان متتخربش وترش علي الازق الاصفر اللي في الظهر شويه سبرتو وتحك بالموس بالراحه لغايه ما تتشال خالص تحك شويه وتمسح بالقطنه وكده في الورق كله لغايه ما تخلصهم كلهم وتلزقهم تاني ماكنهم هات امير وكل ورقه اديها نقطتين امير بس وركب المؤشرات في مكانها الصح وخلي بالك من المؤشرات خصوصا الحراره والبنزين

سابعا:
هات شريطين نور ال30سم ب 20 جنيه ومشيهم حوالين العدادات من جوه وطلع السلك بتاعهم من اي فتحه في الظهر وقفل العداد وانزل علي العربيه تاني
متنساش وانت بتجيب شريط النور هات 6 لمبات ليد علشان نبدلهم باللي راكب في العداد

ثامنا:
وصل لشريطين النور كهربا من الفيشه البيضه اللي في النص غير لمض العداد بالمض الليد البيضا اللي جبتها مع شريك النور وقفل العداد

ملحوظه كمان قبل ما تركب الفيش تاني افصل كابل البطاريه علشان وانا بركب ركبت فيشه غلط حرقت ال rpm ولسه مش عارف اصلحه

واسف علي الاطاله واي استفسار انا في الخدمه
اخوكم عبدالله