الموضوع: الصاج الأقوى اللوجان أم الساجا أم الاسبرنزا a516

المشاركة الأصلية كتبت بواسطة gebreel

بص يا باشا انا ركبت العربيتين اللوجان بتاعتي و الاسبيرانزا كانت بتاعة جاري كان مسافر و كنت بعملوا فيها شوية حاجات

الاسبيرانزا فيها اوبشنز من الابرة للصاروخ يعني كاسيت تحفة سماعات حلوة شكل فخم شوية الزجاج من لمسة واحدة التكييف اوتو حاجات كدة بس لايزال الصيني صيني فتلاقي العربية مش عاملة 25000 كيلو و الراجل شبه مابيركبهاش و تلاقي الفتيس مثلا لونو بيج بس مقشر ، الزجاج في الطالع و النازل بيخبط حاجات كدة + ان كان فيه واحد في المنتدى عامل موضوع عليها ان الموتور لازم تقرص عليه علشان يستجيب معاك دي انا مقدرش افيد فيها لأني لما سقتها سقتها مسافة لا تذكر لما نيجي نقارن وسعها بوسع اللوجان هنلاقي ان الاثنين تقريبا واحد بس يمكن الاسبيرانزا في الكنبة اللي ورا مريحة سنة عن اللوجان، شنطة الاسبيرانزا واسعة و جميلة بس شنطة اللوجان اوسع، الاسبيرانزا فيها ميزة في حتة الشنطة دي عن اللوجان ان الكنبة ممكن تتني و تبقى مع الشنطة اللوجان مفيهاش دي بس شنطتها اوسع زي ما قلت
فرق الوسع الداخلي ده لما نيجي نقارنو بالحجم الخارجي هنلاقي ان اللوجان ملمومة اكثر و بالتالي في السواقة و الركن اسهل لأن الاسبيرانزا منفخة قوي و على الفاضي
نيجي للامان و هو ده اهم حاجة بالنسبالي اللوجان طبعا تكسب سواء الفل اوبشن اللي بايرباج او حتى الفاضية فهنلاقي ان الخبطة مش ممكن تأثر على الباب لأنهم عاملين اكثر من breaking point وقت الحادثة بحيث انها متأثرش على اللي جوة و بتتباع في اوروبا يعني معنى كدة انها امنة كفاية و معاك توكيل رينو eim محمد نصير الله يرحمو مش ابو الفتوح

لو انا محتار حيرتك دي لوجان و انت مغمض

المشاركة الأصلية كتبت بواسطة bishoy02010

أكيد لوجان

شكرا بجد على المساعدة ناس كتير نصحونى باللوجان رغم الرفاهية الى فى السبرانزا بس فعلا هتيجى على حساب حاجات تانى اهم فى العمر الافتراضى مثلا للمكونات بتاعتها