لو ثبت ان القطع الجديدة للmmt غير مجدية ماذا ستفعل؟ارجو من جميع الملاك المشاركة

السلام عليكم ورحمة الله وبركاته.....
اكيد طبعا كل الملاك للmmt اليومين دول وانا واحد منهم بنترقب اخبار القطع الجديدة ايه والسؤال اللى بنسأله هل فعلا القطع دي هتنفع وهتتلاشي العيوب ولا مجرد تجربة جديدة قد تفشل وفيه بوادر هذه الأيام للمتابع للحدث تظهر عدم جدوي هذه القطع وفشل تويوتا في ايجاد حل للمشكلة وهذا من رأي الأشخاص التي قامت بتركيب هذه القطع فمن كلامهم ان في بداية التركيب يكون الأداء جيد وفيه تحسن ملحوظ ولكن بعد السير فترة بالسيارة تظهر العيوب القديمة مما يعني ان العيب الموجود بالفتيس هو عيب تصميم وليس عيب صناعة كما كنا نعتقد.....فلو ثبت فعلا ان هذه الحلول قد باءت بالفشل ماذا ستفعل حينها؟
ارجو اختيار احد الخيارات الموجودة في الأستطلاع ثم التعليق.
الهدف من الموضوع اننا نجتمع علي كلمة واحدة ونتصرف تصرف واحد من اجل الصالح العام.

اقتباس:

---

المشاركة الأصلية كتبت بواسطة محمد محمد

السلام عليكم ورحمة الله وبركاته.....
اكيد طبعا كل الملاك للmmt اليومين دول وانا واحد منهم بنترقب اخبار القطع الجديدة ايه والسؤال اللى بنسأله هل فعلا القطع دي هتنفع وهتتلاشي العيوب ولا مجرد تجربة جديدة قد تفشل وفيه بوادر هذه الأيام للمتابع للحدث تظهر عدم جدوي هذه القطع وفشل تويوتا في ايجاد حل للمشكلة وهذا من رأي الأشخاص التي قامت بتركيب هذه القطع فمن كلامهم ان في بداية التركيب يكون الأداء جيد وفيه تحسن ملحوظ ولكن بعد السير فترة بالسيارة تظهر العيوب القديمة مما يعني ان العيب الموجود بالفتيس هو عيب تصميم وليس عيب صناعة كما كنا نعتقد.....فلو ثبت فعلا ان هذه الحلول قد باءت بالفشل ماذا ستفعل حينها؟
ارجو اختيار احد الخيارات الموجودة في الأستطلاع ثم التعليق.
الهدف من الموضوع اننا نجتمع علي كلمة واحدة ونتصرف تصرف واحد من اجل الصالح العام.

---

السلام عليكم ورحمة الله وبركاته

- اي انسان لا يعرف الغيب ولا يقدر ان يتوقع ما سوف يحدث
فمن الواضح ان المشكلةالموجوده في الفتيس مشكلة تركيب عام للفتيس واذا كانت المشكله موجوده من قبل في اوربا (N erro ) منذ عام 2004 ومن الممكن ان تحدث لاي مالك للعربية ال 6500 - فاذا حدث الان ممكن ان تحدث بعد ذلك لاي حد معندوش مشكله -- فمكن فجاءة تحصل بدون مقدمات وعلي فترة طويله . ( محدث يعرف ما سوف يحدث فجاءة للعربية ..!!! )
وبالتالي بعد كل ذلك : -
1- اعتراف التوكيل ووجود اليابانين بمصر لمتابعة الموضوع دليل علي وجود عيب لا يتلائم مع الاجواء بمصر - واستمرار وجود شكوة من من تم تركيب القطع !!!!! دليل علي عدم صلاحية القطع !!!!
2- لابد ان يقوم كل من معه العربية بان يقدم شكوه في حماية المستهلك في العربية ( قدمت شكوه فعلا اليوم ) ولابد لابد ان يكون بالشكوي طلب بتغير العربية !!!!!!! . لتجنب المشاكل المستقبليه الغير متوقعه !!! لان العربية في الاصل معترف من قبل الوكيل بالعيب الفني ( 6500 عربية ) اعتراف موثق بعيب السيارة بناء علي لجنة كليات الهندسه من قبل حماية المستهلك
3 - كل منا يذهب الي التوكيل ويقوم بطلب بتغير العربية لان العربية بها عيب ولم يتم اصلاحه لابقطع الجديدة --- ( مبدء اذا كانت اليلعه بها عيب يلتزم صاحب المنتج يتغيرها في حاله اثبات عدم صلاحيتها ( تم عمل لجنة من كليات الهندسة بحماية المستهلك واقرو بوجود عيب يؤدي الي عدم صلحية السيارة للسير بصورة طبيعية . ) وعليه نطالب كلنا بان يتم تغير العربية - بعربية اخري
4 - تقدم لحماية المستهلك بالضغط علي تويوتا ايجيبت وايضا للضغط علي تويوتا اليابان حتي يتم اصدار قرار من اليابان بتغير الفيتس او السيارة .

محمد بيه ..
لو بتتكلم على عيب احساس النقله و كده يبقى ده فعلا ملوش حل لان ده نظام الفتيس ...
اما لو قصدك على n error يبقى انا بصراحه مقدرش احكم لانى مش معايا العربيه

الحل العادل في نظري استبدال الفتيس

اقتباس:

---

المشاركة الأصلية كتبت بواسطة د.محمود صلاح

الحل العادل في نظري استبدال الفتيس

---

هل المقصود هو تغيره الي اتوماتيك . فاذا كان فلابد من تغير الماتور وايضا تغيرات في العربية .

ياريت يحصل كده ونخلص من الموضوع ...

أنا معايا العربية موديل 2009 بقالها 4 شهور و عاملة حوالى 3000 كيلو و تأقلمت على طريقة السواقة بتاعتها و بصراحة مبسوط بيها جدا و مفيش أى مشكلة معايا
بس مش عارف لو ابتدت تحصل مشاكل هـعمل أيه غالبا لو حاجة بسيطة مش مشكلة لكن لو عملتها معايا مثلا فى طريق و بهدلتنى أكيد نفسى هأتشيل منها
و ساعتها غالبا لو لقيت بيعه هبيعها
أما بالتسبة لتغيير العربية من التوكيل أو تغيير الفتيس فأعتقد ات ده أحتمال صعب جدا و خصوصا فى بلنا الجميلة مصر

ما هو المفروض يبقي فيه اتفاق جماعي لأن كل ما واحد بيشتكي لوحده موقفه بيبقي ضعيف الى حد ما الأول لما الملاك كانوا بيشتكوا من الفتيس كان رد التوكيل ايه (دي مشاكل فردية وانت مبتعرفش تسوق) لما الشكوي بقت جماعية التوكيل اعترف بالعيب رغما عن انفه وعلشان كده برضه بقول لازم نتوقع اي حاجة ونحط تصرف مناسب لكل الأحتمالات ....احنا التوكيل بيعاملنا رسمي في كل حاجة مش بيدينا حاجة ببلاش يبقي برضه احنا نعامله نفس المعاملة وده حقنا...واللى خلاني اؤيد الى حد ما ان القطع دي مش هتحل المشكلة ان تويوتا لم تعلن رسميا استدعاء سياراتها من مصر واللى عايز يتأكد يخش موقع تويوتا اليابان ويشوف الحاجات اللى معمولها استدعاء هيلاقي ان موضوع الفتيس لم يذكر ودي برضه حاجة توضع امامها علامات استفهام كثيرة اجابتها ان القطع تعتبر تجربة وتحصيل حاصل.

اقتباس:

---

المشاركة الأصلية كتبت بواسطة محمد محمد

ما هو المفروض يبقي فيه اتفاق جماعي لأن كل ما واحد بيشتكي لوحده موقفه بيبقي ضعيف الى حد ما الأول لما الملاك كانوا بيشتكوا من الفتيس كان رد التوكيل ايه (دي مشاكل فردية وانت مبتعرفش تسوق) لما الشكوي بقت جماعية التوكيل اعترف بالعيب رغما عن انفه وعلشان كده برضه بقول لازم نتوقع اي حاجة ونحط تصرف مناسب لكل الأحتمالات ....احنا التوكيل بيعاملنا رسمي في كل حاجة مش بيدينا حاجة ببلاش يبقي برضه احنا نعامله نفس المعاملة وده حقنا...واللى خلاني اؤيد الى حد ما ان القطع دي مش هتحل المشكلة ان تويوتا لم تعلن رسميا استدعاء سياراتها من مصر واللى عايز يتأكد يخش موقع تويوتا اليابان ويشوف الحاجات اللى معمولها استدعاء هيلاقي ان موضوع الفتيس لم يذكر ودي برضه حاجة توضع امامها علامات استفهام كثيرة اجابتها ان القطع تعتبر تجربة وتحصيل حاصل.

---

عشان كده كلنا في هذه اللحظة نقد م شكوي لحماية المستهلك حتي ولو لم يحدث مشكله معك لانك في الاصل عربية معترف بيها انها فيها عيب من الدنيا كلها ( التوكيل وحماية المستهلك - حيث تم نشر الموضوع ) والمهمله حتي 31 يولية تقريبا المهم - لابد من عمل شكوي ومتابعة الشكوي بالضغط علي حماية المستهلك حتي يضغط علي التوكيل والخطوة الاخري هي الانضمام لرفع قضية وتعويض علي الشركة .

حيث ان الواحد مش ممكن يستحمل موقف ان العربية تقف بيك في طريق عام مشكوف بالليل ومعك اسرتك - الاودك وزوجتك في حين انك دفعت مبلغ في العربية حرمت بيه نفسك من حجات كتير !!!


لابد من تقديم شكوي من كل ملاك العربية لان في الاصل العربية معترف بها انها فيها عيب وايضا الضغط علي الوكيل من خلال حماية المستهلك ...

رابط الموضوع - حمائة المستهلك

http://ww.youtube.com/watch?v=RFIN_TGDxqm

انا كنت محتار بين الأختيار الثاني والثالث بس اخترت الثاني في الأخر.....لأني برضه لو العربية مش عاملة معاية مشاكل فبرضه انا محكوم بالظروف اللى حواليا زي الصالح العام واعتراف التوكيل بالعيب ثم احتمال فشل تويوتا في ايجاد حل للمشكلة.

لا يضيع حق وراءة مطالب

أنا و بعض من الزملاء قررنا من زمان و رفعنا القواضى و عرضنا المشاركة من الجميع لان لازم الواحد مايسبش حقة حتى لو هخسر القضية بس هبقى عملت اللى علية.

زى ما كلنا عارفين ان فى مصر و للاسف مش ها تاخد حقك الا لما تشتكى و تعملهم مشاكل ساعتها هتاخد حقك و كلنا فاكرين انك لما اشتكيت اعترفوا بالعيب و لما اشتيكت صلحولك اول ناس و لما رفعنا قضية ان شاء الله قبل ما تخلص القضية هيكونوا تفاوضوا مع اللى رفعوا بس و يدوننا حقنا عشان نتنازل عن القواضى و على فكرة دة مبدأ المحكمة الاقتصادية ان بيعمل جلسات مفاوضات على يد القاضى للتصالح ان شاء الله و اما الباقى فربنا يعينة و شكرا.

اقتباس:

---

المشاركة الأصلية كتبت بواسطة wrefay

لا يضيع حق وراءة مطالب

أنا و بعض من الزملاء قررنا من زمان و رفعنا القواضى و عرضنا المشاركة من الجميع لان لازم الواحد مايسبش حقة حتى لو هخسر القضية بس هبقى عملت اللى علية.

زى ما كلنا عارفين ان فى مصر و للاسف مش ها تاخد حقك الا لما تشتكى و تعملهم مشاكل ساعتها هتاخد حقك و كلنا فاكرين انك لما اشتكيت اعترفوا بالعيب و لما اشتيكت صلحولك اول ناس و لما رفعنا قضية ان شاء الله قبل ما تخلص القضية هيكونوا تفاوضوا مع اللى رفعوا بس و يدوننا حقنا عشان نتنازل عن القواضى و على فكرة دة مبدأ المحكمة الاقتصادية ان بيعمل جلسات مفاوضات على يد القاضى للتصالح ان شاء الله و اما الباقى فربنا يعينة و شكرا.

---

للأسف الواحد مكانش يتمني بأي حال من الأحوال ان الموضوع يوصل لقضايا وكلام من ده وكان نفسي ان العربية اركبها ومشكلة الفتيس تتحل لكن مافيش اي حاجة مبشرة لغاية دلوقتي كل النتائج الظاهرة سلبية.

اقتباس:

---

المشاركة الأصلية كتبت بواسطة محمد محمد

للأسف الواحد مكانش يتمني بأي حال من الأحوال ان الموضوع يوصل لقضايا وكلام من ده وكان نفسي ان العربية اركبها ومشكلة الفتيس تتحل لكن مافيش اي حاجة مبشرة لغاية دلوقتي كل النتائج الظاهرة سلبية.

---

للاسف الشديد ان كلامك صح 100% و خصوصا ان الواحد اللى مثلا دافع 160 الف جنيهة فى عربية عمرة ما هيدور انة عاوز يرجع عربية و لا يغير فتيسها بعد ما يشتريها زيرو و الملاك مش راحو يشتروا العربية دى عشان يرفعوا قواضى على تويوتا و يطالبو بتعويض و خلاص ما كان من الاسهل انى ماشتريهاش اساسا بس المشكلة ان الواحد حاسس انة اتظلم من وجهة نظرة الشخصية طبعا و دة اللى خلانا نحاول ناخد حقنا و حتى على الاقل ان احنا حاولنا عشان لو خسرناها يبقى نفسيا مستريحين و على العموم موضوع القضية لسة مفتوح و المحامين موجودين للحابب يشارك و ربنا يوفق الجميع و شكرا

اقتباس:

---

المشاركة الأصلية كتبت بواسطة wrefay

للاسف الشديد ان كلامك صح 100% و خصوصا ان الواحد اللى مثلا دافع 160 الف جنيهة فى عربية عمرة ما هيدور انة عاوز يرجع عربية و لا يغير فتيسها بعد ما يشتريها زيرو و الملاك مش راحو يشتروا العربية دى عشان يرفعوا قواضى على تويوتا و يطالبو بتعويض و خلاص ما كان من الاسهل انى ماشتريهاش اساسا بس المشكلة ان الواحد حاسس انة اتظلم من وجهة نظرة الشخصية طبعا و دة اللى خلانا نحاول ناخد حقنا و حتى على الاقل ان احنا حاولنا عشان لو خسرناها يبقى نفسيا مستريحين و على العموم موضوع القضية لسة مفتوح و المحامين موجودين للحابب يشارك و ربنا يوفق الجميع و شكرا

---

معلش يجماعه انا بقالى فتره مش متابع ,طبعا يمحمد (ابو وليد سابقا) الموضوع رائع , بس انا ليا كام نقطه عايز نتكلم فيهم .
1- احنا كنا بنفكر مع بعض كلنا من الاول و وصلنا لنفس النتائج دي
أ- تغير الفتيس (تقريبا مستحيل)
ب- تغير العربيه (برضوا مستحيل) (للعلم فقط وياريت محدش يسأل على تفاصيل فى 2 رجعوا العربيات بتعتهم و ال2 من المنيا .. والموضوع تم فى تويوتا العباسيه <احتمال يكون فى ال 14 يوم حسب نص قانون حماية المستهلك>)
ج-ان الحل السحري ينفع (ده اخر امل و اخر فرصه لتويوتا <فكرة ان جهة يابانيه تعمل حاجه مرتين غلط او فيها عيب مش عايزه تدخل دماغي اطلاقا >)
د-ان احنا نرفع قضيه ... استاذ Wrefay انا فعلا من مؤيدين الحل ده ولما اتكلمنا برضوا كنت مقتنع جدا ولكن انا برضوا قلت زي اكيد كل الناس مفكرت طب منشوف الحل السحري الاول قبل منخلق عداء مع الوكيل .بس لو الشركه هتغير للرفعوا القضيه بس هتبقا نكبه عليهم وعلى ال ..... اكتر وساعتها مش هيلحقوا على القضايا (التوكيل طبعا) .

موضوع العربيه اصبح فعلا صداع كل مركب العربيه افتكر, مركبتش و شوفت عربيه ماشيه جنبي افضل ابص جوه هي MMT ولا لأ , طب ابيع و اخلص و اجيب سيفك used (منا مش هينفع اجيب جديد) طب انا عربيتي عامله 22000 هبيع بكام و هخسر كام ,طب اركب كاست تاتش (مانا ممكن ابيع ---مش مركب) طب اركب فرش (اه وتيجي تبيع بعدها تبقا وقعت على سنانك) .:POINTIy2[2]:

انا فعلا كان هدفي الرئيسي لما عملت موضوع MMT بعد تركيب القطع الجديده ان اعرف أراء الناس --- و اضح ان الاراء مش مشجعه .
و عليه اكيد مفيش حل غير السكه الصعبه (القضيه) و زي ماتيجي تيجي على الاقل حاولت لو فشلت هاحاول ابيع ,لو السعر قليل هخليها بقى لما تجيب تمنها .
لو ناويتوا على القضيه يبقا نتقابل و نبقا كلنا مع بعض ,استاذ wrefay لو شايف ان عمل قضيه تانيه لنفس السبب مكمن تضيف و تعزز الموقف يبقى تمام اما لو ممكن اليى حابب يشترك معاك اعتقد يكون افضل , ولكن فى نقطه اعتقد انها مهمه وهي تسلسل الاحداث للوصول فى النهاية للقضيه يعني :-
1 - تغير القطع الجديده فى التوكيل (عشان ميتقلش رافع قضيه من غير متجرب).
2- عمل شكوى بعد التركيب (لو فعلا لسه المشكله قائمه).
3- بعد رد حماية المستهلك (لو مش مقنع) يبقى القضيه .

اقتباس:

---

المشاركة الأصلية كتبت بواسطة sadany18

معلش يجماعه انا بقالى فتره مش متابع ,طبعا يمحمد (ابو وليد سابقا) الموضوع رائع , بس انا ليا كام نقطه عايز نتكلم فيهم .
1- احنا كنا بنفكر مع بعض كلنا من الاول و وصلنا لنفس النتائج دي
أ- تغير الفتيس (تقريبا مستحيل)
ب- تغير العربيه (برضوا مستحيل) (للعلم فقط وياريت محدش يسأل على تفاصيل فى 2 رجعوا العربيات بتعتهم و ال2 من المنيا .. والموضوع تم فى تويوتا العباسيه <احتمال يكون فى ال 14 يوم حسب نص قانون حماية المستهلك>)
ج-ان الحل السحري ينفع (ده اخر امل و اخر فرصه لتويوتا <فكرة ان جهة يابانيه تعمل حاجه مرتين غلط او فيها عيب مش عايزه تدخل دماغي اطلاقا >)
د-ان احنا نرفع قضيه ... استاذ Wrefay انا فعلا من مؤيدين الحل ده ولما اتكلمنا برضوا كنت مقتنع جدا ولكن انا برضوا قلت زي اكيد كل الناس مفكرت طب منشوف الحل السحري الاول قبل منخلق عداء مع الوكيل .بس لو الشركه هتغير للرفعوا القضيه بس هتبقا نكبه عليهم وعلى ال ..... اكتر وساعتها مش هيلحقوا على القضايا (التوكيل طبعا) .

موضوع العربيه اصبح فعلا صداع كل مركب العربيه افتكر, مركبتش و شوفت عربيه ماشيه جنبي افضل ابص جوه هي MMT ولا لأ , طب ابيع و اخلص و اجيب سيفك used (منا مش هينفع اجيب جديد) طب انا عربيتي عامله 22000 هبيع بكام و هخسر كام ,طب اركب كاست تاتش (مانا ممكن ابيع ---مش مركب) طب اركب فرش (اه وتيجي تبيع بعدها تبقا وقعت على سنانك) .:POINTIy2[2]:

انا فعلا كان هدفي الرئيسي لما عملت موضوع MMT بعد تركيب القطع الجديده ان اعرف أراء الناس --- و اضح ان الاراء مش مشجعه .
و عليه اكيد مفيش حل غير السكه الصعبه (القضيه) و زي ماتيجي تيجي على الاقل حاولت لو فشلت هاحاول ابيع ,لو السعر قليل هخليها بقى لما تجيب تمنها .
لو ناويتوا على القضيه يبقا نتقابل و نبقا كلنا مع بعض ,استاذ wrefay لو شايف ان عمل قضيه تانيه لنفس السبب مكمن تضيف و تعزز الموقف يبقى تمام اما لو ممكن اليى حابب يشترك معاك اعتقد يكون افضل , ولكن فى نقطه اعتقد انها مهمه وهي تسلسل الاحداث للوصول فى النهاية للقضيه يعني :-
1 - تغير القطع الجديده فى التوكيل (عشان ميتقلش رافع قضيه من غير متجرب).
2- عمل شكوى بعد التركيب (لو فعلا لسه المشكله قائمه).
3- بعد رد حماية المستهلك (لو مش مقنع) يبقى القضيه .

---

احنا ممكن نتناقش براحتنا يوم السبت القادم ان شاء هنظم مقابلة وده الرابط بتاعها.
عايزين نعمل مقابلة جامدة لعصابة تويوتا

اقتباس:

---

المشاركة الأصلية كتبت بواسطة aymgamal

أنا معايا العربية موديل 2009 بقالها 4 شهور و عاملة حوالى 3000 كيلو و تأقلمت على طريقة السواقة بتاعتها و بصراحة مبسوط بيها جدا و مفيش أى مشكلة معايا
بس مش عارف لو ابتدت تحصل مشاكل هـعمل أيه غالبا لو حاجة بسيطة مش مشكلة لكن لو عملتها معايا مثلا فى طريق و بهدلتنى أكيد نفسى هأتشيل منها
و ساعتها غالبا لو لقيت بيعه هبيعها
أما بالتسبة لتغيير العربية من التوكيل أو تغيير الفتيس فأعتقد ات ده أحتمال صعب جدا و خصوصا فى بلنا الجميلة مصر

---

الكلام دا انا قولتو قبلك بس دلوقت ..............................
:36_1_61[1]:

رأي اخر لأحد الملاك بعد التركيب منقول من احد المواقع.

اقتباس:

---

أنا استلمت العربية النهاردة الحمد لله بعد بهدلة لمدة يومين من غيرها في المواصلات
من غير كلام كتير العربية بالنسبالي اختلفت بنسبة 100% من ناحية ::
1-النقلات بأت أسرع بكتير من الأول.
2-في سلاسة في النقلات واختفاء النتشة الخفيفة بعد الغيارات نهائيا .
3-معدل استهلاك البنزين قل بنسبة ملحوظة جدا في عداد ال range (يعني الفل دلوقتي عاد بيعمل 500كم تقريبا)كانت الأول 420كم بس.

غير كدة أنا ما كنش عندي مشاكل من الأول في الفتيس أصلا لا كان بيفصل ولا بيقطع ولا حصل معايا أي حاجة من الكلام الكتير اللي سمعناه من الناس كل الفرق اني حسيت ان الفتيس أصبح أكثر سلاة من الأول بدرجة ملحوظة
وعرفت كمان انهم ركبوا الشريحة الذكية بتاعة حل مشكلة دواسة البنزين مع العلم انه لم يظهر أي حالة منها في مصر (الحمد لله)..
أحب أطمن ملاك كورولا mmt ان القطع الجديدة والخدمة وسرعة الاستجابة من تويوتا ايجيبت هتكون مرضية لهم بنسبة 100%(ان شاء الله)...وان شاء الله محدش هيفكر في البيع

---

اقتباس:

---

المشاركة الأصلية كتبت بواسطة محمد محمد

رأي اخر لأحد الملاك بعد التركيب منقول من احد المواقع.

---

انشألله المقابله تحت بيت الراجل اليى غير الحاجات دي :colsmil::E_braces[1]:

اقتباس:

---

المشاركة الأصلية كتبت بواسطة sadany18

انشألله المقابله تحت بيت الراجل اليى غير الحاجات دي :colsmil::E_braces[1]:

---

هو انت تعرفه.:colsmil:

اقتباس:

---

المشاركة الأصلية كتبت بواسطة محمد محمد

هو انت تعرفه.:colsmil:

---

ييـــــــــــــــاريت , دانا كنت رابتط عنده لحد مجرب عربيته :b4_048:
بس انت شكلك كده ,, يعني كده .. تعرفه !!:36_9_4:

اقتباس:

---

المشاركة الأصلية كتبت بواسطة sadany18

ييـــــــــــــــاريت , دانا كنت رابتط عنده لحد مجرب عربيته :b4_048:
بس انت شكلك كده ,, يعني كده .. تعرفه !!:36_9_4:

---

يعني اللى جرب قال ايه غير كلام جاب احباط للواحد والصراحة.....انا معرفش الراجل.

اقتباس:

---

المشاركة الأصلية كتبت بواسطة محمد محمد

يعني اللى جرب قال ايه غير كلام جاب احباط للواحد والصراحة.....انا معرفش الراجل.

---

==============================
معاك حق في النقطة دي. معظم اللي جربوا كانو مش طايقين الفتيس من الاول و لا طريقة سواقة السيارة. علشان كدا انا مستني تجربة واحد زي حضرتك يكون حب قيادة النوع دة من السيارات.
علي فكرة انا عن نفسي مبسوط من السيارة و مش مستعجل علي التغيير بس ان شاء الله اغير احتياطيا برضة. لان مش متاكدموضوع التاكل عندي ممكن يحصل بعد قد اية

اقتباس:

---

المشاركة الأصلية كتبت بواسطة ahmedhee

==============================
معاك حق في النقطة دي. معظم اللي جربوا كانو مش طايقين الفتيس من الاول و لا طريقة سواقة السيارة. علشان كدا انا مستني تجربة واحد زي حضرتك يكون حب قيادة النوع دة من السيارات.
علي فكرة انا عن نفسي مبسوط من السيارة و مش مستعجل علي التغيير بس ان شاء الله اغير احتياطيا برضة. لان مش متاكدموضوع التاكل عندي ممكن يحصل بعد قد اية

---

المشكلة في الأنطباع الأول عند التركيب يعني معظم اللى ركبوا القطع الجديدة لغاية دلوقتي اجمعوا ان فيه تحسن في بداية التركيب لكن بعد فترة بترجع ريما لعادتها القديمة وكمان بيحصل n error عند البعض....انا زعلان جدا علي العربية دي وعلي اللى بيحصللها ومش شايف اي حاجة مبشرة لغاية دلوقتي.

اقتباس:

---

المشاركة الأصلية كتبت بواسطة محمد محمد

المشكلة في الأنطباع الأول عند التركيب يعني معظم اللى ركبوا القطع الجديدة لغاية دلوقتي اجمعوا ان فيه تحسن في بداية التركيب لكن بعد فترة بترجع ريما لعادتها القديمة وكمان بيحصل n error عند البعض....انا زعلان جدا علي العربية دي وعلي اللى بيحصللها ومش شايف اي حاجة مبشرة لغاية دلوقتي.

---

=============================
بص انا مع مقولة لا تصدق كل ما يقال لك...........
طبعا كل ااناس اللي غيرت و لم تشعر بفرق صادقة بس هو انا عايزاسأل حاجة
معظم الناس المالكين القدام للسيارة اجمعوا ان الاداء ممكن يبدأ ينخفض بعد 15,000 او20,000 ك و ال n error غالبا من 20,000 ال 40,000ك
يعني الي غير المجموعة ممكن يكون عمل 4000 - 5000 كيلو

انا رأي حاجتين : 1- بعض الناس موسوسة شويا اي همسة في السيارة تقول العيب رجع
2- انا شايف ان جهازحماية المستهلك ضمن لينا حقنا. بس انا راي سنة صبر. حتي تجد تويتا الحل الامثل ( لان ممكن كل اللي يكونوا بيعملوا دا مسكنات فقط). فانا شايف انه لا داعي للاستعجال (بالنسبةللي ما عندوش مشكلة ظاهرة للان) لان انتظار الحل الذي يدرسه الخبراءالان( حسب كلام الاخوة اللي بدلوا برضة) يكون افضل من تبديل القطع و استمرار العيب.
و يمكن د السبب الرئيسي اللي خلا 50 واحد بس يغيروا. لانهممش متاكدين انه حل نهائي.
برضه تويتا شركة محترمة . دي حاجة
تاني حاجه ان اكيدالحل دا لينا وللناس برا مصر لان اكيدتويتا باعت الوف من النوع دا

اقتباس:

---

المشاركة الأصلية كتبت بواسطة ahmedhee

=============================
بص انا مع مقولة لا تصدق كل ما يقال لك...........
طبعا كل ااناس اللي غيرت و لم تشعر بفرق صادقة بس هو انا عايزاسأل حاجة
معظم الناس المالكين القدام للسيارة اجمعوا ان الاداء ممكن يبدأ ينخفض بعد 15,000 او20,000 ك و ال n error غالبا من 20,000 ال 40,000ك
يعني الي غير المجموعة ممكن يكون عمل 4000 - 5000 كيلو

انا رأي حاجتين : 1- بعض الناس موسوسة شويا اي همسة في السيارة تقول العيب رجع
2- انا شايف ان جهازحماية المستهلك ضمن لينا حقنا. بس انا راي سنة صبر. حتي تجد تويتا الحل الامثل ( لان ممكن كل اللي يكونوا بيعملوا دا مسكنات فقط). فانا شايف انه لا داعي للاستعجال (بالنسبةللي ما عندوش مشكلة ظاهرة للان) لان انتظار الحل الذي يدرسه الخبراءالان( حسب كلام الاخوة اللي بدلوا برضة) يكون افضل من تبديل القطع و استمرار العيب.
و يمكن د السبب الرئيسي اللي خلا 50 واحد بس يغيروا. لانهممش متاكدين انه حل نهائي.
برضه تويتا شركة محترمة . دي حاجة
تاني حاجه ان اكيدالحل دا لينا وللناس برا مصر لان اكيدتويتا باعت الوف من النوع دا

---

هو فعلا مش كل ما يقال يصدق خاصة اننا علي المنتدي منعرفش بعض معرفة شخصية....بس انا دايما بتحري الكلام وبسأل ناس برة المنتدي بيأكدولي الكلام اللى بيتقال هنا وزيادة كمان...... وكمان فيه حاجة سمعتها بالصدفة من مهندس الأستقبال في مهندس الصيانة ضايقتني اوي كنت واقف بحجز ميعاد الصيانة لقيت واحد معرفة للمهندس بيكلمه بيقوله انا حجزت الأوتوماتيك 2010 علشان الفتيس التاني فيه مشاكل راح المهندس مصدق علي كلامه وقاله الفتيس فعلا فيه مشاكل ومش هينزل تاني بالرغم ان نفس المهندس لما بتكلم معاه الاقيه يقوللي الفتيس سليم مافيهوش حاجة وهو نفس المهندس اللى قاللى علي السوفت وير الجديد فبصراحة مبقتش بصدق كلام التوكيل ولا المهندسين في التوكيل وحسيت ان المهندسين حد قاللهم قولوا للعملاء الفتيس سليم .

يا جماعه ربنا عرفو بالعقل القطع الجديده دي هي هي زي القديمه بالظبط الاختلاف بس في الخامات افضل شويه عشان متسخنش ومتتأكلش بسرعه يبقي ازاي هتحسن اداء الفتيس؟؟؟ حد يفهمهالي دي انا مغير الطقم ده مرتين لحد دلوقت مره من سنه وكان طبعا غيرولي بالقطع القديمه زي الي كانت في العربيه ولما استلمت العربيه الاداء بتعها بيكون كويس لان الخلوصات متظبطه والسوفت وير متظبط والحاجه لسه جديده بس بعد 10000 كم لازم تظبط السوفت وير والخلوصات تاني لانك بتلاقي اداء الفتيس اختلف بيضعف في طلعته ويبتدي سعات يعلق ومينقلش او ياخد نقلتين ورا بعض التخاريف بتاعته المعتاده و انت مضطر تشلحله بي + او - وسعات مبيقبلش ولما ركبت القطع الجديده في اول شهر 2 الي فات العربيه كانت حلوه كالمعتاد لان زي ما قولنا كل حاجه متظبطه انا دلوقت مشيت بالقطع الجديده 15000 كم اداء الفتيس اتغي وبقي زي السحلفه في طلعته في الاول وبقي السوفت وير بيعلق ومحتاج اروح اظبط السوفت وير بس مش فاضي اروحلهم اصلا وقرفان من التوكيل

عموما الايام هتوضح الامور حلو مشكله الان ايرور فقط ولا متحلتش انما محدش يحط في دماغه ان حصل تحسين في اي اداء للفتيس

واي حد بقي بيغير الايام دي ممكن يلاحظ انه اول ما بيستلم العربيه اول ما بتشيل رجلك من علي الفرامل بتلاقي العربيه بتجري وتحس كده في قوه في العربيه وانت ماسكها بالفرامل بالعافيه بعد 10000 كم هتلاحظ انك بتشيل رجلك من علي الفرامل العربيه مبتتحركش من اصله الا لما تدوس بنزين كده هيبانلك ان اداء الفتيس بيضعف مع الاستعمال وعاوز ظبط كل 10000 كم

يا ريت بقي يا جماعه حد ياكدلنا خبر الناس ال 7 الي غيرو عربياتهم بي 2010 محدش يعرف حد حبيبه جوه التوكيل يجبلنا المعلومه الصح

وهلي في حد فعلا تم تعديل لهم دواسه البنزين مع تغيير القطع الجديده زي ما بيقول رئيس جهاز حمايه المستهلك؟

اقتباس:

---

المشاركة الأصلية كتبت بواسطة wwaeel

يا جماعه ربنا عرفو بالعقل القطع الجديده دي هي هي زي القديمه بالظبط الاختلاف بس في الخامات افضل شويه عشان متسخنش ومتتأكلش بسرعه يبقي ازاي هتحسن اداء الفتيس؟؟؟ حد يفهمهالي دي انا مغير الطقم ده مرتين لحد دلوقت مره من سنه وكان طبعا غيرولي بالقطع القديمه زي الي كانت في العربيه ولما استلمت العربيه الاداء بتعها بيكون كويس لان الخلوصات متظبطه والسوفت وير متظبط والحاجه لسه جديده بس بعد 10000 كم لازم تظبط السوفت وير والخلوصات تاني لانك بتلاقي اداء الفتيس اختلف بيضعف في طلعته ويبتدي سعات يعلق ومينقلش او ياخد نقلتين ورا بعض التخاريف بتاعته المعتاده و انت مضطر تشلحله بي + او - وسعات مبيقبلش ولما ركبت القطع الجديده في اول شهر 2 الي فات العربيه كانت حلوه كالمعتاد لان زي ما قولنا كل حاجه متظبطه انا دلوقت مشيت بالقطع الجديده 15000 كم اداء الفتيس اتغي وبقي زي السحلفه في طلعته في الاول وبقي السوفت وير بيعلق ومحتاج اروح اظبط السوفت وير بس مش فاضي اروحلهم اصلا وقرفان من التوكيل

عموما الايام هتوضح الامور حلو مشكله الان ايرور فقط ولا متحلتش انما محدش يحط في دماغه ان حصل تحسين في اي اداء للفتيس

واي حد بقي بيغير الايام دي ممكن يلاحظ انه اول ما بيستلم العربيه اول ما بتشيل رجلك من علي الفرامل بتلاقي العربيه بتجري وتحس كده في قوه في العربيه وانت ماسكها بالفرامل بالعافيه بعد 10000 كم هتلاحظ انك بتشيل رجلك من علي الفرامل العربيه مبتتحركش من اصله الا لما تدوس بنزين كده هيبانلك ان اداء الفتيس بيضعف مع الاستعمال وعاوز ظبط كل 10000 كم

يا ريت بقي يا جماعه حد ياكدلنا خبر الناس ال 7 الي غيرو عربياتهم بي 2010 محدش يعرف حد حبيبه جوه التوكيل يجبلنا المعلومه الصح

وهلي في حد فعلا تم تعديل لهم دواسه البنزين مع تغيير القطع الجديده زي ما بيقول رئيس جهاز حمايه المستهلك؟

---

عربية الراجل اللى حصللها n error تاني عملوا فيها ايه.

العربيه موجوده لحد دلوقت في فرع العباسيه وللاسف الشديد الراجل مش عاوز يخبر جهاز حمايه المستهلك بان العيب رجع تاني او ياخد موقف ضد الشركه ومن الواضح انهم اتفقو معاه علي حاجه عشان يتصرف بالطريقه دي وغالبا هيغيرولو العربيه في السر زي ما في ناس غيرت بالفعل

اقتباس:

---

المشاركة الأصلية كتبت بواسطة wwaeel

العربيه موجوده لحد دلوقت في فرع العباسيه وللاسف الشديد الراجل مش عاوز يخبر جهاز حمايه المستهلك بان العيب رجع تاني او ياخد موقف ضد الشركه ومن الواضح انهم اتفقو معاه علي حاجه عشان يتصرف بالطريقه دي وغالبا هيغيرولو العربيه في السر زي ما في ناس غيرت بالفعل

---

في حاجه غريبة - انا بعتبرها غريبه بس ليها معني .

انا عملت شكوه علي النت بحماية المستهلك ضد تويوتا ايجيب بخصوص موضوع الفيتس MMt وتركت رقم تليفون البيت بتاعي .
الغريب في الموضوع ان الا اتصل هو توكيل تويوتا نفسه وتركو رقمهم المختصر 16550 !!!!!!!
علي فكره انا قررت افعل الشكوي لان فعلا هم خيفين جدا وبعد كده لازم نتحد ونرفع قضيه عليهم ،
وانا ليه اراي ليه كل الا ركبو القطع يتوجهو الي حماية المستهلك من خلال اللجنه الهندسيه يتم اثبات ان العربيات لم يحدث بها شي!!! وعليه يتم اتخاذ موقف .

0118574458

هيحصل انشاء الله و اي حد يجيلو n error يعمل محضر اثبات حاله بالان ايرور في اقرب قسم وبالذات الي جاله ان ايرور بعد تغيير القطعه عشان يكون معاك اثبات رسمي تتكلم بيه

انا كنت هشتريها سدو نفسى منهم لله ودى اول كورولا تعجبنى وبسسبب ايتهبال التوكيل اللى استخف بالناس واحد قريب ليه اشتراها 2008 اول ما نزلت ولما اكتشفنا التقطيع فى النقلات روحنا كان الرد ظريف جدا (اصل انتو مش عرفين تستخدموها) اسلوب رخيص جدا واستخفاف كان المفروض التوكيل يفهم الناس النظام ده قبل الشراء وللعلم لو تويوتا متفضحتش فى العالم كلو كان التوكيل اشتغلنا وعملوا عبط
السؤال المهم هل ينفع يركب الفتيس العادى على نفس المتور؟؟