الموضوع: بدور علي رانجلر شاسيه قصير

المشاركة الأصلية كتبت بواسطة ....stable

السلام عليكم
يا جماعه انا بدور علي رانجلر موديل فوق 85 الشاسيه القصير الشكل المعدل تسعينات ..

2500سي سي او لو مغيره الموتور تكون 2000 سي سي .. او حتي ديزل بس يكون محترم ..

في حدود 20 حتي 25 الف ... هما دول اللي معايا والله
بس لو فيه واحده حالتها و موديلها كويسين و عاوز اكتر شويه .. هتصرف يعني برضه في حدود مسموح بيها

معلش اصلي لسه طالب


ممكن الاقي ولا مش موجود طلبي ده بالسعر ده ؟

وعاوز اسأل ..
هو الموتور 2500 سي سي ضريبته كام في السنه ؟؟؟


شكرا
و اسف علي وجع دماغكم

الرانجلر لو بحالة كويسة... هتلاقيها بتقع بين 25 و 30 ألف...

موديل قديم و مغيرة موتور... منصحكش بيها...

لو موتور ديزل طبعا هيبقا كويس جدا.... و هيوفر معاك جامد... بس العربية مش هتبقا بتاعت جري... عشان الديزل مش عايز قرص و حرق و شد....
الديزل عايز أنك تبقا حنين في الغيارات... يعني تطلع بس بالأول بعدين تجيب التاني وراه عدل... و متحرقش عليه ولا على أي غيار....

لو قررت تجيبها ديزل مغيرة موتور... تجيب معاك سمكري يكون أمين... (و ديه أهم حاجة - عشان صاحب العربية ميكرمشلوش حاجة ف ايده عشان يقولك كويسة و خدها...)

و كمان لازم تكشف كويس جدااااااا على الموتور (تجيب معاك ميكانيكي ديزل كويس)... عشان عمرة الديزل مش رخيصة....

كمان الفتيس و آلات الجر... الحاجات ديه أقل حاجة فيهم مكلفة جدا...

لو كل ده كويس... توكل على الله....

بالنسبة لضريبة أي حاجة أعلى من 2030cc بتكون 1045 جنيه في السنة.... طبعا غير التأمين...

المشاركة الأصلية كتبت بواسطة egyptweed1

أنا بدور على نفس الطلب ده بقالى حوالى شهرين و مش لاقى :)

المهم بتدور فين....

ماتكتفيش بالنت و بس... انزل بنفسك أماكن زي شارع جسر البحر...(اللي في شبرا)
و اسأل هناك الميكانيكية اللي بيعملوا موضوع تسقيط موتور ديزل في رانجلر دول كتير جدا
اسألهم على عربية معمولة جاهزة... هتكلف كام؟؟

أنا كتير بكون هناك بسأل على حاجات أو بشتري حاجات... لو تحب نتفق نتقابل هناك و ندور ابعتلي...

المشاركة الأصلية كتبت بواسطة ....stable

اولا .. عاوز اشكرك m!na علي ردودك المفيده دايما مش في الموضوع ده و بس .. انت ردودك مفيده في كل مواضيع قسم الجيب وانا معجب بخبرتك جدا .. ربنا يكرمك

ثانيا عندي سؤال ..هو الرانجلر ممكن الجسم كله يتم تعديله شكله الموديل الحديث .. الكورسيله كلها تتغير ؟ ولو كده هتكون دي لحامات ولا فك و تركيب ؟ .. العربيه دي بتراب الفلوس بره يعني ممكن ينزل بودي العربيه و يركبها علي الشاسيه عادي ..وتبقي ولا موديل ال 98 مثلا صح ؟
هو رقم شاسيه الرانجلر طيب بيكون فين .. عشان ده لو هيتغير الشكل ..رقم الشاسيه لازم يفضل بعيد عن التغيير .. صح ولا ايه ؟


انا نفسي انزل شارع جسر البحر ده .. بس معرفش ازاي ؟ .. انزل من المترو مثلا ... اخد ايه ؟ ولا هو بعيد ولا ايه ؟

شكرا مره تانيه علي ردودك ..

يا باشا أنا اللي متشكر على ذوقك :)

أولا... كروسليه الرانجلر راكب على مسامير... فك... و تركيب... من غير ولا بنطة لحام...
الموضوع بتاع تعديل الشكل ده... ممكن جدا يتعمل... و السوق ملياااااااااااااان بعربيات موديل 84 و 85 بكروسليه و موتور 97....
و تيجي تتصل باللي بيبيع... يقوللك أصل العربية ديه استيراد و كتبناها 84 عشان الضريبة - طبعا كلام فكسااااااان... و دا ترد عليه تقوللو و انتا من اهله...

بالنسبة لجسر البحر أنا عادة بركن في شارع شبرا ... و بنزل أتمشي للجسر...مسافة شارع واحد...

بس ملحوظة على جسر البحر يعني... أنه مليااااان نصابين...
فنزولك ليه خليه للسؤال و بس... لكن ساعة التنفيذ... متنفذش منه...

المشاركة الأصلية كتبت بواسطة ....stable

معلش طيب هوجع دماغك كمان ...

هو شارع شبرا ده قريب ن المترو ؟ لو هروح اتفرج يبقي مترو .. عشان عاوز اعرف اخبار قطع غيارها ايه ...

انا معروض قدامي رانجلر موديل 81 و معدله بشكل التسعينات ... نضيفه من بره و جوه و مسقط لها موتور و فتيس مرسيدس 230
2200 سي سي يعني ..
وطالب من بقه 25000
ده يبقي كويس ... ولا هي كده موديل قديم اوي .. ايه رأيك ؟

كتير عليها و ماتستاهلش السعر ده... عربية هتطلع عينيك... و هتقرفك في عيشتك...
موديل قديم... و موتور مش بتاعها... سيبك منها خاااالص...

بالنسبة لشارع الجسر.... انتا تنزل محطة سانت تريزا... و تدخل من شارع الجنينة و تمشي علطوووووووووول لا يمين ولا شمال... هتلاقي نفسك في جسر البحر....