السلام عليكم
انا كنت عاوز أسأل هل من الممكن اني أفك فلتر البنزين و أنظفه كل 5000 كم مثلا
مع المحافظه علي مواعيد تغييره طبقا لمواعيد الصيانه ؟؟
عرض للطباعة
السلام عليكم
انا كنت عاوز أسأل هل من الممكن اني أفك فلتر البنزين و أنظفه كل 5000 كم مثلا
مع المحافظه علي مواعيد تغييره طبقا لمواعيد الصيانه ؟؟
اللى اعرفه عن الفلاتر ان فى منها نوع راكب جوا التانك و نوع راكب فى الحوض و نوع راكب ورا العجله الخلفية و فى الغالب كلهم مقفولين و متبرشمين و الحشوة اللى بتفلتر جواهم و ما ينفعش التنضيف فيهم بس ممكن الكلام ده يمشى فى الديزل
و الله اعلم
لو تقصد فلتر البنزين اللي في الماكينة فمينفعش يتنضف..بيتغير كل فترة وخلاص
بيتغير و مينفعش يتنضف و هو عموما سعرة رخيص و مش صعب فى تركيبة!
اعتقد والله اعلم انك تغيره كل 30000 يبقى كويس
انا متهيالي لو زي اللي في اللانوس ممكن تشيلة و تكب البنزين اللي فية و بيكون اسود و منيل بستين نيلة و تركبة تاني مفيش مشكلة
قصدكم على الفلتر الكوبايه الشفاف ده ؟؟
اللى موجود فى الحوض
لو ده ده اعتقد سعره عبيط اوى وبيتغير مش بيتنضف
اماكن الفلاتر التانيه انا معرفهاش بصراحه
الفلتر مابيتنظفش بيتغير على طول كل 30000 الف كيلو لو بتمون 92 اما لو بتمون 80 يبقى كل 20000 الف دة بالنسبة للفلاتر الحديد اللى بتبقى متركبة فى الحوض
اما العاديين اللى هما تمنهم 15 جنية دول وشفافيين دول بيتغيروا كل 5000 كيلو او اول لما يسودوا
شكراا علي الردود أنا أقصد الفلتر اللي بيكون تحت الكنبه الخلفيه .. هوا شبه فلتر الزيت
انت اللى عندك تحت الكنبة الخلفية بتبقى طلمبة البنزين ولو معاها الفلتر يبقى عندك متركب جنبها وهو دة اللى بيتغير