هل من متخصص في الفرامل ؟؟؟

أرجو من الأعضاء الأفاضل عنوان ميكانيكي محترف ومتخصص في موضوع الفرامل علشان ماصرفش على الفاضي ، وياريت لو قريب من منطقة المهندسين .

الشكوى : مبدئياً الفرامل في أخر الدواسة وضعيفة مع السرعات المتوسطة ( 80-90 كم ) ، ومن يومين كنت بغير كاوتش جديد لاحظت أن عندي التيل الأمامي اليمين متآكل للنصف وله علامات على الديسك - أعتقد أنه كده شغال - في حين أن التيل الشمال غير متآكل والديسك نظيف .

وعلى فكرة المشكلة دي بقالها سنين ، وأنا زهقت منها بصراحة

صيانة الفرامل السابقة :
- التيل الأمامي متغير في التوكيل من 14000 كم
- التيل الخلفي هاغيره قريب جدا ، بس لسه شغال ( يكمل فوق الألف كيلو )
- عملت طقم صيانة للماستر العمومي ( ومافيش رشح زيت )
- غيرت الماستر الخلفي للعجلتين ( ومافيش رشح زيت )
- أخدت هوا كتير ، وبعدها بيومين أو 3 ترجع زي ماكانت

وشكرا مقدماً

http://img340.imageshack.us/img340/7566/59549456.jpg



http://img217.imageshack.us/img217/2210/70598515.jpg


دي صور الماستر والسرفو يابشمهندس

وهنا فيه سؤال بطرح نفسه ، هل من الطبيعي أن يكون خزان الزيت مرشح بالطريقة دي ؟

ولا ممكن لزوجة الزيت تكون أنخفضت وأتغيرت خواصه للدرجة أنها بيعدي من مسام الخزان ؟

خصوصا لو تلاحظ أن الخزان هو اللي مرشحه على مواسير والمواسير البعيدة عن الخزان نضيفه .

الحقيقه أنت محتاج شغل صح لدورة الفرامل

وأول حاجه نبدأ بيها

1- تغيير ماستر رئيسى جديد
لأن أنا الصراحه لا أفضل بالمره موضوع صيانة الماستر الرئيسى بالذات نظرا لدوره الحساس فى الآداء الفرملى

2- غير زيت الفرامل بزيت جديد

3- غير طقم تيل جديد للفرد الأربعه

أعمل كل الشغل ده وخد هواء دايرة الفرامل

وجرب الوضع الجديد والآداء الجديد

علشان برضه نطمن على أن

هل فيه علاقه بين كفاءة الماستر الرئيسى الحاليه

واللى بيحصل عند الفردتين الأمامين ولا لا

اقتباس:

---

ومن يومين كنت بغير كاوتش جديد لاحظت أن عندي التيل الأمامي اليمين متآكل للنصف وله علامات على الديسك - أعتقد أنه كده شغال - في حين أن التيل الشمال غير متآكل والديسك نظيف .

---

لأن ده وضع مش صح

وبيقول فيما معناه

أن فيه مشكله فنيه فى فرع الضغط اللى رايح للفردتين الأمامين

أى مفيش تساوى وعدل فى توزيع الضغط

على أساس ممكن يكون الزيت اللى رايح للفرده الأماميه يمين أكبر ضغطأ من قرينه الشمال وده اللى بيخللى التيل اليمين

يتاكل قبل الشمال

أو ده عيب فى الماستر الفرعى بتاع الفرده الشمال

_______________________________


علشان كده تغيير الماستر الرئيسى فقط مع التيل والزيت وأستنزاف الهواء بعد تغيير الزيت

والتجربه

حيبين ويفسر نقاط مبهمه كتير فيما بعد

اقتباس:

---

المشاركة الأصلية كتبت بواسطة samirayad

الحقيقه أنت محتاج شغل صح لدورة الفرامل

وأول حاجه نبدأ بيها

1- تغيير ماستر رئيسى جديد
لأن أنا الصراحه لا أفضل بالمره موضوع صيانة الماستر الرئيسى بالذات نظرا لدوره الحساس فى الآداء الفرملى

2- غير زيت الفرامل بزيت جديد

3- غير طقم تيل جديد للفرد الأربعه

أعمل كل الشغل ده وخد هواء دايرة الفرامل

وجرب الوضع الجديد والآداء الجديد

علشان برضه نطمن على أن

هل فيه علاقه بين كفاءة الماستر الرئيسى الحاليه

واللى بيحصل عند الفردتين الأمامين ولا لا



لأن ده وضع مش صح

وبيقول فيما معناه

أن فيه مشكله فنيه فى فرع الضغط اللى رايح للفردتين الأمامين

أى مفيش تساوى وعدل فى توزيع الضغط

على أساس ممكن يكون الزيت اللى رايح للفرده الأماميه يمين أكبر ضغطأ من قرينه الشمال وده اللى بيخللى التيل اليمين

يتاكل قبل الشمال

أو ده عيب فى الماستر الفرعى بتاع الفرده الشمال

_______________________________


علشان كده تغيير الماستر الرئيسى فقط مع التيل والزيت وأستنزاف الهواء بعد تغيير الزيت

والتجربه

حيبين ويفسر نقاط مبهمه كتير فيما بعد

---

جزاك الله كل خير يابشمهندس على أهتمامك

كده يبقى الكل أجمع إني لازم أغير الماستر العمومي للأسف .

أمري إلى الله ، ماكنتش عاوز أغيره لأن كل اللي موجود في السوق شكله مش ولابد ومالهوش ماركة معروفة .

إن شاء الله أدور على نوع كويس لما الصحة تتحسن :36_1_31:

وربنا يرزقنا علشان المصريف كترت على العربية وبدأت أعمل فيها شغل كتير :H_angry[1]:

اقتباس:

---

كده يبقى الكل أجمع إني لازم أغير الماستر العمومي للأسف .

---

أنا بأحييك على ذكائك فى تقصى المعلومه
وطالما فيه أجماع فى الآراء

يبقى أنت حتتحرك صح
نحو أصابة الهدف

اقتباس:

---

المشاركة الأصلية كتبت بواسطة samirayad

أنا بأحييك على ذكائك فى تقصى المعلومه
وطالما فيه أجماع فى الآراء

يبقى أنت حتتحرك صح
نحو أصابة الهدف

---

الواحد لما ياخد من حضرتك المعلومة بيبقى مطمن على عكس بلية ممكن يكون عاوز يعمل شغل عليا وخلاص ، خصوصا لو كان بيبيع قطع الغيار كمان زي اللي بتعامل معاه .

وأنا عن نفسي كنت مستبعد أن العيب في الماستر العمومي ، بس بدأت أشك لما لقيت موضوع التيل السليم ده .