الشاشة الدي في دي ليها حل من اتنين..
تدخلها في الـaux بتاع الكاسيت وده الأحسن والأفضل..
أو تاخد الأوت بتاعها على طول على الجي إم مباشرة بدون كاسيت..
والحل التاني ده مش هايديك باور عالي مهما حصل..
لو نويت عالحل التاني يبقى مقامها الصح تجيبلها جي ام صيني على سماعتين مضروبين من التوفيقية وبس على كده..
انما حرام تركبها على عدة متكلفة وهي مش هاتطلع صوت يشغل العدة دي أصلا..
الخلاصة..
الكاسيت بتاعك لو بايونير ولا كينوود ولا حاجة محترمة فهو بيطلع 40 - 50 واط للجي إم..
لو كاسيت معفن من بتوع زمان يبقى بيطلع في حدود 10 - 20 واط..
الدي في دي قوة الخرج بتاعه هاتلاقيها مكتوبة في كتالوجه من 250 إلى 500 مللي واط !!!!
يعني بالبلدي كده لما انت تدخل للجي إم نص واط.. مستنيه يطلعلك إيه عشان تحط عليه اربع سماعات ؟!
المفضلات