ممكن تكون كانت مرفوعة و لو أسيوط صغير كدا زى شبين يبقى عادى انا فى وقت الذروة بقضى مشاويرى مشى العربية بتعمل ال 100 كيلو بالعافية فى أسبوع يوم لما أبقى مشيت
عرض للطباعة
الأحتمالات كتيره بس ممكن عادى تكون عده كيلو قليل و نظافة التابلوه مش قصه بس راجع حد يكون امين سروجى و ميكانيكى و اكشف على التكييف
السعر لن يقل عن 49-50
اولا واخيرا الف شكر انتم فعلا رجاله جدعان قوي قوي فوق الوصف
ثانيا نبدا الرد
ايه رايكم يا رجاله
ابعد عنها شكلها مشغول
نضافة التابلوة من ناحية اية
- مش مشقق يعنى وطرى , عادى فى الاوبل لو بتحافظ على الصالون
- لونة نضيف , فى ناس بتفك التابلوة بالكامل ويغسلوة ويركبوة تانى !!
العداد غريب شوية بس بالكشف هتبان
بص على الدريكسيون ودواسات الفرامل والدبرياج والبنزين ومقبض الفتيس حالتهم اية , ممسوحين ولا لأ
جوان اية اللى محتاجاة؟ ومال بلية الكاتينة؟
فى كل الاحوال لازم كشف
الله ينور يا احمد
نورك ياباشا :)
بص يا أستاذ عمر دياب ، ولا كلمة توديك والا كلمة تجيبك ، وأنا شايف أنكم مكبرين الموضوع زيادة عن اللزوم
أولا
كون أن التابلوه نضيف جدا ده مش معناه أنه متغير، لان ببساطة جدا حضرتك لو أشتريت عربية جديدة وحبيت تحافظ عليها هتجيب فرش فرو وتحطه عالتابلوه وهيفضل جديد حتى لو قعد 20 سنة ، ممكن صاحبك ده يكون أشترى العربية وشال الفرش ولمع التابلوه بقى أحسن من الجديد
ثانيا
حتى لو كان التابلوه متغير أصلا(وده أحتمال ضعيف ) ، طلما دواخل العربية سليمة فده مش معناه أن التابلوه أتغير علشان العربية عملت حادثة والا حاجة ( خصوصا وانك بتقول انها فابريكة خوارج كمان )
ثالثا
الكيلو صغير والا كبير ، حقيقى والا ملعوب فيه ، دى مش قضيتنا ، اللى يهمنى لما أشترى العربية هوة حالة الموتور والعفشة والتكييف والحالة العامة للعربية، مش الكيلو القليل والا الكبير ، ياما عربيات ماشية بال 500 الف كيلو وحالتها جديدة ، وعربيات موديل 2009 ومتبهدلة وموتورها خفيف ، يعنى العبرة بنضافة العربية والاستخدام مش بالكيلو القليل
رابعا
بالنسبة للتكييف ، هوة مش محتاج كشف علشان يبان ازا كان كويس والا لا ، محتاج بس أنك تجرب العربية فى الضهر والحر وتشوفه بيسقع والا لا ( مع العلم أن أداء تكييف الأوبل مش قوى زى اليابانى ) بس عموما التكييف لو فيه مشكلة ( بالذات فى الاوبل ) مش هتحس أن فى تكييف شغال أصلا
خامسا وأخيرا
أنا شايف ( وممكن يكون رأيى غلط ) أن العربية مش فيها تناقض والا حاجة ، لأن حالة الصاج (فابريكة جوة وبرة زى ما بتقول) ماشية مع الحالة العامة للعربية ( الكيلو القليل والتابلوه الجديد والموتور السليم والتكييف القوى ) ، لأن ببساطة نادر جدا أن عربية بقالها 12 سنة تفضل بدهان المصنع داخل وخارج الا ازا كانت مشيها قليل وأستعمالها خفيف ونضيف
وشكرا لحسن أستماعكم
العربية دى مش مريحة نفسيا
و الله اعلم
السلام عليكم
علشان اتكلم صح بما يرضى الله
العربية دى مين اللى جايبهالك
لية سؤالى ؟
لان العربية لو من عماد رشدى او محمد الصابونجى باسيوط
خدها و انت مغمض و دة لسبب انهم بيجيبوا عربيات من اخر الاخر
و بتبقى اغلى الفين او تلاتة من العربيات اللى برة
بس فعلا الاتنين فريزة عربيات حلو اوى
لو تحب تكلمنى اتصل بيا على الخاص و انا هيديلك رقم تليفونى و ننزل مع بعض و اللى فية خير
يقدمة ربنا
و السلام عليكم