الشانا بينى فى إعادة البيع (18 - 20 - 21 - 20) حاجة غريبه

**AMA** · 15-04-2010 04:11 AM

بسم الله الرحمن الرحيم
السلام عليكم و رحمة الله وبركاتة

الأول العربية الشانا بينى دى أكيد كله عارفها لأنها أنتشرت جدا فى أسكندرية و كله بيقول قطع غيارها متوافرة جدا والله أعلم دا صحيح ولا لأ لكن يا ريت لو حد من ممتلكينها يدخل يأكدلنا أية أخبار قطع الغيار فى الشانا بينى
طبعا برضة كله عارف انها كماليات كامله جنوط و كل حاجة و كاسيت و 4 أزاز كهربا و أمكانيات حلوة و سعرها فى الوكيل حوالى 44 ألف جنيه

وجودت 4 أعلانات لبيع الشانا بينى و كله بيقول إنها فابريكة ماعدا واحد بس بيقول إنها أخدة خبطة فى حادث و كل حاجة فيها فابريكه

الأعلان الأول بيقول إنها بـ18 ألف جنيه
الأعلان التانى بيقول إنها بـ20 ألف جنيه
الأعلان التالت بيقول إنها بـ21 ألف جنيه
الأعلان الرابع بيقول إنها بـ20 ألف جنيه
و أكيد فيه اعلانات تانيه بس مشوفتهاش لو عايزنى أجيبلكم اللينكات قولولى بس انا خايف لحسن تكون دعايه بس

و ليه أسعارها رخصت جدا كدة طلاما الى بيبيعوها بيقولوا قطع غيارها متوفرة ؟

**AMA** · 15-04-2010 07:08 PM

هوا محدش بيرد على الموضوع ليه يا جماعة أنتوا أتصدمتوا ولا أية ؟

**foxarc** · 15-04-2010 08:11 PM

فين الاسعار دي ؟؟؟؟ إاستحالة الكلام ده

**meetooz** · 15-04-2010 08:27 PM

دى cherry qq عاملة حوالى 30000

**AMA** · 16-04-2010 01:27 PM

المشاركة الأصلية كتبت بواسطة foxarc

فين الاسعار دي ؟؟؟؟ إاستحالة الكلام ده

لو أستحاله مكانتش الناس عملت الأعلانات بالأسعار دى
على العموم دى لينكات الأعلانات عشان تصدقوا لحسن حد يفكرنى بخرف أو جاى أهزر

دا كان بيقول إنها نيسان شانا بينى عشان يبيعها

وكانت عامله 20
سيارة نيسان شانا بينى موديل 2008 بسعر مغرى - للبيع

و دى عامله 21
العربية الصينيه شانا بينى لون سيلفر 21 ألف جنيه نهائى بدون فصال مصر الاسكندرية | كل شي

و دى عامله 18
: سيارة شانا بينى الصينيه للبيع لظروف السفر 18 ألف جنيه الوسيط اعلانات مبوبة مجانية مصر : سوقك

المشاركة الأصلية كتبت بواسطة meetooz

دى cherry qq عاملة حوالى 30000

والله يا باشمهندس أنا دلوقتى بسمع أسعار إعادات بيع يا أما عاليه أوى يا رخيصــــــــه جدا بس إلى لاحظتة فى الشانا بينى لما شوفت الأعلانات دى وأستغربت كتبت فى جوجل شانا بينى للبيع لقيت أسعار رخيصة جدا أستغربت شويه (الله أعلم بتتباع بالسعر دة ليه أصلا)

هيا العربيه دى فيها أية يا جماعة يقلل منها كدة ؟
بتعطل كتير ولا قطع غيار مش موجودة ولا سواقتها وحشه ولا فيها أية ؟
يا ريت واحد تكون معاه العربيه دى و يقولنا أية أخبار كل الأسئلة دى معاه

**farfasha** · 17-04-2010 03:16 AM

الأصدقاء الأعزاء..أنا معايا شانا بينى من سنتين..والعربية ممتازة ولا بتعطل ولا حاجة..بس ممكن اللى عارض البيع ده اما العربية تكون واخدة خبطة أو عنده ظروف ومحتاج يبيع فورا..على فكرة أنا كنت جايب الكاملة منها ب 54 و500..ودلوقتى سعر الكاملة 49 و 500..يعنى قلت 5000 جنيه..العربية قطع غيارها سوزوكى بالينو..تيل الفرامل الأمامى ألتو..بيتباع فى واحد فى الكيت كات ب 40 جنيه..لكن اكسسوارها الخارجى غالى شوية..الفانوس الأمامى ب 450 جنيه..لكن سعر طنابير الفرامل الأمامية للطنبورة الواحدة 110 جنيه..فى حين السعر كان 400 أول ما جبتها من سنتين..وعامة لو ده سعر اعادة البيع يبقى وجودها مكسب معايا..لكن اللى أعرفه انها بتتباع مستعملة فى رنج التلاتينات فى حدود ال35 ألف حسب الحالة و العداد

**AMA** · 17-04-2010 03:48 AM

المشاركة الأصلية كتبت بواسطة farfasha

الأصدقاء الأعزاء..أنا معايا شانا بينى من سنتين..والعربية ممتازة ولا بتعطل ولا حاجة..بس ممكن اللى عارض البيع ده اما العربية تكون واخدة خبطة أو عنده ظروف ومحتاج يبيع فورا..على فكرة أنا كنت جايب الكاملة منها ب 54 و500..ودلوقتى سعر الكاملة 49 و 500..يعنى قلت 5000 جنيه..العربية قطع غيارها سوزوكى بالينو..تيل الفرامل الأمامى ألتو..بيتباع فى واحد فى الكيت كات ب 40 جنيه..لكن اكسسوارها الخارجى غالى شوية..الفانوس الأمامى ب 450 جنيه..لكن سعر طنابير الفرامل الأمامية للطنبورة الواحدة 110 جنيه..فى حين السعر كان 400 أول ما جبتها من سنتين..وعامة لو ده سعر اعادة البيع يبقى وجودها مكسب معايا..لكن اللى أعرفه انها بتتباع مستعملة فى رنج التلاتينات فى حدود ال35 ألف حسب الحالة و العداد

أصل إلى جننى أن دول حوالى 5 أو 6 أعلانات يعنى كتير يمكن فى أعادة بيعها كدة عشان مأخدتش شهرة الـa113 لكن أنا لما دورت على مواضيع ليها لقيت ناس بتشكر فيها و فعلا وجودها أفضل من بيعها كده لأن الحاله كمان نايمه و الأسعار دايما فى الواقع
بس طلاما العربيه كويسة أوى كدة ليه الناس دى بتبيعها ؟
أول أعلان أخدة خبطة و الباقى كله بيأكدوا إنها فابريكة دواخل و خوارج

**farfasha** · 17-04-2010 05:14 PM

على فكرة..أنا اتصلت بالتوكيل النهاردة وعرفت منهم ان الكاملة وصل سعرها ل 44 ألف و 500..!! وعرفت منهم انهم نزلوا سعرها أوى عشان يتخلصوا من الكميه الموجودة لأن الجديد نازل..عشان كده سعرها نزل فى المستعمل..بس مش لدرجة 20 ألف جنيه..أنا عن نفسى مش زعلان لنزول سعرها 10 ألاف جنيه عن ما جبتها..أصلى مؤمن بنظرية الستر..طول ما الواحد ربنا ساترها معاه ..تبقى الدنيا بخير..وبعدين أنا ليا زميل الله يكون فى عونه..جاب كذا عربية وسبحن الله كل مرة بمشكلة..و أخرتها لانسر زيرو والعربية اندعكت منه فى حادثة و طلع منها بالعافية..وجاب بعدها أوبترا..لما حسبنا معاه العربيات اللى اشتراها بالتأمين بالخسارة..لقيته خسر بالميت 40 ألف جنيه!!!..ف ربنا يسترها معانا و معاكم ويبارك للى معاه عربية أيا كانت ماركتها..ويرزق اللى مش قادر يجيب..ولما يجيب...يكملها معاه بالستر.

**AMA** · 17-04-2010 09:17 PM

المشاركة الأصلية كتبت بواسطة farfasha

على فكرة..أنا اتصلت بالتوكيل النهاردة وعرفت منهم ان الكاملة وصل سعرها ل 44 ألف و 500..!! وعرفت منهم انهم نزلوا سعرها أوى عشان يتخلصوا من الكميه الموجودة لأن الجديد نازل..عشان كده سعرها نزل فى المستعمل..بس مش لدرجة 20 ألف جنيه..أنا عن نفسى مش زعلان لنزول سعرها 10 ألاف جنيه عن ما جبتها..أصلى مؤمن بنظرية الستر..طول ما الواحد ربنا ساترها معاه ..تبقى الدنيا بخير..وبعدين أنا ليا زميل الله يكون فى عونه..جاب كذا عربية وسبحن الله كل مرة بمشكلة..و أخرتها لانسر زيرو والعربية اندعكت منه فى حادثة و طلع منها بالعافية..وجاب بعدها أوبترا..لما حسبنا معاه العربيات اللى اشتراها بالتأمين بالخسارة..لقيته خسر بالميت 40 ألف جنيه!!!..ف ربنا يسترها معانا و معاكم ويبارك للى معاه عربية أيا كانت ماركتها..ويرزق اللى مش قادر يجيب..ولما يجيب...يكملها معاه بالستر.

فعلا أهم حاجة أنك مقتنع سواء صينى أو أوروبى أو أمريكى أو أى نوع فى الدنيا أهم حاجة الراحه فى الأستخدام لان مثلا أستخدامك غير أستخدامى غير أستخدام أى شخص تانى و ربنا يباركلك إن شاء الله فيها