اية الى بيزعلك من الجنس الاخر

**semsem_uno** · 17-04-2010 07:20 PM

المشاركة الأصلية كتبت بواسطة mmffor

كيفية ارضاءه دي ممكن انا اتكلم عنها ! لوية بوز معتبره ! على زن و ون مبينتهيش! عياط عمال على بطال ولا عيال الحضانه و تغلط تغلط و تزعق و في الاخر تقولك لو سمحت صوتك ميعلاش و بلاش زعيق

والله يا باشا حضرتك 100 100
و كمان ينسو المواقف الجميلة و يفتكرو دايما اسوأ حاجة حتي لو كانت حاجة تافهة اوي
اللهم اصلح الأحوال

**hazoom2006** · 17-04-2010 07:20 PM

**semsem_uno** · 17-04-2010 07:25 PM

المشاركة الأصلية كتبت بواسطة cyborg_ift

وعلشان الناس اللي زعلانه أوي ..... نررررررررررررررررجع لبعض تاني
1- عمرهه ما تستر (لاحظت ده لما بكون مدي لوحده سر وأقابل ناس معرفتهه وأول ما يشوفوني يضحكوا ضحكة هبل وده ليه...؟ طبعا علشان عارفين السر)
2- عند ملوش حدود (لما تحبهه تعمل حاجه قولهه العكس وعن تجربه)
3- على راسهم بطحه (وده واضح طبعا)
4- واخدينهه بالدراع (في الشغل وفي البيت وفي الشارع .................... وفي....)
5- قدره مهوله على التحكم في نبرة الصوت (أول مره تشوفهه متسمعهاش أساسا ... تخطبهه تسمعهه بصعوبه ... تتجوزهه تحس ان عوامل الزمن غيرت حاجه بس ايه مش عارف... بعد كام عيل متسمعش منهه غير كلمه واحده .. نعم ياروح أمك)
6- نزعه قتاليه واضحه (والله يا جماعه بيلعبوا ملاكمه احسن مننا)
7- الحقد وحط تحتيه مليون خط ومهما عملتوا احنا برضه لينا مميزات اكتر منكم بكتيييييييييييييييير
برضه مش هطول علشان محدش يزعل

شكلك يا مان اتقرصت جامد منهم و شايل منهم كتييير

معلش انا حاسس بيك

خليك علي طبيعتك و خليك دايما كويس و اللي متقدركش متستاهلكش و هي الLOSER
انا عن نفسي فعلا هبقي ادقق في الأختيار (رغم ان ناس كتير مش بيبان عليها و طلعو ممثلين كبار و كمان المحجبين اغلبهم لابسينو عالفاضي و بيمثلو الأحترام ) بس بالأمانة لو البنات كلها اتهفت في مخها كده بلاها حب و جواز و اعيش حياتي احسنلي و خليهم هما كمان ينفعهم اللي بيعملوه

**the-hero** · 17-04-2010 07:57 PM

لو المرأة بتعمل كدا مش عليها عيب اصلا ملقتش الراجل اللى يشكمها سواء اب او اخ اوزوج فتعمل اللى تعمله بقي
ع دنيا السلامة

**horas3000** · 17-04-2010 09:35 PM

المشاركة الأصلية كتبت بواسطة aelhossan

حاجات كتير بتزعلنى بس مش ده الموضوع
يعني لو بدايق من واحده رغايه يبقي هدايق من واحد رغاي
ولو بدايق من واحده تنكه يبقي هدايق من وحد تنك
يعني الحاجه اللي بتزعلني واحده سواء بقي صدرت منه او منها

بصراحة ده اقوي تعليق علي الموضوع و اكترهم صدقا
بس المشكلة احنا (المقصود بيها الجنسين) عندنا كمية كلاكيع فكرية بتخلينا نتقبل حاجات من ناس و ناس تانية نديهم بال..... بسبب نفس الحاجات بالظبط

**cyborg_ift** · 18-04-2010 09:35 AM

المشاركة الأصلية كتبت بواسطة semsem_uno

شكلك يا مان اتقرصت جامد منهم و شايل منهم كتييير :o_stupid[1]:
معلش انا حاسس بيك

خليك علي طبيعتك و خليك دايما كويس و اللي متقدركش متستاهلكش و هي الloser
انا عن نفسي فعلا هبقي ادقق في الأختيار (رغم ان ناس كتير مش بيبان عليها و طلعو ممثلين كبار و كمان المحجبين اغلبهم لابسينو عالفاضي و بيمثلو الأحترام ) بس بالأمانة لو البنات كلها اتهفت في مخها كده بلاها حب و جواز و اعيش حياتي احسنلي و خليهم هما كمان ينفعهم اللي بيعملوه

محلاهه عيشة الحريه على رأي الشاعر اللي معرفوش

بس والله انا ملاحظ انهم ملو البلد وكتروا عننا بكتيرررررررررر

**the-hero** · 18-04-2010 10:23 AM

ريتشارد . ريتشارد
انت تجرى وراء حلم كاذب
لآزم نحسبها صح

**w_abedelhakim** · 18-04-2010 12:36 PM

المشاركة الأصلية كتبت بواسطة gmakram

الاخت الكريمه اشكرك على الاهتمام بالرد مع ان الموضوع انا شايفه تحول لساحه عراك ودخلت الاكياس وكلام كبير كدا ربنا يستر على رجاله المنتدى :)
انا اللى اقصده هو المعنى الاول بعض الشئ,البنت بتتكلم مع الولد بتناكه اوى وبترسم نفسها كأنها ملكه بدون سبب ومش فاهم ليه بصراحه,ايه لزمه التناكه او الألاطه فى التعامل؟مع ان البنت لما بتتعامل ببساطه بتبقى احلى بكتير,فعلا فيه فئه بنات جدعه وبتتكلم وبتهرج بس للاسف ديه فئه قليله,معظم البنات دلوقتى اليطه وتنكه وللأسف فاكره ان دى شياكه منها حاجه تحزن بصراحه
انتى صح ان ممكن يكون فيه ولد شايف نفسه شويتين على الفاضى برضو بس اللى بنتكلم فيه ان دى صفه سائده فى البنات اكتر من الشباب
تقبلى تحياتى

ردك كويس جدا وتحس انك عايز نتفاهم مش نقول كلام وخلاص
بص ممكن يكون كلامك صح بس نبدأ بالمشكلة من الاول
عارف البنت اول لما تيجي تتدخل الجامعة يقعد معاها اخوها او حد كبير علي علاقة بيها واتفضل يا سيدي علي النصايح :
خدي بالك الاولاد اول لما بتدخلي الجامعة الاولاد اللي في سنة 3 و 4 بيحاولوا يتعرفوا عليكي علشان يلعبوا بيكي
متخليش حد ياخد رقم موبيلك
متخليش حد يتعرف عليكي علي طول متخليش حد يخاد عليكي
متمشيش مع واحد خارج الجامعة متضحكيش بصوت عالي وهكذا وهكذا .........
هي دي الخليفية اللي انت وغيرك بتهدوها لاخواتكم وقريبتكم اول لما تحتك بالعالم الخارجي ودي طبعا لانكم خايفيين عليها ودي حقكم ( لان في ولاد كتير مش كويسة )
بس هي بتبقي محتارة بين انها تسمع كلام اخواها اللي هو اكيد خايف عليها وبين انها يتقال عليها الاليطة ومغرورة والكلام ده
دي غير ان اللي ماشية مع دينها ومش بتسلم علي الاولاد بتبقي بقه ايه تنكة ومغرورة وحاجات كتير كده وهي كل اللي في دماغها انها ماشية مع دينها
ولو واحدة بتتضحك وتدي ارقامها وتخرج يتقال عليها مش محترمة
وعلي فكرة ده كله لان في فئة في الشباب وكبيرة مش صغيرة بتبقي نقطة التباهي بتاعتهم انهم مرتبط بديه وديه ويحكي لاصحابه ولو واحدة محترمة يفضلوا يتراهنوا عليها مين اللي يقدر يوقعها وهكذا

فلازم انتوا تتغيروا علشان احنا اهلنا يثقوا ان كل واحد حيافظ علي البنت كانها اختوا وتتبدا البنات تتعامل بحرية شوية

**cyborg_ift** · 18-04-2010 12:57 PM

المفروض ان الموضوع ده يتقسم لجزئين

أول جزء -21 سنه وده موضوع أنا مليش فيه بس أحب برضه اتكلم فيه
أنا عن نفسي عمري مقولت على بنت مبتكلمش أولاد إنهه تنكه أو أليطه بالعكس بحترمهه وبعرف ان أهلهه مربينهه كويس والأليطه هيه اللي مغروره بنفسهه وبيبان عليهم أوي
إحنا مبندعوش للإختلاط وإن البنت والولد يبقوا إخوات لإن ده مبدأ خاطيء وعمره ما هيحصل وياريت البنات يرجعوا لدينهم ويبطلوا المحذق والملذق ويتقوا الله لإنهه مبقتش جامعات ديه بقت كابريهات إلا من هداه الله وعافاه.

ثاني جزء +21 سنه وده ملعبي وأتكلم فيه وأنا فاهم بقول إيه
البنات عموما من كتر الكبت اللي عندهم والتميز اللي بيشوفوه ميزه للولد زي الخروج متأخر أو النزول براحته وكده للأسف عملهم عقده فبيحاولو يقلدونا بأي طريقه بس للأسف اتقلب ضدهم وده واضح جدا لإن 80% منهم بقوا زينا تمام في اللبس والاسلوب وغيره ....
بعد مرحلة الكبت والتقليد بتصدم إنهه بيتقال عليهه بت مستدكره فتحاول انهه ترجع لحقيقتهه لعل وعسى تبني اسرتهه والحمد لله بعد فتره بيتكعبل فيهه ابن الحلال .... وطبعا وبكل تأكيد بتطلع عليه القديم والجديد لحد ما تكرهه انه اتولد ولد من أساسه ... عرفتوا همه مفتريين ليه

-

الموضوع: اية الى بيزعلك من الجنس الاخر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

htc hd2 سعر من الاخر بكامل مشتملاته الاصليه+الكرتونه+اندرويد2.3.6+سعرمن الاخر+صور

كائنات احادية الجنس :)

انسب طريقه للقياده بجانب الجنس اللطيف

شوية صور عن قيادة الجنس الناعم.........كوميدياااا

الكلمات الدلالية لهذا الموضوع

المفضلات

المفضلات

ضوابط المشاركة