الموضوع: اية الى بيزعلك من الجنس الاخر

الصراحة نسبة كبيرة من اللى باشوفهم فى الشارع دلوقتى ما عدش ليهم صلة بالأنوثة ألا فى الشكل فقط و ساعات كمان حتى ما فيش الشكل ههههههههههههه و شكلى كده هاتضرب هنا أنا أخر الجنس الاخر معايا هوا والدتى اللى ما ليش غيرها فى الدنيا و ما فيش بعديها و لا قبليها و ربنا يخليهالى و يطوللى فى عمرها يا رب

المشاركة الأصلية كتبت بواسطة w_abedelhakim

ممكن احنا نتكلم شوية
بس انا هتكلم علي الفئة الكبيرة اللي هي متزوجة يعني

اكتر حاجة بتضيفني في الرجالة ان هما مش بيقدوروا
احنا عارفين انهم بيتعبوا وبيشتغلوا
بس بص ياسيدي لو واحد دخل البيت ومكنش الغداء جاهز مش بيعمل خناقة لان الحمد لله بقي في تطور بس علي الاقل بيقول كلمتين ملهمش لازمة مع ان الست بيبقي لسة برده راجعة من الشغل من نص ساعة

ولا الفيديو كليب واللي عاملة في الرجالة متخيليين ان لازم مراته تبقي كده علي طول لابسة ومتشيكة ولا كانها رايحة حفلة مع انهم بيبقي قاعدين عادي يعني بيجامة مش بالبدلة ولا حاجة ومحدش الجيل في البيت ولا حاجة زي الخروج ولا البرفان

وبلاش كده لو الاولاد عيطوا تبقي مشكلة كانها هي اللي ضربوتهم او هما ولادها لوحدها مثلا
ومفروض تسكتهم حتي لو هتحط بلاستر علي بقهم

1- بالنسبة لموضوع واحد راجع من الشغل مالاقاش حاجة ياكلها من مراتو اللي نفسو يرجع البيت علشان ياكل حاجة من ايديها و يقعد معاها شوية فا انا شايف انه حقو يعاتبها بس مش لدرجة انو يتخانق معاها و تقلب بمشكلة جامدة قد تتسبب في الخناق و الطلاق للطرفين بسبب حاجة زي كده لأن كده يبقي سلوك خاطيئ
و بردو هي تقدر احترامو بحيث انها تحاول متكررهاش اكتر من مرة لأن كده ممكن في مرة يفقد اعصابو من غير ما يدري و كمان بردو اهم نقطة لو هي بتشتغل اهم حاجة ان الشغل مايكونش هيأثر علي بيتها او عالأقل المواعيد تكون مناسبة لأنها ست متجوزة و مينفعش نقول الشغل ممنوع للستات لأن بردو ساعات الظروف بتحكم ان الزوج و الزوجة يكونو بيشتغلو

2- انا شايف ان في المنزل اي حد سواء الست او جوزها كل واحد فيهم يلبس اللي يريحو لأن ده مكان الأستراحة و في نفس الوقت مراعاة ان كل واحد يكون شكلو مقبول للتاني

3- الأولاد ده شيء طبيعي انهم يعيطو و لازم الناس ديه قبل ما تتجوز تكون عارفة انها هتواجه حاجات زي ديه لفترة معينة من الزواج لأن الراجل اللي يعمل مشكلة بسبب ولد بيعيط او كده هو او مراتو (ده سلوك همجي)

المشاركة الأصلية كتبت بواسطة w_abedelhakim

موضوع تعدية الشارع ديه بقه ملهاش دعوة بالنوع خالص
ده حقد يا معلم الناس اللي بتعدي بيبقي تفيرهم ان انت راكب عربية كفاية عليك كده انت توقف باي شكل مش مشكلتهم المهم هما كفاية عليهم كده
وعلي فكرة الرجالة والاطفال اكتر في الموضوع ده
دا انا اكتر حاجة بضايفني ان راجل يجري ويعدي فجاة علشان مثلا يركب اتوبيس الناحية التانية بتحصل كتير بس عمري ما شفت بنت بتعدي جري او بسرعة
والموضوع ده سلوك وحقد ملوش دعوة راجل ولا ست

فعلا معاكي حق. البنت عمرها ما بتعدي قدام العربيه جري. ده بتعدي بمنتهي التناكه وبتمشي تتمخطر كانها ماشيه في عرض ازياء مش في عرض الطريق وموقفاه. ده انا بطلت ابقي زوق واتصرف بتحضر بسبب النوعيه ده من بعض البنات لاني كنت بشوف البنت واقفه مش عارفه تعدي فبدي انتظار واقف واشاورلها تعدي الاقيها باصه علي خطوات رجليها بمنتهي الغرور وماشيه تتمخطر قدام العربيه وبدال ما تعدي من قدامي في 3 خطوات تعدي في 8 خطوات ولو اديت كلاكس علشان تخلص وتمشي تبصلي شزرا ولا كانه الشارع بتاعها ولا كاني ساعدتها وكنت زوق معاها. لدرجة اني اوقات من الاستفزاز باتحرك وادخل في اتجاهها بسرعه الاقيها جريت من قدام العربيه انا بقيت لما الاقي بنت عايزه تعدي ما بعديهاش علشان ما تحرقش دمي..