اية الى بيزعلك من الجنس الاخر ايه راءى الاعضاء
يعنى كل واحد يكتب هو بيزعل من اية :POINTIy2[2]:من الجنس الاخر الراجل يقول و البنات ترد و العكس
و ربنا يستر
اهم حاجة ان يكون فية شفافية و الرجالة ماتخفش
عرض للطباعة
اية الى بيزعلك من الجنس الاخر ايه راءى الاعضاء
يعنى كل واحد يكتب هو بيزعل من اية :POINTIy2[2]:من الجنس الاخر الراجل يقول و البنات ترد و العكس
و ربنا يستر
اهم حاجة ان يكون فية شفافية و الرجالة ماتخفش
موضوع حلو
مش عارف
بس بحس ان الاتنين فاهمين بعض غلط
يعني البنات شايفين ان الرجاله او الشباب كلهم واحد
والعكس برضو
وبصراحه دا مش بيعجبني نهائي
لأن مافيش حد زي التاني
حتي لو في تشاهبه بين اكتر من شاب في نفس الحاجه
برضو لازم يكونو مختلفين
والعكس برضو للبنات
مفيش حاجة بتزعجنى والحمد لله الا الرغى الكتيير
وكمان هما مش عفريت يعنى علشان ننزعج منهم دول بنى ادميين زينا
طيب ما الاسهل اقولك ايه اللى ما بيزعلنيش من الجنس الاخر علشان صفحات المنتدى مش هتقضى للاجابة على سؤالك
وربنا يكفينا ويكفى جنس الرجال جميعا من شر الاكياس البلاستيك
ههههههههههههههه
........................*
محمود عينو
تبقى غبية وعاملة نفسها مفتحة قوى وبتفهم
تغير نبرة صوتها علشان تبين انها صايعة وفاهمة الكفت
تلبس لبس غريب وعجيب علشان تبين انها بنت ناس
حاجة مقرفة جدا
ايه يا جماعة الاراء الغريبة دى
انا حسيت ان الموضوع لسن 20 سنة بالكتير
يبقى ماتعملوش حسابى فى الموضوع ده
اولا الحمد لله مش خاف لأني اللي مش عمل حاجة غلط ليه يخاف
بص يا سيدي
اللي بيدايقني ان اغلبهم مش بيحسوا (ايوة مس بيحسوا ومش بيقدروا حتي الأهتمام ) و في ثانية ممكن تلاقي نفسك متباع و لوحدك و الكلام يتغير و الوعود تتقلب و بدون اي سبب
للأسف خيانة و كدب و غدر و عدم تقدير و و و و و و
مش عايز اكمل
و للأسف بيقولو علينا كلنا واحد و جروباتهم مغرقة الدنيا عالفيس بوك و بيشتموا في الأولاد ( مع انهم هما اللي للأسف بيجروحو و يعملو معانا حركات مش كويسة خالص ) و اللي يحرق دمك لما تيجي تتكلم يتقاللك جرح الولد غير جرح البنت !!! طب ازاي يعني ولا احنا مجرد لعب في ايديهم !!!! تتسلي مع ده و تعد مع ده و تطلع مصالح من ده
كفاية كده علشان انا شايل كتيييير و ارجع و اقول الكويسين موجودين (مع اني بدأت اشك بس بردو مش فاقد الأمل و واثق ان فيه )
انا مبحبش فى الجنس الاخر او البنات عموما الالااااااااااطه
للاسف معظم البنات اليطه اوى بمختلف سنهم او فكرهم او مستواهم وده انا لاحظته اوى هنا لكن برا البنت بتتعامل مع الولد على انها بنى ادم عادى اوى مش عارف ليه الفرق الشاسع ده...معظم البنات هنا فعلا اليطه اوى ومن غير سبب ومفتكرش ان دى حاجه هتتغير ابدا
+11111111
و احيانا غلط بدون سبب و استفزاز و معتدمين اننا مهما كان منقدرش نعمل حاجة او نلمسهم :POINTIy2[2]:
لأ اعمل و ميهمكش و انا عن نفسي كده مش بتفرق معايا :11:
بس علي فكرة مش كلهم كده بدؤا يتطوروا و يتعاملو بأحترام عن الأول بس علي الله الشباب الغبي يبطل بصبصة و معاكاسات و مايبقاش سايح في نفسو كده كأنو اول مرة يشوف بنت :O_stupid[1]: حاجة تحرق الدم
انا عندى قلة ثقة فيهم بصراحة يعنى عارف ان فى اى لحظة ممكن يبعوك بسبب او بدون
هممممممم
هو انا حاسس ان الموضوع مصيره انه يقلب لخناقة و اتهامات متبادلة
بس بصفة عامة فيه حاجات كده مشتركة في (نساء) كتير , لكن مش الكل للانصاف
مثلا الألاطة زي ما حد من الاخوة قال , او احساسها انها حاجة جامدة اوي مش عارف ليه
هممم , فيه حاجة مش عارف اسميها ايه , عارفين لما يكون واحد و واحدة بيعدوا الشارع و انت داخل بعربيتك هو يقف و هي عايزة تعدي و توقفك و بتشده عشان يعدي هو كمان ؟
و بعدها بشوية تلاقي واحدة ست معدية و هي متعمدة تحط وشها في الأرض
(طبعا مش محتاج اقول ان فيه رجالة كتيييييييييييير بيعملوا كده , بس نسبة الرجالة اللي بيستنوا اكبر بكتير اوي من الستات )
كمان احساس الواحدة فيهم انها لازم تاخد مميزات عن الآخرين , ليه ؟ الله اعلم
دول حاجات بسيطة من حاجات كتير
شعللها شعللها ولعها ولعها
شكلى كدة عملت مشكلة:8954[1]:
والبنات الظاهر خايفة ترد
بس انا هاقول راءى فى الاخر هاهاها:11:
بس علي فكرة الراجل ماعممش :colsmil:
تاني حاجة مش شرط الحجاب لأن في بنات محجبة و عارفين كويس هما بيعملو ايه و بيلعبو بالمشاعر و مش فارقة معاهم
حتي لبسهم
ده بقت موضة الجينز الضيق و البوت الطويل و احيانا جيبة و بوت عالحجاب فا مفرقتش كتير :I_angr1[1]: و بنات تقلع الحجاب و تلبسو وقت ما هما عايزين ولا كأنه ليه اصول في الدين و حاجة تفقع اللي ميتفقعش
كل اللي بقولو اللهما اهدي و اغفر :11: قولو امين
اوعي تكون بتتكلم علي البنات وهما في اعدادي ولا في ثانوني خلينا في السن الناضج الكبير
الرجال بعد الزواج هما اللي بيخونوا ويخدعوا ويقوموا بموضوع الزوجة التانية والنزوات والحاجات الفظيعة ديه المراة بعد الزواج عمرها ما تفكر في اي حاجة من الحاجات ديه بالعكس بيكون اولويتها بيتها وزوجها وكيفية ارضاءه
فسيبك من سن المراهقة ده الاولاد والبنات بيبقوا مش مركزين وبعد شوية بتعرف انه كان لعب
ديه حاجة محتاجة حوار بصراحة
بس يعني ايه الايطة
بتتكلم من برج عالي يعني ولابنت رقيقة وبتتكلم برقة شوية
ولا واحدة بتتكلم مع واحد وعايزه ميخدش عليها فتتضع حدود للكلام
بس عموما في بنات جداعة جدا وبتتكلم وبتهرج ومعندهاش مشكلة واحنا بني ادميين علي فكرة وعلي فكرة انا بشوف شباب لمجرد انه شكلة حلو شوية واخد في نفسة الم ومحدش عارف يكلمة
فما بالك بالبنات اللي هما الجمال كله
موضوع تعدية الشارع ديه بقه ملهاش دعوة بالنوع خالص
ده حقد يا معلم الناس اللي بتعدي بيبقي تفيرهم ان انت راكب عربية كفاية عليك كده انت توقف باي شكل مش مشكلتهم المهم هما كفاية عليهم كده
وعلي فكرة الرجالة والاطفال اكتر في الموضوع ده
دا انا اكتر حاجة بضايفني ان راجل يجري ويعدي فجاة علشان مثلا يركب اتوبيس الناحية التانية بتحصل كتير بس عمري ما شفت بنت بتعدي جري او بسرعة
والموضوع ده سلوك وحقد ملوش دعوة راجل ولا ست
خدي بالك انتي قلتي الرجال بصفة عامة :colsmil: و انا مش معاكي لأن مهما كان في الكويسين و الوحشين زي ما انا لسة واثق من وجود الكويسين في البنات
ابسط مثال امي و ابويا ربنا يخليهم و يحميهم و كل اللي اقولو ان يا رب الكل يعيش في حياة امنة و موثوقة و يبعد الخيانة عن الكل و الناس تعيش في حب و كل واحد يطول حبيبو
و بالنسبة لموضوع السن الصغير ده ارجع و اقول ان الرك عالتربية و سوق الأخلاق و عدم دراية الأهل باللي بنتهم بتعملو :11:
و علي فكرة مش شرط لأن اللي بتتعود انها تكون كده من صغرها و تلعب بالأحسايس لما بتكبرعلي كده بتكون بقت معندهاش احساس ولا قلب اصلا الا لو اتقت ربنا و الهداية نزلت عليها
و بعدين ما بردو لو في سن الثانوي و الأعدادي ما في بنات بردو مقدرة كلمة حب يعني ايه و عارفة الصح من الخطأ و عارفة حدودها مع علاقتها و محترمين كمان يعني الرك عالبنت و تربيتها
ممكن احنا نتكلم شوية
بس انا هتكلم علي الفئة الكبيرة اللي هي متزوجة يعني
اكتر حاجة بتضيفني في الرجالة ان هما مش بيقدوروا
احنا عارفين انهم بيتعبوا وبيشتغلوا
بس بص ياسيدي لو واحد دخل البيت ومكنش الغداء جاهز مش بيعمل خناقة لان الحمد لله بقي في تطور بس علي الاقل بيقول كلمتين ملهمش لازمة مع ان الست بيبقي لسة برده راجعة من الشغل من نص ساعة
ولا الفيديو كليب واللي عاملة في الرجالة متخيليين ان لازم مراته تبقي كده علي طول لابسة ومتشيكة ولا كانها رايحة حفلة مع انهم بيبقي قاعدين عادي يعني بيجامة مش بالبدلة ولا حاجة ومحدش الجيل في البيت ولا حاجة زي الخروج ولا البرفان
وبلاش كده لو الاولاد عيطوا تبقي مشكلة كانها هي اللي ضربوتهم او هما ولادها لوحدها مثلا
ومفروض تسكتهم حتي لو هتحط بلاستر علي بقهم
الصراحة نسبة كبيرة من اللى باشوفهم فى الشارع دلوقتى ما عدش ليهم صلة بالأنوثة ألا فى الشكل فقط و ساعات كمان حتى ما فيش الشكل ههههههههههههه و شكلى كده هاتضرب هنا أنا أخر الجنس الاخر معايا هوا والدتى اللى ما ليش غيرها فى الدنيا و ما فيش بعديها و لا قبليها و ربنا يخليهالى و يطوللى فى عمرها يا رب
1- بالنسبة لموضوع واحد راجع من الشغل مالاقاش حاجة ياكلها من مراتو اللي نفسو يرجع البيت علشان ياكل حاجة من ايديها و يقعد معاها شوية فا انا شايف انه حقو يعاتبها بس مش لدرجة انو يتخانق معاها و تقلب بمشكلة جامدة قد تتسبب في الخناق و الطلاق للطرفين بسبب حاجة زي كده لأن كده يبقي سلوك خاطيئ
و بردو هي تقدر احترامو بحيث انها تحاول متكررهاش اكتر من مرة لأن كده ممكن في مرة يفقد اعصابو من غير ما يدري و كمان بردو اهم نقطة لو هي بتشتغل اهم حاجة ان الشغل مايكونش هيأثر علي بيتها او عالأقل المواعيد تكون مناسبة لأنها ست متجوزة و مينفعش نقول الشغل ممنوع للستات لأن بردو ساعات الظروف بتحكم ان الزوج و الزوجة يكونو بيشتغلو
2- انا شايف ان في المنزل اي حد سواء الست او جوزها كل واحد فيهم يلبس اللي يريحو لأن ده مكان الأستراحة و في نفس الوقت مراعاة ان كل واحد يكون شكلو مقبول للتاني
3- الأولاد ده شيء طبيعي انهم يعيطو و لازم الناس ديه قبل ما تتجوز تكون عارفة انها هتواجه حاجات زي ديه لفترة معينة من الزواج لأن الراجل اللي يعمل مشكلة بسبب ولد بيعيط او كده هو او مراتو (ده سلوك همجي)
اللي مزعلني منهم جميعا انهم ليل نهار بيتكلموا عن حقوق المرأة والمساواة بين الرجل والمرأة
وطبعا المساواة في الحقوق فقط لكن تيجي على الواجبات وكلهم يخلعوا
ويبدأ الكلام اننا ستات وأن مفروض الراجل هو اللي عليه يعمل كذا وكذا كذا ...... إلخ
على فكرة انا بتكلم كلام عام عشان مزعلش حد مني
اقول ايه و لا ايه بس :I_angr1[1]:
انا لو اتكلمت احتمال اضرب بالنار :khd:
ده غير ان صفحات المنتدي كله مش هتكفي
طب والنكد يا جماعه فى اية مش معقوله تكونو نسيتو النكد
الصفه الاساسيه فى اى زوجه مصرية اصيله هى النكد
حتى لو لسة مخطوبة ماشاء الله عليهم اساتذه نكد وخصوصا لو مفيش تفاهم بينك وبين حماتك
بص هو انا مش زعلان من الجنس الآخر ف حاجه ابدا لكن لو بتتكلم على مصر صراحه انا مش شايف ان في جنس آخر اساسا ولا اساسا بقى في جنس أول صراحه.أشباه رجال أشباه نساء مع وجود استثناءات تكاد تكون نادره.رأيي صادم بس معلش هاتو شوية ميه وحاولوا تبلعوه واقعدوا بالعافيه
الكلام الكتير .................................................. ..........................................
حب التملك
ومعاملة الجنس الآخر بنوع من المنافسة
ومعاملة الجنس الآخر لمجرد كونه جنس آخر بغض النظر ععن آدميته
+ النكد ساعات
ومتنساش كل فترة تديهم لحماتك وتوقفها عند حدها
المختصر المفيد في موضوع الحريم...........
1- تقل دم واستظراف (متقولش هنيدي قاعد جنبك)
2- تناكه وحتى لوكانت متداس عليهه مليون مره
3- نكد نكد نكد نكد والله لو قعدت اكتبهه للصبح مهديهه حقهه
4- مهما عملتلهه مش هتقتنع ولا هترضا (مش عشان مش عاجبهه لأ علشان تجبلهه الأحسن)
5- سخافه في تعبيرات الوجه (والله ساعات واحده تتنح بوشهه يبقى الواحد هيرقعهه زغروف ويرتاح)
6- مثقفه أوي .. أوي أوي .. الكتكوته مثقفه .. الحلوه فاهمه كل حاجه (والله العظيم ما فاهمه حاجه)
7- إيديهه مخروووووووووووووووووووومه ومش أي خرم لأ ده خرم يعدي منه ابو الهول (بالله عليك عاوز تتجنن سبلهه المصروف شهر واحد بس)
8- حب الظهور (متلبسلكش غير الخيش وكل ما هو مقطوع وتخرج على سنجة عشره)
9- تحب تحس ان كل الناس بتعاكسهه (مع ان محدش بأه يعاكس غير الصيع والشمامين)
10- نفسي بس لما تيجوا تناموا تستنى لما هيه تنام وتتابعهه وهتشوف العجب (تقولش هريدي نايم جنبك)
يا جماعه نفسي لا ربنا يهديهم لا يهدهم والله أنا ممكن اكتب من هنا للسنه اللي جايه بس كفايه لأحسن الحكومه تاخد خبر