يا خالد باشا انت ممكن تجدد التابلوه بتاعك بالكامل اسهل و ارخص, ولو على العدادات ممكن تظبط الوانها وتغير النور بتاعها, بدل التعديل و المصاريف, و ربنا يوفقك ان شاء الله
يا خالد باشا انت ممكن تجدد التابلوه بتاعك بالكامل اسهل و ارخص, ولو على العدادات ممكن تظبط الوانها وتغير النور بتاعها, بدل التعديل و المصاريف, و ربنا يوفقك ان شاء الله
انا مشكلتى ان التابلوه حتى لو جديد تصميمه من الاساس قديم و تحس العربيه قديمه منه و انتا قاعد جوه العربيه
يعنى مثلا انا ناوى اجيب GSP تخيل منظره لو كان محطوط على التابلوه ده:brn:
مشكلة التابلوه بتاعها قديم و تصميمه تصميم سبعينات بجد (بص على كل العربيات اللى فى السبعينات و حتلاقى العدادات المدوره دى بيجو - تيوتا - فيات - فورد - شيفورليه - ...... )
احنا اسعد يا باشا
طب انا عايز اعرف هو التابلوة بتاع الاوبل كورسا يركب عندك ولا لا من جهة المقاسات بس لانة ركب على 128 عادى جدا فعايز اعرف التابلوة دة وتابلوة عربيتك نفس المقاسات ولا مختلفة:_Alshmokh23[1]:
طب ممكن تنزل فى الحرفيين عن احسن نوع تابلوه يناسبك 163 سم وهما ناس فاهمة مجرد سؤال مفيش منة مشاكل
لو ملقتش عندهم رد قولى وانا مستعد اقلبلك النت كلة على تابلوهات بدون دواير 163 سم
وانصحك متركبش نفس التابلوة لو انت متعقد من الدواير
المشكلة انك لما هتركب نفس تابلوة العربية بس جدبد مش هتحس انك عملت حاجة جديدة فى العربية البتحبها ووقتها هتكرها
سورى النت كان بايظ شوية و جبتلك صور من مواضيع كنت عاملها عشان الباشمهندس إلى قال مش بحب التعديل على السيارات القديمه هوريله أزاى العربيه بيتم أحيائها مرة تانيه
دى صور للماروتى المعدله
http://www.nilemotors.net/Nile/141108-a.html
و دا موضوع عن تابلو تفصيل كان فيه أجوبه كويسة
http://www.nilemotors.net/Nile/133888-a.html
صور فيات 126 معدله بالكامل
http://www.nilemotors.net/Nile/116708-126.html
صور رينو 5 معدله بالكامل
http://www.nilemotors.net/Nile/122360-renault-5-a.html
فيديو بصور لتعديل الرينو 5 بالكامل
http://www.nilemotors.net/Nile/142065-5.html
فيات 128 معدله (تغيير الوش الأمامى بالكـــــــــامل)
http://www.nilemotors.net/Nile/130029-128.html
أكتر من 90 صورة تعديل للهيونداى أكسنت
http://www.nilemotors.net/Nile/122799-90.html
تعديلات كامله على سكودا 120
http://www.nilemotors.net/Nile/122522-skoda-120-a.html
و قريبا أنواع تانيه إن شاء الله بس حسب المزاج و الغزالة بقى و أسف على التأخير
و حاول تستفيد من التعديلات دى على عربيتك زى الأكصدامات مثلا رينجات الفوانيس الفرش التابلو كدة يعنى
بالتوفيق إن شاء الله
انا مش عاوز انزل الحرفيين لأنى عارف الرد لأنه اتكرر معايا فى كل مره بروح فيها هناك اسأل عن اى حاجه ... كل مره بيحصل الحوار الاتى
انا : سلام عليكم
البياع : عليكم السلام
انا :كنت بسأل عن (اى حاجه عاوزه ان شالله حتى طاسه كواتش)
البياع (بدون تفكير فى السؤال بتاعى): عربيه ايه ؟ (هو حيحتاج يعرف ليه العربيه على طاسه كاوتش )
انا : كورولا 1978
البياع : يااااااااااااااه هو فيه لسه منها دى - بص هنا بنبع من اول موديل 90 و انتا طالع عاوز قبل كده انزل الوكاله (كل ده علشان طاسه عجل)
المهم مابخدشى منهم غير تريقه ... و بالتالى لما بنزل هناك دلوقتى ببقى محدد بالظبط ايه اللى عاوزة و بشتريه من غير ما اديله فرصه يسأل عن حاجه
المهم ياريت تبقى ساعتدى بجد لو لا قيت تابلوه عربيه عرضها 163 سم او اى كتر او اقل شويه ...بس ياريت تكون حاجه انسيابهي و شيك كده زى بتاع الهوندا 92
و شكرا مقدما:E_braces[1]:
طب ممكن بس تساعدنى فى شوية تابلوهات عربيات تعجبك وتكتبلى بس اساميهم وانا ادورلك على كتالوجاتهم واحاول ادور على عرض التابلوة بتاعهم
ولو غلبنا فى ورشة carboys فى الحرفيين ممكن نروح نسالهم