ترويش القديم : تغيير تابلوه تيوتا كورولا ١٩٧٨ بهوندا سيفيك ١٩٩٢

**midomizo** · 16-04-2010 09:48 PM

المشاركة الأصلية كتبت بواسطة khaled_sabry

هههههههههههههههههههههه
انتا ماتعرفنيش
انا مش بثق فى الصنايعيه خاااالص
و اى حاجه فى العربيه لو انا ممكن اعملها بعملها بنفسى حتى لو طلعت اسواء من اللى حيعمله الصنايعى
اصل الصنيعى لو طلعه شعره غلط حبقى مدايق على الفلوس اللى اخدها و فى الاخر طلعلى حاجه مش عجبانى
لكن انا لو عكيت الدنيا ... و ايه يعنى عربيتي و انا حر فيها و اللى عاجبه مايركبهاش و لا يبص عليها
و كمان الصنايعيه بقى صعب انك تلاقى واحد امين كلهم بيعملو من الحبه قبه

طيب و الله انا دلوقتى لسه راجع من ورشه قريب من البيت فى عين شمس - ارض النعام فيها سمركى و دوكو .. فقولت اسألهم عربيتي تتكلف كام سمكره و دوكو علشان كنت عاوز ارشها تبع حمله ترويش العربيه (Pimp My Ride)
علشان الدهان اللى عليها فق فق و كمان العتب مفعصه جامد
العربيه للأمان حالتها ان العتب مفعص جامد و فيها بارومه فى جسم العربيه من تحت الكرسين القدمانين من تحت الصالون ... و بعد كده فيها شويه تفعيصات بسيطه فى كام مكان كده .. بس تفعيصات تزنيق مش حوادث يعنى
المهم الراجل قالى حتحتاج 2000 جنيه سمكره و الدوكو قالى من 2000 لغايه 7000 .. نفرض 3000 مثلاا يعنى الموضوع كله حياخد 5000 جنيه

طبعا روحت و اتصلت بوالدى فى اسيوط و قولتله
قالى ده نصاب و انا عارف حالت عربيتك كويس هى اخرها فى السمكره 250 جنيه و الدوكو 1500و خلصت و انا عارف فى اسيوط صنايعيه كويسن يعملوهالك بالاسعار دى
و بالتالى حسافر اسيوط مخصوص علشان اعملها هناك و اجدد الرخص بالمره ... حسبى الله و نعم الوكيل فى صنايعة القاهره

انت عارف انا قبل مكمل قراية على كلام والدك كنت لسة هقولك دة نصاب
انا برضو وقعت قبل كدة بس بعد لف واسئلة كتير عرفت واحد جنبنا فى شبرا راجل كبير واسعارة كويسة وفاهم
ومع ان صنيعية كتير قالولى لو اترش الرفرف بس هترقع وهتكون لون ولون
وبعد معملتها عند الصنيعى الكبير دة الجنبنا قولتلة فى البداية انها هترقع قالى انا
مش اى حد عشان اعملهالك مرقعة
وفعلا بعد الدهان لقيتها مفيش فرق بنها وبين لو العربية القديم وهو اساسا فاتح عند مدرسة الميكانيكية الفى عبود

\

نصيحة لو هتركب التابلوة دة فعلا يبقا دور على صنايعى بتاع فايبر جلاس عشان يعملك شغل الفيبر لو كان فية مسافات بين التابلوة القديم والتابلوة الجديد ودور على حد بيفهم منهم واسالة

**smax** · 17-04-2010 11:55 AM

رأي فكرة تغير التابلوة دية مش حلوة لان التابلوة اي تابلوة تاني هيكون مش مظبوط علي العربية 100*100 و لازم تعدل في التابلوة الجديد و طبعا الصنايعية هيعكوا الدنيا و هيكون شكلة مش لايق علي العربية و كمان مترقع.
حاجة تاني انا شايف ان العربيات القديمة تتظبط بانك ترجعها زي الجديدة اولا يعني سمكرة و دوكو ممتازين وتضبط الفوانيس و الاكسسورات الاصلية و بعد كدة تعمل حاجات بسيطة زي جنوط , سبويلر و كساحات بسيطة و توطي العربية شوية و من جوة ممكن تغير العدادات بحاجة نفس المقاس باضاءة و عصاية الفيتيس و فرش جلد شيك .

**AMA** · 17-04-2010 06:06 PM

المشاركة الأصلية كتبت بواسطة khaled_sabry

هههههههههههههههههههههه
انتا ماتعرفنيش
انا مش بثق فى الصنايعيه خاااالص
و اى حاجه فى العربيه لو انا ممكن اعملها بعملها بنفسى حتى لو طلعت اسواء من اللى حيعمله الصنايعى
اصل الصنيعى لو طلعه شعره غلط حبقى مدايق على الفلوس اللى اخدها و فى الاخر طلعلى حاجه مش عجبانى
لكن انا لو عكيت الدنيا ... و ايه يعنى عربيتي و انا حر فيها و اللى عاجبه مايركبهاش و لا يبص عليها
و كمان الصنايعيه بقى صعب انك تلاقى واحد امين كلهم بيعملو من الحبه قبه

طيب و الله انا دلوقتى لسه راجع من ورشه قريب من البيت فى عين شمس - ارض النعام فيها سمركى و دوكو .. فقولت اسألهم عربيتي تتكلف كام سمكره و دوكو علشان كنت عاوز ارشها تبع حمله ترويش العربيه (pimp my ride)
علشان الدهان اللى عليها فق فق و كمان العتب مفعصه جامد
العربيه للأمان حالتها ان العتب مفعص جامد و فيها بارومه فى جسم العربيه من تحت الكرسين القدمانين من تحت الصالون ... و بعد كده فيها شويه تفعيصات بسيطه فى كام مكان كده .. بس تفعيصات تزنيق مش حوادث يعنى
المهم الراجل قالى حتحتاج 2000 جنيه سمكره و الدوكو قالى من 2000 لغايه 7000 .. نفرض 3000 مثلاا يعنى الموضوع كله حياخد 5000 جنيه :o_stupid[1]:
طبعا روحت و اتصلت بوالدى فى اسيوط و قولتله
قالى ده نصاب و انا عارف حالت عربيتك كويس هى اخرها فى السمكره 250 جنيه و الدوكو 1500و خلصت و انا عارف فى اسيوط صنايعيه كويسن يعملوهالك بالاسعار دى
و بالتالى حسافر اسيوط مخصوص علشان اعملها هناك و اجدد الرخص بالمره ... حسبى الله و نعم الوكيل فى صنايعة القاهره

يا راجل دا أى بنى أدم فى الدنيا بيعمل السمكرة بحوالى 200 جنيه و الدوكو لو نضيف جدا بألف جنيه دا شكله بيهزر ولا أية

المشاركة الأصلية كتبت بواسطة smax

رأي فكرة تغير التابلوة دية مش حلوة لان التابلوة اي تابلوة تاني هيكون مش مظبوط علي العربية 100*100 و لازم تعدل في التابلوة الجديد و طبعا الصنايعية هيعكوا الدنيا و هيكون شكلة مش لايق علي العربية و كمان مترقع.
حاجة تاني انا شايف ان العربيات القديمة تتظبط بانك ترجعها زي الجديدة اولا يعني سمكرة و دوكو ممتازين وتضبط الفوانيس و الاكسسورات الاصلية و بعد كدة تعمل حاجات بسيطة زي جنوط , سبويلر و كساحات بسيطة و توطي العربية شوية و من جوة ممكن تغير العدادات بحاجة نفس المقاس باضاءة و عصاية الفيتيس و فرش جلد شيك .

بالعكس أنا ضد الفكرة دى نهائى بص لتركيا أو اوروبا عمتا

هوريك كام صورة و أنت تحكم بس على الناس دى و من غير مصاريف كتير

**khaled_sabry** · 18-04-2010 01:19 AM

المشاركة الأصلية كتبت بواسطة smax

رأي فكرة تغير التابلوة دية مش حلوة لان التابلوة اي تابلوة تاني هيكون مش مظبوط علي العربية 100*100 و لازم تعدل في التابلوة الجديد و طبعا الصنايعية هيعكوا الدنيا و هيكون شكلة مش لايق علي العربية و كمان مترقع.
حاجة تاني انا شايف ان العربيات القديمة تتظبط بانك ترجعها زي الجديدة اولا يعني سمكرة و دوكو ممتازين وتضبط الفوانيس و الاكسسورات الاصلية و بعد كدة تعمل حاجات بسيطة زي جنوط , سبويلر و كساحات بسيطة و توطي العربية شوية و من جوة ممكن تغير العدادات بحاجة نفس المقاس باضاءة و عصاية الفيتيس و فرش جلد شيك .

انا طبعا مش متوقان التابلوه التاني يبقى مظبوط عندى 100 * 100 بس ححاول اظبطه قدر المسطاع و هو حيبقى فيه قص و لزق بالتأكيد بس حيبقى فى الاطراف يعنى يتهيألى مش حيبقى باين اثار الترقيع ده الا لما تفتح باب العربيه و تبص على طرف التابلوه ... ده اللى فى خيالى لغايه دلوقتى
و كده كده انا مش عاوز اروح لصنايعيه فى الموضوع ده و ناوى اعمله بايدي علشان الصنايعيه همهم ياخدو اللى فى جيبك و بس خاصه انى مش بعرف افاصل معاهم نهائى
و على العموم التعديلات التانيه انا كده كده حعملها باذن الله من سمكره و دوكو و الاكسسوارات ... لكن الجنوط مش عاوز اعملها لأنهم قالولى حتعب العفشه و كمان مش حتبقى مريحه على المطبات و لا الاسبويلر لأنه مش حيبقى لايق على العربيه

المشاركة الأصلية كتبت بواسطة AMA

يا راجل دا أى بنى أدم فى الدنيا بيعمل السمكرة بحوالى 200 جنيه و الدوكو لو نضيف جدا بألف جنيه دا شكله بيهزر ولا أية

بالعكس أنا ضد الفكرة دى نهائى بص لتركيا أو اوروبا عمتا

هوريك كام صورة و أنت تحكم بس على الناس دى و من غير مصاريف كتير

والله يا باشا انا صعيدي و صنايعه القاهره بيشتغلونى كل شويه اول لما بيشوفو نمر ملاكى اسيوط
و على العموم فين الصور دى ياباشا مستنينها

**khaled_rafea** · 18-04-2010 12:45 PM

عداد سرعة الهوندا اليكترونى شغال على بوردة من غير سلك سرعة, انا فكيته حتت قبل كده, العدادات مش حتشتغل عندك, كمان لو حتغير التابلوة لازم يكون نفس العرض, مش حيبات و مينفعش تقص حته منه, شوف تابلوه نفس الابعاد حيكون انسبلك

**khaled_sabry** · 18-04-2010 12:52 PM

المشاركة الأصلية كتبت بواسطة khaled_rafea

عداد سرعة الهوندا اليكترونى شغال على بوردة من غير سلك سرعة, انا فكيته حتت قبل كده, العدادات مش حتشتغل عندك, كمان لو حتغير التابلوة لازم يكون نفس العرض, مش حيبات و مينفعش تقص حته منه, شوف تابلوه نفس الابعاد حيكون انسبلك

سيبك من موضوع التابلوه ده
بس الكلمه اللى فى الجون هى ان العداد شغال بورد .... طيب اسلاكه بتبقى جايه منين ؟؟
اوعى تقولى جايه من كمبيوتر فى العربيه لأن مايتهيأليش اليبانى كانو يعرفو كمبيوتر العربيات (خدبالك بنتكلم على 92 ) لو كانت المانى كنت اقولك ممكن
فياريت تكمل جميلك و تقولى المعلومه دي

**midomizo** · 18-04-2010 01:09 PM

المشاركة الأصلية كتبت بواسطة khaled_sabry

سيبك من موضوع التابلوه ده
بس الكلمه اللى فى الجون هى ان العداد شغال بورد .... طيب اسلاكه بتبقى جايه منين ؟؟
اوعى تقولى جايه من كمبيوتر فى العربيه لأن مايتهيأليش اليبانى كانو يعرفو كمبيوتر العربيات (خدبالك بنتكلم على 92 ) لو كانت المانى كنت اقولك ممكن
فياريت تكمل جميلك و تقولى المعلومه دي

طب مقولك على حاجة يا استاذ خالد
انت ممكن تروح للراجل الهتجيب من عندو التابلوة تشوف عداداتة من ورا وتصورهالنا وترفعها

والاخوة بقا يعرفونا هينفع يركب عندك ولا لا

وصورلنا التابلوة العندك برضو بوصلاتة وفى الحالة دى هيسهل علينا نعرف كل معلومات عنة وبرضو فى انتظار رد الاخ خالد رفاعى

هو لو ممكن بس يا خالد تجبلنا معلومات اكتر عن التابلوة الهيركب بالضبط تكون ساعدتنا او فى حاجات كتير فى الموضوع دة

**khaled_rafea** · 18-04-2010 01:32 PM

يا شباب العداد من ورا خارج منه فيشتين كهرباء, و مفيش مكان لسلك سرعه, الفيشتين بيوصلو بفيشتين تانيين جايين من الضفيرة, فيه حاجة جاية من الفتيس اسمها ساعة السرعة دى شغالة كهرباء, بالنسبة لموضوع الكمبيوتر يا خالد باشا فده موجود فى الفى تك الانجكشن و الاس اى فى الموديل ده(92) و يمكن من قبل كده كمان, بس ده كنترول يونت للموتور كلة مش السرعة بس

**khaled_rafea** · 18-04-2010 01:38 PM

انا اسمى خالد عبد الرافع بالمناسبة , فرصة سعيده يا شباب

**khaled_sabry** · 18-04-2010 02:17 PM

المشاركة الأصلية كتبت بواسطة khaled_rafea

انا اسمى خالد عبد الرافع بالمناسبة , فرصة سعيده يا شباب

و انا خالد صبرى (ماقربشى لرجل المستحيل) ... احنا اسعد يا باشا

المشاركة الأصلية كتبت بواسطة khaled_rafea

يا شباب العداد من ورا خارج منه فيشتين كهرباء, و مفيش مكان لسلك سرعه, الفيشتين بيوصلو بفيشتين تانيين جايين من الضفيرة, فيه حاجة جاية من الفتيس اسمها ساعة السرعة دى شغالة كهرباء, بالنسبة لموضوع الكمبيوتر يا خالد باشا فده موجود فى الفى تك الانجكشن و الاس اى فى الموديل ده(92) و يمكن من قبل كده كمان, بس ده كنترول يونت للموتور كلة مش السرعة بس

مممممممممممممم
كده يبقى ادمر الحلم بتاعى من اساسه

لأن مادام دخل موضوع ساعتة سرعه يبقى انا مش حقدر اتصرف فيها (مش حشترى فتيس مخصوص علشان التابلوه يعنى )

و بالتالى يأما حشترى التابلوه بتاعى جديد (لسه فيه منه جديد - و ده اضمن الحلول )
يأما حد من الاعضاء الافاضل يتكرم و يقولى على تابلوه تانى يكون شكله حلو و شيك و مافيهوش كمبيوتر ولا ساعة سرعه و يكون لعربيه عرضها قريب من 163 سم

يلا كل واحد ينزل يقس عربيته بقى

الموضوع: ترويش القديم : تغيير تابلوه تيوتا كورولا ١٩٧٨ بهوندا سيفيك ١٩٩٢

LinkBack

أدوات الموضوع

عرض

-

-

-

المواضيع المتشابهه

ارجو من خبراء المنتدي تسعير Kawasaki ninja zxr400 موديل ١٩٩١للأهمية

سيارة مرسيدس ٢٠٠ موديل ١٩٧٩ للبيع

سيارة مرسيدس ٢٠٠ موديل ١٩٧٩ للبيع

بولو ١٩٩٧

مطلوب كيا برايد سيدان بالتكيف ١٩٩٩ او ٢٠٠٠

الكلمات الدلالية لهذا الموضوع

المفضلات

المفضلات

ضوابط المشاركة