ترويش القديم : تغيير تابلوه تيوتا كورولا ١٩٧٨ بهوندا سيفيك ١٩٩٢

**khaled_sabry** · 20-04-2010 01:47 AM

المشاركة الأصلية كتبت بواسطة scuderia.m

ماهو مش موصله بساعة في 128 عامل تغير بحيث إنه يشتغل على wire
وكل الcorsa فيها حوار الساعة ده.

هو يتهيألى ان اسلوب ساعه عداد السرعه هو ببساطه بيقط التيار على حسب السرعه .. يعنى اسلوب زى اسلوب شغل عداد rpm
و بالتالى كده ممكن يبقى فيه حاجه (شببه الاسبراتير العادى) بيتوصل بيه واير السرعه و منه بيطلع سلك اشارة عداد السرعه و حسبب تردد التيار فى السلك بتتحدد سرعه العربيه
و يتهيألى الاسلوب ده متبع حتى فى الكورسا و الهوندا ... لأنى مش مستوعب ان يطلع سلك ساعة العداد مباشره من الفتيس لأن كده حيلزم ان الفتيس يبقى متوصل بالكهرباء ... فتيس حيبقى متوصل بالكهربا ازاى وسط الزيت و القرف اللى تحت

**khaled_sabry** · 20-04-2010 03:59 PM

انا عملت سيرش تانى على النت على موضوع العدادات
فلاقيت واحد عارض تابلوه اوبل كورسا معدل لل 128 للبيع
واضح ان كلمه معدل لل 128 يعنى معدل العداد ... فياريت حد يساعدنى و يقولى بيخلى العداد يقبل واير ازاى ؟؟؟

**Scuderia.M** · 20-04-2010 08:46 PM

أنا سألت صاحبي النهارده, في ال128 بيركبوا ساعة بتاعت الTempra! مش بيتحول لWire عشان كده بيشتغل السرعة والRPM وكمان مش بيبقوا مظبطين.
يبقى إنت كده محتاج تشوف تويوتا فيها حوار الساعة ده ويكون ينفع يتركب عندك.. بعدين تركب عداد السيفك.
أو عندي فكرة تانية, ممكن تركب التابلوه من غير العدادات و تشوف عدادات تركب عالCivic وتكون Wire

**khaled_sabry** · 21-04-2010 12:29 AM

المشاركة الأصلية كتبت بواسطة scuderia.m

أنا سألت صاحبي النهارده, في ال128 بيركبوا ساعة بتاعت الtempra! مش بيتحول لwire عشان كده بيشتغل السرعة والrpm وكمان مش بيبقوا مظبطين.
يبقى إنت كده محتاج تشوف تويوتا فيها حوار الساعة ده ويكون ينفع يتركب عندك.. بعدين تركب عداد السيفك.
أو عندي فكرة تانية, ممكن تركب التابلوه من غير العدادات و تشوف عدادات تركب عالcivic وتكون wire

اولا شكرا على مجهودك
ثانيا : موضوع rpm طلعه من القصه .. ده مالهوش علاقه بساعه السرعه انا مركبه بايدي عندى فى العربيه و ده بيتوصل بالبوبينه و خلاص
نرجع بقى لموضوع ساعة السرعه ... هم بيركبو ساعة التمبرا دى فين ؟؟؟
يعنى بيفكو الفتيس و بتتركب ساعه التيمبرا و الدنيا بتشتغل عادى ؟؟ و لا هى ساعة التمبرا بتبقى ليها مدخل للوير العادى بتاعنا و بيطلع السيجنل اللى رايحه للعداد ؟؟

**midomizo** · 21-04-2010 12:49 AM

المشاركة الأصلية كتبت بواسطة Scuderia.M

أنا سألت صاحبي النهارده, في ال128 بيركبوا ساعة بتاعت الTempra! مش بيتحول لWire عشان كده بيشتغل السرعة والRPM وكمان مش بيبقوا مظبطين.
يبقى إنت كده محتاج تشوف تويوتا فيها حوار الساعة ده ويكون ينفع يتركب عندك.. بعدين تركب عداد السيفك.
أو عندي فكرة تانية, ممكن تركب التابلوه من غير العدادات و تشوف عدادات تركب عالCivic وتكون Wire

ممكن بس اخ Scuderia.M توفق زيارة صغيرة لاستاذ خالد يشوف التابلوة بتاع ال128 الراكب بعربية صديقك ولو ممكن بس يصور العداد بساعة التمبرا معلش بنتقل عليك

**Scuderia.M** · 21-04-2010 12:52 AM

المشاركة الأصلية كتبت بواسطة khaled_sabry

اولا شكرا على مجهودك
ثانيا : موضوع rpm طلعه من القصه .. ده مالهوش علاقه بساعه السرعه انا مركبه بايدي عندى فى العربيه و ده بيتوصل بالبوبينه و خلاص
نرجع بقى لموضوع ساعة السرعه ... هم بيركبو ساعة التمبرا دى فين ؟؟؟
يعنى بيفكو الفتيس و بتتركب ساعه التيمبرا و الدنيا بتشتغل عادى ؟؟ و لا هى ساعة التمبرا بتبقى ليها مدخل للوير العادى بتاعنا و بيطلع السيجنل اللى رايحه للعداد ؟؟

أنا عارف إن الRPM ملوش علاقة بحوار الساعة ده, أنا كان قصدي أوضح هو كان مشغل إيه في العداد...

أظن إنه بيركب الساعة عالفتيس.. بس برده هتأكدلك منه.

المشاركة الأصلية كتبت بواسطة midomizo

ممكن بس اخ Scuderia.M توفق زيارة صغيرة لاستاذ خالد يشوف التابلوة بتاع ال128 الراكب بعربية صديقك ولو ممكن بس يصور العداد بساعة التمبرا معلش بنتقل عليك

صاحبي ده باع العربية من شهرين! واللهِ العربية لو كانت موجودة كنت جبتها وخليتكم تشوفه اللي أنتم عايزينه..

وأنا اسمي محمد هشام

**kreka** · 21-04-2010 01:25 AM

يا جماعه أنا ولدى مهندس ميكانيكا سيارات وسألته النهرده مخصوص على الموضوع ده قلى إن فى وصله بتتعمل تحول من ساعه السرعه لوير

**AMA** · 21-04-2010 05:59 AM

المشاركة الأصلية كتبت بواسطة kreka

يا جماعه أنا ولدى مهندس ميكانيكا سيارات وسألته النهرده مخصوص على الموضوع ده قلى إن فى وصله بتتعمل تحول من ساعه السرعه لوير

طيب ربنا يطمنك والله ويا ريت صاحب الموضوع يدخل يقولنا أية النظام برضة و وصل لحد فين ؟

**khaled_sabry** · 21-04-2010 09:12 AM

المشاركة الأصلية كتبت بواسطة kreka

يا جماعه أنا ولدى مهندس ميكانيكا سيارات وسألته النهرده مخصوص على الموضوع ده قلى إن فى وصله بتتعمل تحول من ساعه السرعه لوير

انا كنت شاكك فى حاجه زى كده

الوصله دى بتتعمل عموله ولو كانت كده فبتتعمل فين ؟؟؟
ولا بتتباع جاهزه ولو كده برضه بتتباع فين ؟؟؟

المشاركة الأصلية كتبت بواسطة AMA

طيب ربنا يطمنك والله ويا ريت صاحب الموضوع يدخل يقولنا أية النظام برضة و وصل لحد فين ؟

صاحب الموضوع وصل للسمكرى
انا كده كده العربيه اتخبطت امبارح (اول خبطه فى حياتى ) بسبب واحده ست سايقه ميكروباص رمسيس و بتوصل العيال المدارس ... هى كانت جايه سريع فى تقاطع من على يميني و الغباء كمان انها كانت محضنه شمال (يعنى مافيش فرصه انها تتفادى اى حاجه) المهم خبطتنى فى طرف العربيه من قدام عند الغمازه اليمين و الظاهر كانت عاوزة تهرب فلاقتها مكمله و زقه عربيتي قدامها مسافه 2 متر لغايه لما خلتنى اخبط عربيه تانيه راكنه على الشمال و ستر ربنا ان عربيتي مافعصتشى مرات البواب اللى كانت بتمسح العربيه الراكنه دى فى الوقت ده
و بالتالى اطبق عندى الرفرف اليمين و الشمال و طبلة الباب الشمال .... نزلت الهانم تزعق و تقولى المفروض تاخد باك لما شفتنى جايه سريع فى تقاطع

على العموم انا مش زعلان اوى لأن كده كده كنت ناوى ارشها كلها مع تغيير التابلوه ده .. بس بجد صعبان عليا اول حادثه فى حياتى تبقى بالغباء ده
بس برضه الموضوع ده مهم علشان لما اشترى حاجه ابقى عارف انا حعمل ايه بالظبط بدل ما اجيب حاجه و تضيع عليا فلوسها