مساعده فى شراء شينيور ( مثقاب يعنى !! )

**Terrible_DaRsH** · 15-04-2010 07:52 PM

روح كارفور هتلاقى كل اللى نفسك فيه هناك انواع و اشكال .

**Ahmed Nouh** · 15-04-2010 08:18 PM

المشاركة الأصلية كتبت بواسطة Terrible_DaRsH

روح كارفور هتلاقى كل اللى نفسك فيه هناك انواع و اشكال .

ما هو المشكله انى مش عارف ايه كويس وايه مضروب فممكن اشترى حاجه متعمرش معاى قولت اسأل الاول ايه الماركات الكويسه وبعدين نشوف واهو برده نستفاد من خبره الناس

وبعدين انا كارفور مبينزليش من زور مش عارف ليه مبحبش اشترى حاجه واقف اسبوع على ما ادفع واخرج

المشاركة الأصلية كتبت بواسطة ghazy12

هات حاجه سعرها معقول, و هتبقى صيني طبعا, بس كويسه, الماركه اسمها (( كراون ))...

هتلاقيها في السبتيه او العتبه...

في طقم عدد الصنايعيه بتوعي في شغلي احيانا باشتغل بيها, لكن الأساس, باستخدم (( هيلتي ))
بس غاليه طبعا لأنها مستورده و للشغل الشاق...

بشمهندس غازى , منور يا باشا :)

طيب هو بدايه الغالى فى حدود كام مثلا ؟ , اصل انا فى الحاجات دى بحس ان الصينى مش هيعمر معاى وهبقى رميت الفلوس فى الارض

يعنى الصينى الكراون ده يعتمد عليه فعلا ؟؟ , وسعره برده فى حدود كام ؟

**ghazy12** · 16-04-2010 01:49 PM

المشاركة الأصلية كتبت بواسطة Ahmed0Nouh

[COLOR=Navy]

بشمهندس غازى , منور يا باشا :)

طيب هو بدايه الغالى فى حدود كام مثلا ؟ , اصل انا فى الحاجات دى بحس ان الصينى مش هيعمر معاى وهبقى رميت الفلوس فى الارض

يعنى الصينى الكراون ده يعتمد عليه فعلا ؟؟ , وسعره برده فى حدود كام ؟

يا احمد باشا الموضوع منور بصاحبه, و بالأعضاء الكرام :))

صدقني كراون ماركه صيني آه, لكن كويسه جدا, و كفايه انها بتشتغل بشكل مستمر في
مواقع كتير مع الصنايعيه عندي و زي الفل, و كل فتره و مع الاستخدام الشاق ده
ممكن مثلا تغير (شربون), بس كل 3 شهور مثلا من الشغل الشاق, و الشربون ده
لا يتعدى الـ20 جنيه أصلا......

فرأي انها هتكون افضل قيمه مقابل المال بالنسبه ليك كاستخدام خفيف, و هتديك
أكتر من ثمنها كمان...

البوش و الهيلتي هيبقوا غاليين جداا و انت مش هتعمل بالماركات دي حاجه لأنهم
مصنعين بجوده عاليه للشغل الشاق جداا, يعني البنطه الهيلتي بتعد كتييييييييير و لا
بتتبري, و لا بتتقطم.... بس انت هتدفع المبلغ ده في البوش او الهيلتي ليه..؟؟؟
هتلاقي نفسك بتستخدمها قليل جداا و هتحس انك دفعت كتير و خلاص...

صدقني و نصيحه على حسب استخدامك... ارشح لك الكراون جداااا...

تقبل تحياتي يا باشا...