الموضوع: صوت خبط فى الكاوتش القدمانى اليمين بعد حوده حاده

المشاركة الأصلية كتبت بواسطة Ahmed Galal

بيض المقص بيبقا عليه كوتش و جواه شحم لو اتقطع الكزتش بيبان تحت العربية و تلاقى الشحم منه و كمان جلب المقصات بتبقا مقطوعة و مشققة و العربية تعوم منك و لو كل ده مش موجود يبقا الجزئية ديه ما فيهاش حاجة هوا من كلامك فى الغالب ما فيش حاجة ان شاء الله بردك بص على الجنطين من جوه يمكن اتتنوا فى حتة و لا حاجة و ممكن السوست اللى قدام اتزحزحت من مكانها و رجعت تانى بردك احتمال وارد بس بعيد شوية

العربيه ماكنتشى بتوعم منى على الاطلاق
و ماكنشى فيه اى اختلاف فى ادائها امبارح خالص
كل اللى فيه انى و انا كاسر الدركسيون على الاخر و بطلع بالرااحه و انا بركن حسين بصوت خشونه
هى دى الاعراض الوحيده اللى حصلتلى و انا بسوق
و الناهرده الصبح ماعملتهاش لما طلعت بيها رغم انى حاولت اكتر من مره
هو بصراحه ممكن يكون موضوع السوست اللى اتزحزحو دول ورجعو لأن دلوقتى مافيش حاجه بجد

المشاركة الأصلية كتبت بواسطة Ahmed Galal

خلاص ما تقلقش و ان شاء الله خير لو انت ساكن فى جسر السويس انا ممكن أجى لك و نبص عليها زيادة فى الاطمئنان

الله يخليكي يا باشا الموضوع مش مستاهل
هو الواحد بقى بيجيله تهيأت الظاهر عن العربيات و الصنايعه
ده حتى و الله مراتى من كام يوم بتقولى انى و انا نايم من يومين تلات كنت بهلوس و بقول دور الموتور و ماتدوريش و جات من دى