ابراهيم حسن موقوف من دخول الماتشات بصفته مشاغب و الكلام دا قاله ظابط من الشرطة قبل الماتش بيوم
علشان كده كانوا بيفتشوا باص الزمالك
ابراهيم حسن موقوف من دخول الماتشات بصفته مشاغب و الكلام دا قاله ظابط من الشرطة قبل الماتش بيوم
علشان كده كانوا بيفتشوا باص الزمالك
على فكرة ابراهيم حسن لو متأكد انه مش موقوف رسميا مكنش سكت و كان زمانه موجود فى كل الماتشات
معلش اعذرني إبراهيم حسن رسمياً لا شئ يمنعه من حضور المباريات من مقاعد الجمهور
ولكن اللي صرح بيه سمير زاهر إنه كلم اللواء فلان مدير الأمن العام عشان ياكد عليه عدم حضور إبراهيم
ولما اللواء فلان يكلم إبراهيم بشكل ودي
ومع ملاحظة إننا بنتكلم عن فيلم كل أبطاله من اللي على راسهم بطحة يبقى إبراهيم هايسمع كلام اللواء فلان عشان نلّم الموضوع ونصفي الأمور مع سمير زاهر لأن إبراهيم مسيره يحتاج دعم الاتحاد في مشكلة الإيقاف بتاعته
ده حوار من نسج خيالي لا أستبعده إطلاقاً، وقد أكون مخطئ فيه
بالمناسبة إبراهيم صرح في أكتر من مناسبة إنه مُنى عينه يشوف قرار رسمي مكتوب بإيقافه عشان يواجهه بالتصرف القانوني المناسب
ولغاية دلوقتي مفيش حاجة طلعت طبعاً من اتحادنا الموقر
طالما لا شئ يمنعه ايه اللى مخليه مابيحضرش المباريات من مقاعد الجماهير زى ما كان بيعمل قبل قرار منعه !!!!!!!!!!!!!!!!
على فكرة الحوار اللى انت بتقوله من خيالك مش ابراهيم و لا حسام اللى يعملوه
طبيعتهم بتخليهم ما يسمعوش كلام حد لو ليهم حق الا لو كان قرار رسمى
و على العموم انا قلت اللى عرفته و لك الحرية فى تصديقه او لا
على فكرة فى مجموعة من مشجعى نيو كاسل ممنوعين من دخول اى ستاد رياضي لمدة موسمين .
و فى كل دول العالم المشاغبين بيتعمل معاهم كده .
ارحمونا الله يكرمكم .
يا شاركي أنا مكذبتكش
وانا قلت قبلها إني قد أكون مخطئ
يمكن مساحات اختلافنا في الغالب أوسع من مساحات اتفاقنا ولكن أظن إنك هاتتفق معايا إن ما يجرى خلف الستار أكثر بكثير من اللي نعرفه
وأكيد إننا برضة متفقين إن وجود إبراهيم بجوار حسام هايعجل بنهاية الأخير
وإن مكانه المنطقي الوحيد هو في بيته بعيد عن الرياضة والإعلام بكافة أشكالهما