توقع نتيجة ماتش الأهلي والزمالك
كل تمنياتنا بمشاهدة مباراة تليق بمصر والدوري المصري وتصنيفنا كرقم 10 على العالم الشهر اللي فات و13 حالياً .
وفي النهاية
توقع نتيجة ماتش الأهلي والزمالك
كل تمنياتنا بمشاهدة مباراة تليق بمصر والدوري المصري وتصنيفنا كرقم 10 على العالم الشهر اللي فات و13 حالياً .
وفي النهاية
هو الماتش الساعة كام وفي استاد القاهرة ولا استاد الحربية؟
مع إنى زملكاوى (بس مش متعصب عادى يعنى) وصوت للزمالك
إلا أن الأهلى هيكسب برده ببركة الحكام والكوسة :ma:
البلد دى فيها حكومة و(الأهلى) :36_1_1[1]:
من هو ماسيمو بوساكا؟.. تعرف أكثر علي حكم لقاء القمة 105
جاء اختيار لجنة الحكام بالإتحاد المصري لكرة القدم لطاقم دولي سويسري يقوده ماسيمو بوساكا لإدارة لقاء القمة رقم 105 بين الأهلي و الزمالك يوم الجمعة القادم موفقاً للغاية، وذلك للسمعة الطيبة التي يملكها هذا الحكم أوربياً و عالمياً و المستوي المتميز و الرائع الذي أظهره في كل المباريات التي أدارها في السنوات الأخيرة علي مستوي بطولات الإتحاد الدولي لكرة القدم علي مستوي الشباب و الكبار و كذلك نجاحه في إدارة العديد من المواجهات الصعبة علي المستوي الدولي للبطولات الأوربية للمنتخبات و للأندية و كذلك معرفته جيداً بالأجواء العربية بعد أن نجح في إدارة العديد من "الديربيات" العربية كان أخرها مواجهة الهلال و الأهلي السعوديين في نهائي كأس ولي العهد بداية العام الجاري و الذي أنهاه زعيم الكرة السعودية بهدفين لهدف.
بوساكا حكم سويسري بمواصفات إيطالية سواء تعلق الأمر باسمه أو لغته الأساسية التي يجيدها مع عدة لغات أخري، و منذ اتجاهه لسيرك التحكيم في الدرجات الدُنيا للدوري السويسري عام 2000 ثم وصوله للدرجة الممتازة عام 2006 أثبت أحقيته بنيل مكانة خاصة علي مستوي التحكيم العالمي منذ أن أدار عام 2001 لقاءه الدولي الأولي بين أيرلندا الشمالية و بلغاريا في تصفيات القارة العجوز لمونديال كوريا واليابان بعد عامين من تقلده للشارة الدولية.
أبرز البطولات التي ظهر خلالها بوساكا عالمياً كانت نهائيات كأس العالم للشباب في الإمارات 2003 و أدار خلالها لقاءين لمصر مع إنجلترا في الدور الأول وفازت مصر بهدف عماد متعب التاريخي ومع الأرجنتين في ثمن النهائي و خسرت مصر بهدف لهدفين بفضل الهدف الذهبي الذي سجله كافيناجي، ثم شارك في نهائيات نفس البطولة بهولندا عام 2005 بالإضافة إلي نهائيات كأس العالم للكبار عام 2006 و التي أدار خلالها ثلاث مباريات في الدور الأول و ربع النهائي.
ولأن لجنة الحكام بالإتحاد الدولي لكرة القدم تعتبره من نخبة الحكام علي المستوي العالمي فقد اختارته للمشاركة في بطولة كأس القارات التي استضافتها جنوب إفريقيا صيف العام الماضي و أدار خلالها لقاءا المنتخب البرازيلي في الدور الأول (مجموعة مصر) ضد الولايات المتحدة وفاز "السليساو" بثلاثية بيضاء ثم في نصف النهائي أمام جنوب إفريقيا وحقق "راقصو السامبا" أيضاً بهدف نجم البارسا دانيال ألفيس.
علي المستوي الأوربي كان حضور الحكم البالغ من العمر 40 عاماً مميزاً، حيث أدار لقاء نصف نهائي كأس الإتحاد الأوروبي عام 2005 ثم تبعه بإدارة المباراة النهائية لنفس البطولة التي أحرز خلالها أشبيلية الإسباني اللقب علي حساب مواطنه إسبانيول عام 2007، أما علي مستوي دوري أبطال أوربا فقد أدار لقاء العملاقين برشلونة الإسباني و مانشستر يونايتد الإنجليزي في ذهاب نصف نهائي 2008 و انتهي بالتعادل السلبي ثم عاد في العام التالي ليدير نهائي البطولة بين نفس الفريقين علي الملعب الأولمبي في العاصمة الإيطالية روما و الذي أنهاه زملاء "المعجزة" الأرجنتينية ليونيل ميسي بهدفين دون رد وتوجوا بلقبهم الثالث علي مستوي البطولة.
أوروبياً أيضاً شارك ماسيمو بوساكا في إدارة نهائيات كأس الأمم الأوروبية التي استضافتها بلاده مناصفة مع النمسا عام 2008 و أدار خلالها لقاء نصف النهائي بين ألمانيا و تركيا التي انتهي لمصلحة الماكينات بثلاثة أهداف لهدفين في مدينة بازل السويسرية.
أخر ظهور للدولي السويسري كان خلال ذهاب ربع نهائي دوري أبطال أوربا علي ملعب الإمارات في 31 مارس الحالي بين الأرسنال الإنجليزي و برشلونة الإسباني و انتهي اللقاء بتعادل الفريقين (2-2)، وكان نفس الحكم قد أدار لقاء الأهلي و الإسماعيلي في نصف نهائي كأس مصر في 28 يونيه 2007 وانتهي بفوز أصحاب الزى الأحمر بهدفي شادي محمد و محمد أبوتريكة قبل أن يتوجوا بلقب البطولة علي حساب الزمالك في النهائي الشهير (4-3).
اختيار حكم بهذا المستوي لإدارة "الكلاسيكو المصري" رقم 105 يضمن لعشاق الكبيرين مشاهدة لقاء يليق بقمة كرة القدم المصرية و العربية و الإفريقية "نمبر ون" ويمنح نجوم الفريقين علي أرضية ملعب القاهرة الدولي الفرصة للتركيز و يأخذ بأقدامهم ورءوسهم نحو الإبداع بعيداً عن المشاحنات التي تسبب فيها عدد من الحكام المصريين في الآونة الأخيرة و يغلق "أسطوانة" حجج مدربين و مسئولين أرادوا تعليق سبب تراجع نتائج و مردود ناديهم في الجولات الأخيرة علي شماعة التحكيم المصري المغلوب علي أمره.
مع اني لا بحب ده ولا ده
و لله الحمد مش متعصب للكورة
بس متوقع ان الزمالك ممكن يعملها بقيادة المخضرم حسام حسن
فهل هتصدق التوقعات بين الفريقين و يتغلب العميد و حاشيته على البدري و اتباعه؟؟؟؟!!!!!!
سؤال اجابته ستعرف في يوم الجمعة
الاهلي طبعاااااااااااااا
ان شاء الله
انا اهلاوي جداااااااااااا
بس بصراحه بمستوى الاهلي اللي بيلعب به ده
وبمستوى الزمالك اللي بيلعب به
كفه الزمالك ترجح
وانا صوت للزمالك
الا بقه اذا المارد الاحمر رجع من تااااااااااااني
يعني ايه كلاسيكو؟؟
مش عارف بس حاسس كده ان الماتش ده هاينتهى تعادل يأى نتيجة سواء ايجابى او سلبى لأن الفرقتين هايبقوا غالبا مقفلين خطوطهم تماما خوفا من المفاجأت
أعتقد تعادل
زملكاوي متوقع فوز الأهلي :)
نا عايز افهم حاجة النهاردة بيقولوا ابواب الاستاد هتفتح الساعه 1 و تقفل لما الاستاد يتملي يعني المفروض علشان اروح اتفرج علي الماتش اتزرع في الاستاد من الساعه 2 مثلا و افضل قاعد 6 ساعات لحد الماتش ما يبتدي
طب و لو انا معايا تذكرة ورحت الساعه 6 مثلا مش هعرف اخش
ليه الهبل دة ؟
بيدورا علي تعذيب الناس و خلاص علشان يعرفوا يفتشوا براحتهم
علشان كدة الناس عندنا بتبطل تشجيع من اول الماتش ما يبتدي علشان البهدله و القعدة في الشمس اللي ملهاش لازمه
حاجة تقرف
بس ان شاء الله الاهلي يكسب
أتوقع فوز الزمالك و أداء هجومي قوي من الثلاثي أحمد جعفر و شيكا و حسين ياسر ..
إن شاء الله النهاردة الزمالك يكسب 2/1 :E_braces[1]:
___________
تم النقل للاجتماعي
مشرف عام.3
معاك حق .. حد إتفرج عالكلاسيكو الحقيقي السبت اللي فات ؟ برشلونة و الريال
قبل الماتش بنص ساعة الأستاد نصه فاضي!! انا قلت إيه العبط ده "وش القروي الساذج الذي أبهرته أضواء المدينة"
انا متعود في الماتشات المهمة بروح قبليها ب 7 ساعات !
ساعة السلام الوطني .. الأستاد مليان علي أخره ! ولا عزاء للمصريين .. و أي فريق يكسب بلا وكسة
مع إحترامي لك و للقلة المحترمة التي تذهب للتشجيع لكن أغلب المشجعين في الإستادات هم ممن يحبون الشتيمة و الألفاظ النابية و يذهبون لشتيمة الفريق المنافس و ليس لتشجيع فريقهم ..بصراحة يستاهلوا هذه المعاملة ..
في كأس الأمم 2006 بمصر كانت أسعار التذاكر مرتفعة و كان يذهب للإستاد نوع معين من الجمهور مما جعل الشكل العام حضاري ..
حاجة بديهية جدا :)
الاهلي حيكسب ... وش !
شاكك فى النوايا , محدش يقاطع .
قولوا ان شاء الله .
بس مش معني كدة ان يتم بهدله القله المحترمه اللي بتروح يعني ميبقاش الاصل هو البهدله طب ماهو برة في ناس بتروح سكرانه طينه و في ناس بتروح تتخانق بس الامن حازم و بيعرف يسيطر علي الناس دة دون المساس باللي رايح ينبسط و يقضي يوم جميل
يوم برضة ماتش مصر و انجلترا قبلها بنص ساعه المدرجات مفيش و بعد كدة الاستاد مليان 80 الف متفرج
صدقني انا رحت ماتش مصر في كأس عالم 17 سنه سنه 1997 و من ساعتها حرمت اروح الاستاد من البهدله اللي شفتها و العساكر اللي راكبين حصنه و ماشيين ضرب في الناس
انا قصدي ان عذاب اني اقعد 6 ساعات علشان حدث مدته ساعتين لازم يبقي في حل لكدة
ههههههه مش مكانة
بس يارب يوفق الزمالك انهاردة
أحلام سعيدة لكل زملكاوي
بالنسبالي عايز الأهلي يفوز بس ايدي على قلبي وخايف تحصل مشاكل في ماتش انهاردة.....يارب يعدي على خير
مع انى زمالكاوى بس اتمنى اللعب يكون كويس مش مهم مكسب او خساره اهم حاجه الاخلاق فى اللعب
......................................
استخدام الأحرف الانجليزية في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى
9:00pm 16/4/2010
مشرف القسم 9ب
انا اهلاوى ومش متعصب خالص
بس تقريبا طول عمرى ببقى مش مهتم بنتائج ماتشات الاهلى لكن بكون مهتم جدا بنتائج ماتشات الزمالك وبكون فعلا فى قمة سعادتى لما باسمع خبر هزيمة الزمال كالمعتاد
توقعى للماتش ان الاهلى هايكسب ان شاء الله
[warning]انا اهلاوى مش زملكاوى[/warning]
انا واصحابى (95% اهلاوية) عايزين الزمالك يكسب ايه الحكمة فى كده معرفش
والله العظيم فعلا انا عايز الزمالك يكسب مش عارف ليه
أوضحلك السبب أيه ... السبب ببساطة تصميم الأستادات العالمية بشكل أحترافي تلاقي الجمهور رايح قبل الماتش بساعة على الأكتر وقبل الماتش بنص ساعة الأستاد بأكمله حوالي 80 ألف متفرج يدخلوا وممكن في ربع ساعة كمان ولكن منعاً للتزاحم بيدخلوهم في نص ساعة السبب هي السلالم والأبواب .. السلالم بتبقى عريضة جداً يعني تسمح بدخول أعداد كبيرة في نفس الوقت يعني ممكن تكون بعرض 40 فرد دفعة واحدة والبوابات كبيرة تسمح بدخول الأعداد الكبيرة بسهولة ويسر وبالتالي مهما كان عدد الجمهور هيدخل في وقت قليل وبشكل ميسر .
الاهلى فوق الجميع