من يفوز في مباراة الكلاسيكو رقم 105 بين الأهلي و الزمالك

**أبومعاذ** · 16-04-2010 11:52 PM

بالنسبة لعبد الله فاروق فليه عذر عشان مش بيلعب اساسي ودي طبعا من تجليات حسام البدري وبرضو كون انه مغلوب 3-2 ويروح منزل اسامة حسني اللي بقاله كتير مركون لكن اللي ملوش عذر هو احمد علي لأنه بيلعب شبه اساسي مع عم حسام البدري وتقريبا نفس الأداء دا كل مرة

**OlaOsman** · 16-04-2010 11:58 PM

المشاركة الأصلية كتبت بواسطة terrible_darsh

يا جماعة احمد على اسرع لاعب فى الاهلى مع بركات و بيعمل انطلاقات قوية جدا من ناحية اليمين , هو النهارده يمكن مايكونش موفق لكنه لاعيب كويس جدا .

اللى الاهلى لازم يستغنى عنه هو احمد عادل حارس المرمى , من يوم ما لعب و اخطائه كلها باهداف كفاية غلطة الهدف التالت اللى جابه عبد الشافى .

للاسف لم يقدم للاهلى اى شيء , كان لازم رمزى صالح اللى يلعب .

عموما الموسم القادم و لاده هيلعب و لا ده هيلعب .

بس شال كتير النهاردة برضه.

**أبومعاذ** · 16-04-2010 11:58 PM

المشاركة الأصلية كتبت بواسطة terrible_darsh

يا جماعة احمد على اسرع لاعب فى الاهلى مع بركات و بيعمل انطلاقات قوية جدا من ناحية اليمين , هو النهارده يمكن مايكونش موفق لكنه لاعيب كويس جدا .

اللى الاهلى لازم يستغنى عنه هو احمد عادل حارس المرمى , من يوم ما لعب و اخطائه كلها باهداف كفاية غلطة الهدف التالت اللى جابه عبد الشافى .

للاسف لم يقدم للاهلى اى شيء , كان لازم رمزى صالح اللى يلعب .

عموما الموسم القادم و لاده هيلعب و لا ده هيلعب .

أنا شايف أحمد عادل بالنسبة لأنه بيبدأ وبالمقارنة بالبداية بتاعة الهارب أول ما جه الأهلي شايفه هايل جدا وشوية صبر وهيبقى احسن من الهارب كمان

**Terrible_DaRsH** · 17-04-2010 12:01 AM

لا يا جماعة مش كويس و لا حاجة .

ده من ماتش برشلونة و هو مستواه سيء جدا .

هيرجع فريق الشباب تانى و رمزى صالح هيمشي لانه مش هيلعب .

و الاهلى هيتعاقد مع حارس ( المنصورة تقريبا ) بمليون دولار و ده سعر شايفه كبير جدا جدا .

هيبقي شريف اكرامى و هو , واحد اساسي وواحد احتياطى و شكرا .

**OlaOsman** · 17-04-2010 12:05 AM

المشاركة الأصلية كتبت بواسطة Terrible_DaRsH

لا يا جماعة مش كويس و لا حاجة .

ده من ماتش برشلونة و هو مستواه سيء جدا .

هيرجع فريق الشباب تانى و رمزى صالح هيمشي لانه مش هيلعب .

و الاهلى هيتعاقد مع حارس ( المنصورة تقريبا ) بمليون دولار و ده سعر شايفه كبير جدا جدا .

هيبقي شريف اكرامى و هو , واحد اساسي وواحد احتياطى و شكرا .

لأ بأه كويس

درش.. باقول لك ايه.. ما تحاول تسمع شوية الناس اللي بيتكلموا معاك في الموضوع.. إيه رأيك في الاقتراح ده؟

مساك فل يا درش.. انا باهزر معاك، إوعى تزعل

**medhat_skaik** · 17-04-2010 12:05 AM

مبروك للأهلي النقطة وهاردلك للزمالك النقطتين...

أهداف الأهلي التلاتة بمساعدة أحمد غانم سلطان الله يسامحه
جماهير الأهلي برضوه بتعمل بأصلها وقعدت تشتم التوأم بعد الماتش...
في ماتش قمة تاني الشهر اللي جاي إن شاء الله في الكأس نعوض فيه ونكسب الكأس

**TeXo** · 17-04-2010 12:11 AM

المشاركة الأصلية كتبت بواسطة medhat_skaik

مبروك للأهلي النقطة وهاردلك للزمالك النقطتين...

أهداف الأهلي التلاتة بمساعدة أحمد غانم سلطان الله يسامحه

جماهير الأهلي برضوه بتعمل بأصلها وقعدت تشتم التوأم بعد الماتش...

في ماتش قمة تاني الشهر اللي جاي إن شاء الله في الكأس نعوض فيه ونكسب الكأس

حضرتك زي ما سمعت شتيمه التوأم بيتهيالي سمعت اثناء الماتش الشتايم من جمهور الزمالك ؟؟؟

بس الواحد مرضاش يقول حاجه عن الموضوع ده لان اكيد زي ما في ناس شتمت في ناس كانت قاعده محترمه و عشان كده ما ينفعش التعميم .. لكن شوف بقى كلام حضرتك "جماهير الأهلي برضوه بتعمل بأصلها " أظن عيب جدا جمله زي دي .. لو تفتكر الماتش بتاعكم اللي قبل فات مع الشرطه و الشغب والتكسير و ضرب الجهاز الفني بتاع الشرطه و شتايم من جمهوركم لو حد قالكم حاجه بتقولوا دي قله مندسه صح ؟؟

التعميم ما ينفعش في اي حاجه

شكرا

**Sharky** · 17-04-2010 12:17 AM

المشاركة الأصلية كتبت بواسطة أبومريم

أنا شايف أحمد عادل بالنسبة لأنه بيبدأ وبالمقارنة بالبداية بتاعة الهارب أول ما جه الأهلي شايفه هايل جدا وشوية صبر وهيبقى احسن من الهارب كمان

كلام مظبوط
أحمد عادل مشروع حارس كويس بس نصبر عليه
و هو فعلا كان بدأ حلو لحد ما جابو شريف اكرامى و قغد احتياطى فاتهز

لو تفتكروا عصام لما جه للأهلى فى أواخر التسعينات كان حارس عادى جدا لحد ما الاهلى جاب له نادر السيد فجأة بقى حارس عالمى و مالوش حل يعنى بعد سنين من حراسته للأهلى