يا باشا عملنا ايه من غيرك..؟؟؟؟؟ احنا نقدر نخونك بردو :colsmil:
بس بجد والله ايه اللي عملنا من غيرك يا ابوصلاح, علشان مش فاهم؟؟؟
ده انت موسوعه يا دكتور احمد... لأ و بالتواريخ ما شاء الله
بس انت عندك حق فعلا, لأن انا نسيت ان اوتو ماركت عنده فشنكاح بردو...
بس اهم حاجه ان معلوماتي سليمه... :E_braces[1]:
تقبل تحياتي يا دكتور...
طيب ما انا قلتلك خديها من دلوقتي اسهل... كان لازم عن جداره و استحقاق..!!
هكتبلك شيك بدون رصيد بالمبلغ المطلوب... و انت طبعا ماعندكيش مانع :E_braces[1]:
او ممكن ابعتلك طبق او اتنين فشنكاح بالمبلغ (ديريفري) على البيت على طول...
اختاري الطريقه اللي تعجبك, و بعد الاختيار اضغطي رمز (الشباك) للتأكيد :ma:
صح الكلام
أوتو ماركت بعد كوك دور بشويه بعد شارع الفرات
و مطبوعاته بتقول لا تنس ان تسأل على الفشنكاح
و ده خد بيه جايزه نوفل لاكل الشوارع فى تايلاند
انا من بعد شغلى فى التحرير و العربيه بتاعه الكبده الشهيره و اللى مش فاكر اسمها
نفسى اكل شطه بالكبده ديه و اعدلى كام يوم فى البيت بصوت و الصهد خارج من ودانى و عمال اشرب فى اى حاجه تطفى النار و ميه نار تموت الجرسومات
بس نفسى فيها
مين يعرف حنتيل من بتوع الكبده عشان انا معتزل بقالى فتره
حدش جاب سيرة ابو رامى لية يا راجلة محدش هنا من مدينة نصر الكبدة والسجق النار انا كنت بروح انا واصحابى نعد ناكل لحد ما هنزهق هههههه مش نشبع ولما كنت اقوم اروح ببقى بسوق ببطنى ههههههههه ايام
عيب عليك
بس اصله اتخلى عن اصله و اسعاره بقت عبط
انا باكل منه من ايام ماكان عربيه واقفه جربانه و بعدين نقعد فى القهاوى الداخليه اللى قدام من ورا الشبراوى
و نفضل نشرف فى حاجه ساقعه عشان تبرد النار و نشد فى انفاس
بس ابو رامى مش جامد التنين
الناس بتتكلم على مستوى اعلى شويه
و طالما انت من الخط يبقى اكيد عديت على عبده تلوث اللى ورا الفندق اللى نسيت اسمه :)
عار علي دليل الرمرمه
طب خد عندك ياشنر اللي حصلي من الرمرمه وربنا يستر عليك
وعلي كل اللي ذيك
من 5 ايام حسيت ان حالتي الصحيه مش تمام وده بعد أكله
متينه متحبشه باليه والدهون والسمين من عند حبيبنا بيبو
قلت اروح أعمل شيك أب علشان أطمن ودية النتيجه
دهون ثلاثيه 690
سكر صايم 386
سكر فاطر 590
نسبه الهمجلوبين السكري 10.8
نسبة الكليسترول في الدم 450
أشتباه بوجود ضيق أو جلطه في شاريين القلب نظرا لأني
بعاني من وجع في أسفل الصدر الشمال مع زيادة ضربات
القلب وده تشخيص مبدأي لأني لسه معملتش الفحوص
والتحاليل لأن حالتي النفسيه في الحضيض بس هاروح
النهارده أعملها علشان أقطع الشك باليقين
ياجماعه الأكلات دية بتبهدل الصحه وبتدمرها
ربنا يسترها معاكم وخصوصا مع اللي بيدخن بتبقي النتيجه
أسوأ خدوا بالكم من صحتكم لأنكم هتتسألوا عنها يوم القيامه
أنهي عربية كبدة اللي في التحرير يا عم طارق
لو قصدك اللي في أول شارع التحرير عند ناصية شارع الأمير قدادار
فهذه العربية بدون اسم حتى الآن
وإن كان البعض سماها في بداية الألفية أبو حباجة
طب ليه بدون اسم
علشان دي عربية الكبدة بتاعت رجب هلال حميدة عضو مجلس الشعب عن دائرة عابدين والموسكي
وهي اللي بنت ثروته
ولازالت ملكه حتى الآن
أما بخصوص اقتراحات للكبدة
فالكبدة أنواع .. قوللي أي نوع عايزه وأنا أقولك أنهي واحد جامد فيه
تقبلوا جميعاً خالص مودتي
شنوووورى زعيم الرمرمه فى المنتدى
انا اول الرمرمه معايا كانت ايام ثانوى كنا بنضرب فول عند عربيه جااااااامده اوى فى الشلالات مش عارف تعرفها ولالا
وبعدين كشرى المدهش بتاع زمااااان الى فى محطه مصر جوه عند الناس الى بتشغل افلام هندى اكيد عارف الطاعم دى
وكبده الاتحاد ده كنت بجيب من عنده من 10 سنين وكنا بنتريق عليه ونقول ده بيسطاد القطط الى فى المنطقه بس طول عمره تحفه ودلوقتى بقى اشهر من النار على علم بس الكلام ده من فتره قريبه من كام سنه
وفيه برضه عربيه الكبده الى فى نص شارع اللاجيتيه قبل المول الراجل ده من سنين برضه وتطلع من عنده تخش على صابر وطبق الرز بلبن او المهلبيه
وفيه ناس كتييييير مش فى بالى دلوقتى
بس انت كده خليتنى افتكر ايام الرمرمه
بص انا اجيلك يوم ونروح نرمرم سوا باليل ايه رأيك ولو فيه حد اسكندرانى يجى معانا
بس ابببببببعد عن السمين والحلويات والكوارع والكلام ده مليش فيه
وفيه بتاع الكبده الى ادام المجمع فى الازاريطه انا ناسى اسمه بس ده ايامنا كان اشهر من النار على علم
ومكانش فيه مطاعم غيره هناك