بص يا كاميلوا لو استنيت شوية احنا هنعمل حملة على بحة زى ما عملنا حملة بيبو والبرنس قبل كده انما لو انت مستعجل فعندك فرعين لبحة واحد فى الناصرية وده الفرع القديم وعايز خريطة عشان توصله وفى جنبه هناك واحد اسمه الكرنك بيعمل حاجة اسمها القنبلة بس مالهاش حل .
وفى عندك الفرع التانى وده فى شارع بورسعيد ادخل من ميدان التحرير كأنك طالع على باب اللوق وبعد ما يبقى قصر عابدين فى وشك هتاخد يمين فى شمال وتمشى جنب السور بتاع القصر اخر الشارع ده هتلاقى شارع بورسعيد فى وشك ادخل يمين و ركز على المحلات اللى على الشمال هتلاقى بيتزا احمد بيومى وجنبه بحة وشبراوى ومحل تفاحة بيعمل عصاير ورضعات وحاجات جامدة بعد ما تضرب طبق المشكل من عند بحة من غير كفتة ولا كبدة (ده طلبى انا على فكرة ) تطلع على تفاحة تضرب واحد نابلم وتدعيلى