:brn::brn: تصبح على خير .. بس ما تتأخرش علينا و اللا حانيجى نصحيك
و الله شوقتني يا شنوري
انا حاليا نفسي في:
سمين و حلويات (بس معرفش بحة مكانه فين و اروح له ازاي و لو حد يوصف لي يبقى كتر خيره)
رنجة و فسيخ (موجود في البيت و هاضرب بكرة)
زند بتلو من عند الشيف سرحان ...... لحمة كتير و حلوة و مستوية بطريقة تحفة بتدوب في البق بدون ما تمضغ حتى .... و لا ربع تيس مندي .....
جندل ...... يا عيني على جندل ...... برنس السي فوود ..... و الله وحشني
Carnivore بقى ده حكاية ..... تدفع 180 جند و تاكل لحوم قد ما تقدر لحد ما تقول باااااااااااااااااس ...... لحوم نضيفة كمان ..... كباب و اجنحة فراخ و كبد و قوانص ..... و لحم نعام مشوي و ديوك رومي مشوية و لحم كندوز مشوي و ضاني و حاجات تانية كتير ..... جامد بجد
زيزو نتانة و سندوتشات كبدته المتينة جدا .....
شاورمة العائلات (رغيف الأمير) في ميدان سفير ....
عبلة بتاع السمان المشوي و كبدة السمان المسبكة و الكباب و الريش و الكفتة على ترعة المنصورية قرب ابو رواش
البرنس في امبابة .... كبدة اخر حلاوة .... سجق متين جدا ..... عكاوي .... و ورقة اللحمة ايه ...... يتسافر لها بلااااااااااااااد ......
الواحد الصراحة مش عارف هو بياكل عشان يعيش و لا العكس ههههههههههههههه
امال انا واخد تطعيم Hepatitis A و Typhoid ليه ...... ههههههههههههههه
بس برضه ..... تقريبا فيه سلالات من الفيروسات و البكتيريا و مش بعيد كائنات جديدة لانج ظهرت عندنا في مصر يعني مهما تعمل هييجي يوم هتتلط هتتلط من الاكل برة :)
هههههههههههههههههه على فكرة أنا برضه كنت غاوى رمرمة جامدة ياعنى تقريبا ماسبتش محل ملوش لازمة الا وكلت من عنده من حاتم صراصير الى زيزو نتانة الى شعبان القذر الى شقوير ملك السمين وحاجات كتييييير من هذا القبيل لحد ماحصل موقف فى يوم وكلت عند واحد من العالم دى أنا واصحابى وعينك ماتشوف الى النور الدنيا ضلمت والحياة بقت سودة ومعدتى بجد كانك جايب شنيور عمال تخرم فيها وبجد كان ممكن أروح فيها لولا ستر ربنا والحمد لله قمت بالسلامة وأتعظت من الموقف ده ومابقتش أقرب للأماكن دى خالص ولا حتى أحب أى حد يتكلم عنها
اه نسيت عبده النتن .. دا فى اسكندرية فى ش عبد المنعم بعد تقاطع ش عبد المنعم مع شارع العطارين على الشمال و انت نازل على محطة مص قدام بتاع السمك اللى هو برضة نجم من نجوم هذه الحلقات :8954[1]::36_1_35[2]::36_1_2[1]:
التحليل بتاع التيفويد له حسبه كده..الطبيعي بتاعه 1:40 وده اللي مكتوب في الكتب والمراجع بما فيها كتب الأقسام بتاعة جامعات مصر
أستاذ الميكروبيولوجي وهو بيشرحلنا درس التيفويد كان بيقول: يا ولاد إحنا طبعا في مصر مش بنبص على التحليل لو أقل من 1:80 وطبعا حتقولوا طيب ليه إحنا كاتبين في الكتاب 1:40 وده يا ولاد لأن لو حد من الأجانب بص على الكتاب ولقانا كاتبين كده حيقول إن الناس دي بتاكل faeces
ده كلامه بالنص
يعني إحنا الطبيعي بتاعنا أعلى من المعدلات العالمية عشان البلاوي اللي بناكلها
بيبو -شبرا - شارع جسر البحر. دة حبيب قلبى من جوة.
مرة عديت علية فى يوم الساعة 3 فجرا لقيتة قافل علشان بيبلط المحل زعلت زعل غريييييييب ملوش تفسير , وروحت تانى يوم قولت أكيد خلص تبليط فعديت علية ولكن للأسف كان لسة بيبلط.http://www.nilemotors.net/Nile/image...gr1%5B1%5D.gif
+1111111111111
الراجل دة حاطط كل صور الفنانين ولعيبة الكورة اللى بتاكل عندة.
هارديييييز:lurk5:؟؟؟؟ يارجل شجع منتج بلدك.
اللي مش بنساهم وجربتهم كتير
أجمد كشري : هند في الكوربة
أجمد شاورمة : الأسطورة في مصر الجديدة (بس بقالي كام سنة مكلتش من عندة معرفش لسة زي ما هو ولا إية ) وبعدين تضرب اي عصير او فروت سلات من الراجل اللي جنبة وتدور علي حد يسوقلك العربية
وفي اسكندرية كان الكبسة و الكباب و الكفتة عند بلبع جامدين جدا الكبسة تحديدا عجبتني قوي ، ابو ربيع من اعفن الناس اللي كلت عندهم في حياتي واكلة سريع المفعول
وفي طنطا وطنية و ام محمد يعي شغال اكلهم ساعات حلو وساعات مش قد كدة والتيك اواي ابلز العادي اللي في المعتصم حلو واللحمة بتاعتهم بلدي وكذلك الكبدة ، وجاد علشان الطعمية فقط
وبلاش ابلز اورينتال و مؤمن طنطا معفن معفن وسمعت انة اتعملة مشكلة مع الصحة مرتين قبل كدة و المعفنين يفوقو الحصر الصراحة
وفي شبين بقي ممكن سفاري اللي أكلة معقول سواء سندوتشات او بيتزا مفيش غيرة و بيتزا صفصف ،، السندوتشتات العادية طعمية و رومي علي النار مفيش غير الغلبان اللي أكلة ينفع يتاكل ، والطيبات سواء شبين او طنطا معفن
دي الخيارات الأساسية اللي استقريت عليها بعد سنين من الرمرمة
فكرتنى بأيام ثانوى والعك
الدراسه وتحديدا شارع المنصوريه قبل ما تنزل من عند مستشفى الحسين يمين فى محل صغير كدا على جنب اسمه العامر
مفيش كراسى تاكل وانت واقف قصاد الباترينه والطبق على رف استانلس وفى لمبه 400 وات فوق دماغك على طول متفهمش دى بتنور ولا بتسخن الاكل ولا بتسخنك انت شخصيا , عنده حاجه هجين ما بين طشت وحله عميقه فيها دمعه تعمل انبوبه نابالم تصدير وبيعوم فيها كور كفته ويروح قالب الرغيف جوا بعضه ومعبى لك منه دمعه على كور كفته مع كبشه مخلل من الجردل اللى جنبه وتعيش ياريس
مبدئيا كل حاجه حاميه ناااااار وسخنه ملهلبه حتى المخلل ده بجانب ان اللمبه اللى فوقك اصلا خلاص وصلت الدم عندك لمرحله الفوران , وتقوم بقا فى اللحظه دى طالب اتنين حوواشى مليان من جوا حاجه هى ايه الله اعلم المهم انت متفتحهوش وتاكله زى ما هو والحواوشى برده مولع
الاكله دى اقل من 3 ايام معاناه بعدها تبقى ملهاش قيمه ومتحسش انك رحت للعامر , الله لا يرجعها ايام :)
يا سلام على عربيات الفول اللي في الشارع فول جامد بزيت مويل اقصدي زيت حااااار:fun_36_3_4[1]: