بأفكر في أقامة دعوي قضائية علي هيئة الطرق و الكباري

السادة الكرام أعضاء منتدي نايل موتورز الموقر ....

أسعد الله أيامكم كلها بالخير ووقاكم من شر الطريق

في الحقيقة مش عارف أبدأ منين .... و لكن بأختصار شديد تعرضت منذ أكثر من أسبوعين ألي أصابة شديدة في فقرات العنق نتيجة لضغط رهيب و أجهاد شديد في العمل و القيادة المستمرة و السفر الدائم (تقريبا كل يوم) علي مختلف الطرق الي عدة مدن مصرية

و كان نتيجة لقيادتي في الاسبوع الاخير أثناء رحلة قمت بها الي المنصورة و تعرضي الي عدة مطبات مفاجئة لم أكن اتوقعها بالاضافة الي الاصلاحات علي هذا الطريق دون وجود أي علامات او أشارات تنبيه ضوئية أن تعرضت لعدة مطبات و أهتزازات أخري أثناء عودتي ليلا رغم أن سرعتي لم تتعدي ال 90 كم/ساعة نظرا لسوء حالة الطريق ووجود شبورة مائية كثيفة

و منذ بضعة أيام كنت في رحلة أخري الي مدينة "دمياط" (يوم بداية العاصفة الترابية) و شعرت أثناء العودة و قيادتي لسيارتي ليلا و انا بالقرب من "مدينة العاشر من رمضان" بألم شديد بذراعي الايسر

و علي الفور ذهبت الي الطبيب في اليوم التالي و أخبرته بما حدث فأنفعل علي بشدة و أخبرني أن القيادة لمسافات طويلة علي مثل تلك الطرقات المليئة بالمطبات في منتهي الخطورة و قد تتسبب في حدوث مضاعفات للحالة و زيادة أنزلاق الفقرات مما يهدد بحدوث تدخل جراحي أذا لم يحدث تحسن خلال الاسبوع الحالي الذي امضيه حاليا في البيت

و قد بدأت فعليا أفكر في أقامة دعوي قضائية علي كل من هيئة الطرق و الكباري و وزارة النقل و المواصلات لأهمالهما الشديد للطرق و تسببهما في الحالة السيئة التي ألت أليها شوارعنا و طرقاتنا في حالة لو لاقدر الله ماساءت حالتي

لذا فأنا احتاج لمشورتكم و أرائكم في هذا الامر و خاصة الاخوة العارفين بالقانون و السادة المحامين هنا بالمنتدي , و في حالة نصيحتكم لي بتحريك مثل هذه الدعوة فهل يفضل أقامة دعوة جماعية لكل من تعرضوا لأصابات أو حوادث بسبب سوء حالة الطرق ؟؟

شكرا لكم مقدما علي مشاركاتكم
مع خالص تحياتي لكم
م/ سمير الشهاوي

ربنا معاك ويوفقك لما فية الخير وألف مليون سلامة
أيوة كدا هي دي المواقف ولا بلاش يا سلام لو في زي حضرتك كدا ألف واحد مكنش بقي دا حال البلد

الف سلامة عليك يا فندم
:(

حقك ان حضرتك ترفع قضيه علي اي وزاره حتي
بس يا تري مين اللي هيكسب في الاخر ؟
طبعا الاجابه معروفه للكل
انا مش بيأس حضرتك
بس كده هتخش في متاهات ملهاش اول من اخر
و مش هتاخد معاهم حق و لا باطل
و 1000 سلامه علي حضرتك

اقتباس:

---

المشاركة الأصلية كتبت بواسطة romeo_6887

حقك ان حضرتك ترفع قضيه علي اي وزاره حتي
بس يا تري مين اللي هيكسب في الاخر ؟
طبعا الاجابه معروفه للكل
انا مش بيأس حضرتك
بس كده هتخش في متاهات ملهاش اول من اخر
و مش هتاخد معاهم حق و لا باطل
و 1000 سلامه علي حضرتك

---

شكرا علي مشاركتك و لكن عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

كما اود ان ألفت نظرك ألي أن فكرة الاعتصامات و الاضرابات المنتشرة اليوم في بلدنا و تؤتي في كثير من الاحيان بثمارها بدأت بفكرة نفذها بعض العمال في المحلة و بعض المصانع الصغيرة , صحيح باءت بالفشل في بداية الامر و لكن أنظر الي مفعولها الان

المهم ان نبدأ و انا حاليا في مرحلة دراسة الفكرة و تجميع المستندات اللازمة لأقامة مثل هذه الدعوة

مع خالص تحياتي
م/ سمير الشهاوي

بالتوفيق يافندم وفعلا حنفضل نتفرج لغاية امتى لو كل واحد متضرر وماخدش الامور بسلبية وقال ما النتيجة معروفة مكنش دة بقى حالنا وفعلا حضرتك اشرت لنقطة التفات وسائل الاعلام والف سلامة على حضرتك

اقتباس:

---

المشاركة الأصلية كتبت بواسطة se_coralsea

شكرا علي مشاركتك و لكن عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

كما اود ان ألفت نظرك ألي أن فكرة الاعتصامات و الاضرابات المنتشرة اليوم في بلدنا و تؤتي في كثير من الاحيان بثمارها بدأت بفكرة نفذها بعض العمال في المحلة و بعض المصانع الصغيرة , صحيح باءت بالفشل في بداية الامر و لكن أنظر الي مفعولها الان

المهم ان نبدأ و انا حاليا في مرحلة دراسة الفكرة و تجميع المستندات اللازمة لأقامة مثل هذه الدعوة

مع خالص تحياتي
م/ سمير الشهاوي

---

تفكير سليم وايجابي
ربنا يعينك

الف سلامه على حضرتك
فعلا طريق دمياط زى الزفت
الطريق الزراعى كل كام متر 3 -4 جبال مش مطبات

أولا ألف سلامة لحضرتك وربنا يتم شفائك علي خير

ثانيا عمرك اطول من عمري زي ما بيقولو لأني لسة كنت بفكر حالا قبل ما اطلع البيت اني ارفع قضية ضد وزارة الداخلية :))

والسبب عدم المساواة في تطبيق القانون بالأضافة للتطبيق الغبي أو المتعنت يمكن

اللي حصل معايا اني مفيم العربية فامية أخف درجة يعني يدوب مغمق لون الأزاز حاجة بسيطة (عدا الزجاج الخلفي تقيل شوية) ودة طبعا علشان الشمس وعلشان بالليل هواة النور العالي عمال علي بطال ،،، والكلام دة من فترة وعمر ما حد كلمني علية ولو حد علق بتقضي بأي طريقة

لكن من حوالي اسبوعين كنت في القاهرة وظابط رخم صمم يسحب رخصة العربية وكتب في الوصل "زجاج فامية حاجب للرؤية"

اللي اعرفة ان اصلا مفيش حاجة في القانون اسمها مخالفة فامية وحتي لو في فا هو أساسا مش حاجب للرؤية ولا حاجة

وحتي لو فرضنا ان كل كلامي غلط اشمعني الظباط والناس اللي بيتمحكو فيهم مفيمين سوبر دارك وكمان ماشيين من غير نمر علي العربية أساسا لمجرد المنظرة !!!

وبصراحة ندمت جدا اني مشيت من اللجنة بسهولة من غير ما اتكلم او اعمل مشكلة أو حتي اتصل بأي حد لكن للأسف كنت مستعجل


ممكن ؟

حقك ترفع دعوى ,, ولكن كيفية الإثبات مشكلة ,,, كما أن بطئ التقاضي مشكلة أخرى

ربنا يوفقكم جميعا

امال الفلوس اللي بيخدوها في الكرته والترخيص والضرايب بتروح فيييين:11:
احنا عندنا اسوأ طرق في العالم واكتر نسبه وفيات من حوادث الطرق

اقتباس:

---

المشاركة الأصلية كتبت بواسطة se_coralsea

شكرا علي مشاركتك و لكن عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

كما اود ان ألفت نظرك ألي أن فكرة الاعتصامات و الاضرابات المنتشرة اليوم في بلدنا و تؤتي في كثير من الاحيان بثمارها بدأت بفكرة نفذها بعض العمال في المحلة و بعض المصانع الصغيرة , صحيح باءت بالفشل في بداية الامر و لكن أنظر الي مفعولها الان

المهم ان نبدأ و انا حاليا في مرحلة دراسة الفكرة و تجميع المستندات اللازمة لأقامة مثل هذه الدعوة

مع خالص تحياتي
م/ سمير الشهاوي

---

كلام سليم و ايجابي جدا و رأي لاو عندك استعداد لوجع الدماغ مع القضاء و الحكومة متترددش و هتكون محاولة تستحق الاحترام.

حقك ترفع دعوى ,, ولكن كيفية الإثبات مشكلة ,,,
هذا بيت القصيد
الاثبات
لوعندك مستندات اقولك مبروك القضية تكسب
بس دول عندهم كل شى
عموما ربنا معاك
ويريت لو تقدر تخليها قضية اعلام مش محاكم وبس

ألف سلامه عليك يا باشمهندس و من النهاية كدة البلد دى محتاجة ناس زيك تطلع تقول لأ أنا مش عاجبنى كذا و كذا و حتى لو مأخدتش حقك و دا فى أسوء الحالات لا قدر الله فى رصف الطرق أو الأنارة أو التعديلات على الأقل فيما بعد غيرك هياخد حقه والطرق دى هتتظبط و أنا عاجبانى بجد فكرتك جدا و كلم محامى فيها و قولة تحضر معاك أية و هتبقى أول واحد يرفع قضية على هيئة حكوميه فى مصر على ماأظن و ربنا يوفقك فى الحركة الجريئة دى

الف سلامة عليك وربنا يوفقك

انا معاك و الله !!! عايز دعم معنوي او مادي علشان المحامي انا معاك! بس حاول تروح لمحامي من بتوع الاعلام! زي محامي الجماعات الاسلاميه او محاميي الاخوان او حتى محامي التليفيزيون زي بتاع ايمن نور او طلعت السادات ! و الدليل بسيط روح الطريق خد كام صوره لحالته بس حاول تكون فيه يافطه بتدل على المكان او الطريق او علامه ثابته على الطريق و 5 شهود يبصوا على الطريق و يمضوا على ورقه ان طريق الفلاني حالته كده كده و بعدين روح اعمل محضر في القسم قولهم ان العربيه اتضررت و انك عايك تعمل محضر علشان شركة التأمين (كدا و كدا ) و عايز امين ينزل معاك و يثبت حاله الطريق و بعدين خد المحضر و الصور و شهادة الشهود

الف سلامة على حضرتك
وبجد احيك على تفكيرك السليم
كمل وربنا ان شاء الله معاك ومتيأسش

والله فكرة كويسة
ويا ريت اى حد اتعرض لخاساير بسبب الطريق او غيرة يعمل محضر اثبات ويرفع قضية على كل من له علاقة بالموضوع محافظة وطرق

اقتباس:

---

المشاركة الأصلية كتبت بواسطة se_coralsea

شكرا علي مشاركتك و لكن عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

كما اود ان ألفت نظرك ألي أن فكرة الاعتصامات و الاضرابات المنتشرة اليوم في بلدنا و تؤتي في كثير من الاحيان بثمارها بدأت بفكرة نفذها بعض العمال في المحلة و بعض المصانع الصغيرة , صحيح باءت بالفشل في بداية الامر و لكن أنظر الي مفعولها الان

المهم ان نبدأ و انا حاليا في مرحلة دراسة الفكرة و تجميع المستندات اللازمة لأقامة مثل هذه الدعوة

مع خالص تحياتي
م/ سمير الشهاوي

---

الخروج من حالة السلبية يتطلب وجود تحركات جاده وحضرتك ممكن تكون رائد
لو عملت كده
بس للعلم هتخسر فلوس ووقت
لو مستعد لهذه الخساره
فربنا يوفقك ويكتر امثالك لو حصل

اقتباس:

---

المشاركة الأصلية كتبت بواسطة se_coralsea

شكرا علي مشاركتك و لكن عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

كما اود ان ألفت نظرك ألي أن فكرة الاعتصامات و الاضرابات المنتشرة اليوم في بلدنا و تؤتي في كثير من الاحيان بثمارها بدأت بفكرة نفذها بعض العمال في المحلة و بعض المصانع الصغيرة , صحيح باءت بالفشل في بداية الامر و لكن أنظر الي مفعولها الان

المهم ان نبدأ و انا حاليا في مرحلة دراسة الفكرة و تجميع المستندات اللازمة لأقامة مثل هذه الدعوة

مع خالص تحياتي
م/ سمير الشهاوي

---

+111111111111

اقتباس:

---

عايز اوضح لك حاجة مهمة اوي :
يمكن فعلا اخسر القضية دي لو أقمتها و لكن مثل هذا النوع من القضايا سيلفت نظر وسائل الاعلام و سيجعل الكثيرين غيري فيما بعد يلجأون للقضاء ضد جهات حكومية عديدة ترتكب في حقنا الكثير من المخالفات دون أن يحاسبها احد و بالتاكيد سوف يستطيع هؤلاء الاخرون من كسب هذا النوع من القضايا فيما بعد

---

تمام كده

ألف سلامة على حضرتك يا باشمهندس سمير

بالتوفيق إن شاء الله، و أكيد كلنا معاك ..

ربنا معاك. و حاول تختصم رئيس الوزاراء متضامنا علشان ممكن يرمو الموضوع على المحليات ولا وزارة المالية وبالتالى تنتقل الدعوى الى رئيس الوزراء بدل اسقاط الدعوى.

الف سلامة علي حضرتك

بس في ناس كتير هنا عندهم نفس القرار

لو اتكلت علي الله هتلاقي الف من ضم صوته لصوتك هنا فلقضية

الف سلامة عليك يا باشمهندس

وده اللى اتعودنا عليه من حضرتك شخصية دائما ايجابية

و بالتوفيق باذن الله و حاول تظبط المصرى اليوم وبرامج التوك شو لو رفعت القضية

الف سلامة عليك يا بشمهندس..... انا اؤيدك فى انك متسيبش حقك و لو كلنا اخدنا مواقف ايجابية زى ما انت بتفكر حاجات كتير هتتغير..... لازم محامى يكون عقر و محاولات للفت نظر الاعلام للقضية التى ستكون دعوى ضرر..... ربنا معاك

فكره ممتازه وراى انك تاخد كامير وتصور الطرق دى واخرمها ومطبتها وكل مشاكلها وترفقهم لملف القضيه
وانا عن نفسى كنت عاوز ارفع شويه قواضى بس لما ابقة اعيش فى مصر

انا سفرت مرة المنصورة ومن يومها حلفت ما هسافر البلد دى تانى ابدا عشان طريقها المريب

توقع من شوارع مصر اي مفاجئات او كوارث بدون سابق انذار
وربنا يحفظنا وحسبي الله ونعم الوكيل في اللي معندهمش ضمير

حتشكي الحكومة ... يانهار ابيض !!! :majd(4):

سمير باشا
الف سلامة عليك

وانا معاك قلبا وقالبا