مشكله في لانوس 2010

**hyper** · 16-04-2010 02:35 PM

عربيتي شيفروليه لانوس 2010 و عامله 6000 كيلو بس ولسه عملها صيانه ال 5000 ومغير زيت موبيل (1 ) 10000 والمشكله كالاتي :
1- صوت الموتور عالي جدا حتي وهيه واقفه --- حد هايقوللي الكلام ده الصبح وانت بتسخن هايبقي طبيعي هارد واقول حتي لو مشيت بيها 50 كيلو ووقفت برده صوتها بيبقي عالي جدا زي العربيات النقل كده
2- صوت الموتور كمان بيعلي لما بغير من غيار لغيار وادوس بنزين علشان العربيه تاخد سرعه الغيار وبيكون الصوت علي هيئه ( شخير ) صوت خشن كده
3- دايما العربيه بتون تقيله جدا وبطيئه في الغيارات القليله زي الاول والتاني حتي وانا لوحدي والعربيه مش محمله وكمان بترجرج معايا في الغيار الاول عند التحرك من السكون بس في الثالث والرابع والخامس بتبقي تمام وكل ده كان برده بيحصل قبل ما أغير الزيت وبرده للعلم انا بستخدم بنزين 92 فقط
ارجو الافاده وشكرا

__________________

نقل بواسطتى

مشرف القسم

17ب

7:27 am

**romeo_6887** · 16-04-2010 02:47 PM

انت تروح التوكيل و ترميلهم العربيه في وشهم و متمشيش الا و انت راضي عن اداء العربيه

**aly_hosny** · 16-04-2010 02:47 PM

بناءا على نصيحة الباشمهندس محمد ممدوح وال انا جربتها ونفعت فعلا بالذات في حكاية السحب
لازم تحرق على الغيارات
يعني تجيب اخر كل غيار وتمشي بيه فترة
لو عندك ار بي ام وصله ل 5.5 او 6
ولو معندكش
الاول ----- 40
التاني----- 60
التالت ---- 100
الرابع "مش فاكر كام بس تقريبا 160 او 140

**hyper** · 17-04-2010 02:33 AM

ايه يا جماعه مافيش حد سأل في مشكلتي ليه اعتقد انها مش تافهه للدرجه دي

**ahmad--ezzat** · 17-04-2010 02:51 AM

سؤال عابر

حضرتك كان معاك ايه قبليها

**hyper** · 17-04-2010 03:00 AM

كان عند والدي تويوتا كورونا موديل 86 خليجي اوتوماتيك

**hyper** · 17-04-2010 03:22 AM

بس الصوت الي انا اقصده مش الصوت الطبيعي بتاع كل العربيات لما بتيجي تحرق علي الغيار--- ده بيكون صوت خشن بمجرد ما ادوس علي الدواسه بعد ما انقل علي الغيار الاعلي وبيكون الصوت ده من الغيار الاول لحد التالت والفنيين في التوكيل قالولي بعد ما جربوا العربيه اني لازم اكشف عليها بالجهاز والمشكله ان الفرع الي فيه الجهاز في ابو رواش طريق اسكندريه الصحراوي بعيد جدا عني وكمان انا ليه اصحابي عندهم لانوس موديلات اقل من كده مافيش عندهم الكلام ده خالص ولو في مش بيكون بالدرجه ديه اذا كانت العربيه واقفه او ماشيه