أنا معترض على سجود حسام حسن لفانلة الزمالك

**memo_p910** · 17-04-2010 05:30 AM

ايه بس ياجماعه كل ده عشان ايه مفيش مواضيع تانيه تتكلموا فيها مهمه الانسان سيحاسب على وقته ( وعن شبابه فيما ابلاه ) والكوره دي هيروين الشعوب برده قبل كده الناس كانت هاتزعل من بعض عشان خاطر الزملكاويه رفعوا علم الجزاير ايه اللي جرى يعني
احنا ممكن نتفرج ونستمتع بال 90 دقيقه بتوع الماتش لكن مش نضيع بقيت وقتنا في المهاترات وحسام عمل وابراهيم سوى كبروا دماغكم

**youssefmustang** · 17-04-2010 06:05 AM

المشاركة الأصلية كتبت بواسطة mahmoudysf

ويا ترى ما كنتش بطيق تسمع اسمه برضة وهو بيلعب في الاهلي

ايون صح انت معاك حق انا مكنتش بطيق اسمع اسمه حتى لما كان متنيل للأسف الشديد فى الاهلى لانه مغرور جدا والغرور ده طبع يعنى مش هيكون مثلا فى الاهلى كان كويس ولما راح المصرى او الزمالك هيبقى مغرور
وانا قصدى هو مش اى حد من نادى الزمالك وعشان بردو ما تزعلش انا بردو مخنوق من احمد حسن من ساعة ما مسك كاس افريقيا وما كنش راضى يديه لحد من زملائه عشان بردو الغرور
تحياتى لك

**dr-mohamed** · 17-04-2010 06:34 AM

المشاركة الأصلية كتبت بواسطة youssef_mustang

وعشان بردو ما تزعلش انا بردو مخنوق من احمد حسن من ساعة ما مسك كاس افريقيا وما كنش راضى يديه لحد من زملائه عشان بردو الغرور
تحياتى لك

وانا اهلاوي وبردو زيك
وفي نفس الوقت اللاعب المحترم الكل بيحبه ايا كان النادي اللى بيلعب فيه حتي لو المنافس ولو ان مفيش منافسين من كام سنة
يعني عندك حازم امام مثلا ووليد صلاح الدين اتحدي لو حد في الاهلى او الزمالك مش بيحترمهم الاتنين

**Khaled_Nowaihy** · 17-04-2010 10:49 AM

التصرف ده مش سليم وماكانش يصح يعمله ... الا السجود
السجود مش لعبة عشان يلعب بيها أو يمثل تمثيلية يستغلها فى استفزاز جماهير الأهلى وبعدين حايرجع يقول بمنتهى البراءة انا باسجد لله .... لأ مفتح وذكى وعداه العيب وقزح .... أفحمتنا يا سى حسام
طب ما راحش سجد ناحية جمهور الزمالك ليه ؟
دى سقطة من راجل مفروض انه مسئول
أنا بعد الى عمله يوم ماتش اتحاد الشرطة حسيت انه كبر وعقل واحترمته قوى .... لكن بعد الحركة دى نزل من نظرى أكتر بكتير من أيام ما كان لاعب

**aliabutaleb** · 17-04-2010 11:13 AM

المشاركة الأصلية كتبت بواسطة osoliman88

على فكرة كلالزمالكوية مبسوطة وفرحانه إن فريقها أصبح له طعم ولون وانياب، لكن مكتوب عليهم إن لازم حد يعكنن عليهم ويبوظ الليلة

هو حضرتك تعرف كان واحد بيشجع الزمالك عشان تطلع بالإحصائية دي؟

**Ahmed Selim** · 17-04-2010 11:33 AM

يا رب نفهم بقى

الكورة طبيعى فيها المكسب و الهزيمة.....أو التعادل....يعنى فى معظم الأحوال لازم يكون فيها فائز و مهزوم

المهزوم ده مش عيبة ولا حاجة وحشة........مش عارف ليه أحنا مصرين نخليها عيبة.

أنا كأهلاوى مبسوط جداً بمستوى الماتش و راضى بالتعادل و مكنتش هزعل لو الأهلى أتغلب......عشان زى ما أحنا لينا حق مشروع أن احنا نكسب....هما كمان ليهم نفس الحق.

يا ريت يا جماعة نتناقش مع بعض بطريقة أحسن من كده شوية.

اللى عمله حسام يحتمل أكتر من تفسير و أحنا مش هنحاسبه على نيته........ربنا هو اللى هيحاسبه عليها.......سيبو حسابه على ربنا.

موضوع أن الأهلى محظوظ ده موضوع خايب بصراحة.....ده فتح الله مطلع على الأقل كورتين من الجون.....يبقى نقول أنه حظ برضه ولا الراجل أجتهد و ربنا وفقه ؟؟؟؟؟؟

يا ريت يا جماعة نعقل الكلام قبل ما نكتبه......ده أحنا كنا لسه من شهرين فاتو كلنا أيد واحدة.

**dr-mohamed** · 17-04-2010 02:38 PM

لا يا باشا
حصلت نفس الضجة والكل قال ساعتها ان ده تصرف غلط

وعلشان كل الزملكاوية يستريحوا
ادامكم حل من اتنين
يا اما تنتظروا لما بركات يعتزل
يا اما تخطفوه يوم ماتش الاهلى والزمالك علشان تغلبوا الاهلى

من يوم بركات ما جه الاهلى مفيش ماتش واحد كسبه الزمالك كل المناتشات كانت فوز الاهلى واحيانا تعادل حتي الماتش الوحيد اللى الزمالك كسبه من سنتين تقريبا بركات مكانش بيلعب فيه

الموضوع: أنا معترض على سجود حسام حسن لفانلة الزمالك

LinkBack

أدوات الموضوع

عرض

-

-

-

-

-

-

المواضيع المتشابهه

سبب سجود الشيخ الشعراوى عند الهزيمة

لكل معترض

عايزين نتطمن علي أخونا حسام سيف .. (انت فين ياعمو حسام؟)

الزمالك رافع راسنا .. تحية من أهلاوي لفريق اليد لنادي الزمالك

الكلمات الدلالية لهذا الموضوع

المفضلات

المفضلات

ضوابط المشاركة