ظهور الكثير من المشاكل مع الوكيل وعيوب صناعة جعلتني متشكك وخايف!!

السلام عليكم ورحمة الله وبركاته

من فترة داخلة على السنة وانا بابحث عن عربية جديدة

وفي الفترة الاخيرة بعد الكثير من البحث والتفحيص وبمساعدة هذا الموقع الرائع استقر اختياري على الرينو لوجان وكنت رايح اخلص واستلم النهاردة بس رجعت في كلامي للاسف بعد ملقيت الكثير من الشكاوى من سوء المعاملة في التوكيل - الي استحوذ على المركز الاول في استفتاء توكيلات السيارات مارس الماضي - ده بالاضافة الى الكثير من عيوب الصناعة الي واجهها اصدقائنا هنا في الموقع (ربنا يعفي عنهم) - مشاكل زي عضة فتيس في المارش (وقولنا محلوله مش مشكله) ، خلل في المساعدين وتغيرعم (ابتديت اقلق)، كهربة العربية فيها مشاكل (عادي مع ان العربية زيرو :I_angr1[1]:) ، والتقيلة بقى بدال البنزين سقط (يا نهار ابيض، ده عيب قاتل) إلى آخره من المشاكل إلي انا بأعتبر ان ولا مشكلة منهم نقدر نقول عليها بسيطة لان من وجهة نظر مالك العربية بتكون كبيرة علشان بيكون هو دافع دم قلبة علشان يشتري العربية وتكون هي مصدر راحة ليه مش شقاء :beatdeadhorse5:

العربية فعلا بالنسبة لسعرها وكماليتها تعتبر صفقة رائعة ولكن الناس الي بتشتري الفئة دي من السيارات بتكون طفحت الدم زي حلاتي علشان نجيب تمنها فانتم اكيد متخيلين القهرة الي الواحد بيبقى فيها لما يلاقي ان الحاجة الي تعب علشان يجبها فيها عيب حتى لو كان بسيط من وجهة نظر البعض، مع ان فيه عيوب قاتلة انا سمعتها وحتى اذا التوكيل صلحها برده بيفضل احساس الندم والالم موجود.

سوق السيارات في مصر فعلا سوق محير والمستهلك المصري فيه اضعف من في دائرة هذا السوق.

رينو شركة عريقة لكنها عبر السنوات تنقلت عبر اكثر من وكيل ، وهذا على الصعيد المصري يعتبر عدم استقرار.

بشهادة المستخدمين التقفيل المغربي احسن من التقفيل المصري ، ولكن العربيات الي في نفس الفئة المتقفلة في مصر مفيهاش كم الشكاوى والتعليقات الي موجودة في اللوجان. ده غير ان العربيات الي متقفلة في مصر 80% من مكوناتها بتكون كوري، ماليزي، صيني، تيواني - فالمكون المصري ممكن يقتصر على شوية مفصلات - صواميل - فرش إلخ ... من الاشياء الغير مؤثرة على أداء السيارة كسيارة الهدف منها الاول هو الانتقال من مكان لمكان في سهولة ويسر. واكيد المصنع المغربي حديث جدا نسبيا للبلاد الي انا ذكرتها والي بقلها سنين في سوق السيارات.

أنا حاسس انه مبدأ "الي نعرفه احسن من الي منعرفوش" هو المبدأ الأنجح في مصر حيث ان ده مبدء البلد ككل في جميع مناحي الحياة، علشان كده بدأت الكفة عندي تميل الي المركات الاقدم عمرا في مصر الي في نفس الفئة السعرية - والي انا عارف ان فيها مشاكل ولكن مش بنفس حدة المشاكل الي طلعت مع اللوجان - طيب نقطة التوكيلات؟ انا شايف ان بقت هي هي والواحد المفروض "في مصر" يشوف التوكيلات الاكبر في حجم الاستثمار والانتشار والقوة في السوق والقدم ، ده بصراحه الي انا شايفه وحاسه بعد الفترة الطويلة من البحث في السوق المصرية.

أنا حبيت أفكر معاكم بصوت عالي علشان كلنا نستفيد من بعض لان دي روح الموقع هنا الي فيه ناس فاهمة ومحترمة كتير

انا مش باقارن مركات ببعض ولا توكيلات انا باتفكر في مشاهدتي لسوق السيارات المصرية وحاله وقد ايه عنصر القدم والاسم الرنان مهم فيه جدا

تقبلوا تحياتي لقسم مالكي اللوجان وشكرا جزيلا على المعلومات القيمة الي عرفتها منكم ولكني تراجعت عن قرار شراء هذه السيارة للاسباب الي ذكرتها فوق ولقلة مواردي المالية.

ربنا يباركلم في سيارتكم والمشاكل كلها تتحل والدنيا تبقى تمام معاكم ان شاء الله

تحياتي للجميع

تحياتي اخي محمد
طبعا كل واحد وله وجهة نظر ووجهة نظرك وصلت لي . لكن احب اقول لك ان معظم المشاكل اللي ملاك اللوجان بيتكلموا عنها مشاكل فردية يعني مش كلهم . يعني بدال البنزين مسقطش غير عند واحد بس مش 10 او 20 . انا معايا العربية ما شاء الله من 2 ديسمير يعني اكتر من 4 شهور و الحمد لله عامل بيها 4 آلاف كيلو و رحت عملت صيانة الأف في التوكيل و مبسوط منها و هذا فضل من الله . و علي فكرة العربيات دي حظوظ ممكن تجيب مرسيدس فوق النصف مليون و متقعدشي معاك اقل من سنة و تظهر فيها عيوب متلقهاش في اقل العربيات . وفيه واحد معاه مرسيدس 230 ماتورها فوت و هي في الضمان و التوكيل غلبه .و قصته معروفه في المنتدي . وحتي قطع الغيار برغم من جودتها و الضمان اللي عليها ففيه احد الأعضاء بشرنا بان سعرها نزل النصف فيارب ده يحصل و تتحل اكبر مشاكل اللوجان و التوكيل يفكر صح في مصلحة عملائه .

اقتباس:

---

المشاركة الأصلية كتبت بواسطة frhateg

تحياتي اخي محمد
طبعا كل واحد وله وجهة نظر ووجهة نظرك وصلت لي . لكن احب اقول لك ان معظم المشاكل اللي ملاك اللوجان بيتكلموا عنها مشاكل فردية يعني مش كلهم . يعني بدال البنزين مسقطش غير عند واحد بس مش 10 او 20 . انا معايا العربية ما شاء الله من 2 ديسمير يعني اكتر من 4 شهور و الحمد لله عامل بيها 4 آلاف كيلو و رحت عملت صيانة الأف في التوكيل و مبسوط منها و هذا فضل من الله . و علي فكرة العربيات دي حظوظ ممكن تجيب مرسيدس فوق النصف مليون و متقعدشي معاك اقل من سنة و تظهر فيها عيوب متلقهاش في اقل العربيات . وفيه واحد معاه مرسيدس 230 ماتورها فوت و هي في الضمان و التوكيل غلبه .و قصته معروفه في المنتدي . وحتي قطع الغيار برغم من جودتها و الضمان اللي عليها ففيه احد الأعضاء بشرنا بان سعرها نزل النصف فيارب ده يحصل و تتحل اكبر مشاكل اللوجان و التوكيل يفكر صح في مصلحة عملائه .

---

طبعا انا معاك في كل كلمة قولتها ، وانا على فكرة مش بقلل من اللوجان دي عربية شديدة جدا، كل الحكاية اني مش عايز اجيب حاجه تتعبني مع اني مقتنع تماما بانها مسالة حظ وتوفيق من عند ربنا - لكن اهو الواحد بيحاول يشوف اقل نسبة خسارة فين

وربنا يباركلك في عربيتك ويحرسها وتعمل بيها 1000000 كيلو، بس ساعتها هتعمل صيانة المليون فين؟ :E_braces[1]:

حضرتك بتكلم على حالات فردية
وأنا معايا العربية وبفضل الله تمام أوى

اقتباس:

---

المشاركة الأصلية كتبت بواسطة ahmedbakr50

حضرتك بتكلم على حالات فردية
وأنا معايا العربية وبفضل الله تمام أوى

---

انا عارف يا استاذ احمد انها حالات فردية انا مش بعمم - بس الموضوع يقلق من الجانب المادي لان لو لا قدر الله فيه حاجه لازم تكون عامل حسابك على مبالغ محترمة مع الرينو

وربنا يباركلك في عربيتك ويحفظهالك

لا تقلق
الضمان 3 سنين وتوكيل محترم يعنى مافيش أى داعى لأى خوف

اقتباس:

---

المشاركة الأصلية كتبت بواسطة mohamedhmk

انا عارف يا استاذ احمد انها حالات فردية انا مش بعمم - بس الموضوع يقلق من الجانب المادي لان لو لا قدر الله فيه حاجه لازم تكون عامل حسابك على مبالغ محترمة مع الرينو

وربنا يباركلك في عربيتك ويحفظهالك

---

توكل على الله يا باشا واشترى شيفورليه لانوس فهى الاكثر مناسبة ليك وقطع غيار رخيصة
ولو ظهر معاك اى شيئ حيتحل بمبالغ زهيدة
لكن اللوجان كسيارة لا غبار عليها

اقتباس:

---

المشاركة الأصلية كتبت بواسطة ringoo

توكل على الله يا باشا واشترى شيفورليه لانوس فهى الاكثر مناسبة ليك وقطع غيار رخيصة
ولو ظهر معاك اى شيئ حيتحل بمبالغ زهيدة
لكن اللوجان كسيارة لا غبار عليها

---

الف شكر لحضرتك على النصيحة الغالية

وربنا يبارك لحضرتك ويحفظك

تحياتي

على فكرة أنا لسه مستلم إمبارح و ظهر معايا شوية عيوب زي لمبة البيبان إللى شغالة على طول
نور العربية ( الإشارات ) ما بتنورش مع قفل و فتح العربية بالريموت و الكاوتشة إللى تحت فرامل اليد مقطوعة و وواقعة جوه و حته في فرش كرسي السواق مش مظبوطة بس ده كله لا يذكر جنب مشاكل العربيات إللى كل يوم بتسمع عنها في الجرايد ثانيا و ده مهم جدا أنا لما إستلمت العربية حمدت ربنا إني ماجبتش فيرنا أو لانوس أو أفيو أنا ركبت التلاتة و سقت الإتنين الأوليين في سفر و كتير و جوه البلد ، الأوروبي حاجه تانية خالص فعلا حاجة تانية خالص .
عامة حاول تجرب كل العربيات إللى بتقارن ما بينها و ياريت يبقوا موديل واحد أو قريبين من بعض و ربنا يكرمكم بالصح إن شاء اللة .

اقتباس:

---

المشاركة الأصلية كتبت بواسطة waelgabr

على فكرة أنا لسه مستلم إمبارح و ظهر معايا شوية عيوب زي لمبة البيبان إللى شغالة على طول
نور العربية ( الإشارات ) ما بتنورش مع قفل و فتح العربية بالريموت و الكاوتشة إللى تحت فرامل اليد مقطوعة و وواقعة جوه و حته في فرش كرسي السواق مش مظبوطة بس ده كله لا يذكر جنب مشاكل العربيات إللى كل يوم بتسمع عنها في الجرايد ثانيا و ده مهم جدا أنا لما إستلمت العربية حمدت ربنا إني ماجبتش فيرنا أو لانوس أو أفيو أنا ركبت التلاتة و سقت الإتنين الأوليين في سفر و كتير و جوه البلد ، الأوروبي حاجه تانية خالص فعلا حاجة تانية خالص .
عامة حاول تجرب كل العربيات إللى بتقارن ما بينها و ياريت يبقوا موديل واحد أو قريبين من بعض و ربنا يكرمكم بالصح إن شاء اللة .

---

مبروك عليك اللوجان
انا مستلم من حوالى شهر ما فيش عندى عيب من اللى حضرتك قولتهم غير موضوع البلاستيكه اللى بتاعت فرامل اليد لكن اجمالا العربيه ممتازه معايا فى كل الجوانب الى الان و قيادتها ممتازه

اقتباس:

---

المشاركة الأصلية كتبت بواسطة waelgabr

بس ده كله لا يذكر جنب مشاكل العربيات إللى كل يوم بتسمع عنها في الجرايد

---

هى اللوجان مشاكلها نزلت فى الجرايد :colsmil:
ممكن توضحلنا أية المشاكل اللى أتذكرت فى الجرايد.

اقتباس:

---

المشاركة الأصلية كتبت بواسطة mohamedhmk

انا عارف يا استاذ احمد انها حالات فردية انا مش بعمم - بس الموضوع يقلق من الجانب المادي لان لو لا قدر الله فيه حاجه لازم تكون عامل حسابك على مبالغ محترمة مع الرينو

وربنا يباركلك في عربيتك ويحفظهالك

---

طبعاً معاك حق .. وانا تفكيرى قريب من تفكيرك لكن انت تقدر تتغلب على المشكلة دية وتأمن على العربية وتريح دماغك وتستفاد بمميزات العربية الكتيرة وفى النهاية ربنا يوفقك وتختار العربية اللى تريحك نفسياً ومادياً

كل عربية لها مشاكلها .. حضرتك ادخل كل قسم هتلاقي الشكاوى على كل لون

أنا مشاكل تويوتا و فورد و ميتسوبيشي و أخيرا مازدا

اقتباس:

---

المشاركة الأصلية كتبت بواسطة waelgabr

أنا مشاكل تويوتا و فورد و ميتسوبيشي و أخيرا مازدا

---

+111111111 وخش شوف فى قسم هيونداى النيواكسنت الى غيروا للراجل ماتور بعد شهر من شرائها وحتى الان دايخ فى التوكيل والمشكله ما اتحلتش حتى تاريخه ولا الاخ ابو مارو ورحلته مع التوكيل وبرضه المشكله لسه ما اتحلتش

ما هو موضوع البلاستيكه اللى بتاعت فرامل اليد؟؟؟؟؟
مش هقول اكتر من ان فى واحد اشترى new accent و غير موتور فى اول اسبوع............
اما اللوجان المشكلة بلاستيكه

اقتباس:

---

المشاركة الأصلية كتبت بواسطة best2010

طبعاً معاك حق .. وانا تفكيرى قريب من تفكيرك لكن انت تقدر تتغلب على المشكلة دية وتأمن على العربية وتريح دماغك وتستفاد بمميزات العربية الكتيرة وفى النهاية ربنا يوفقك وتختار العربية اللى تريحك نفسياً ومادياً

---

اقتباس:

---

المشاركة الأصلية كتبت بواسطة د.محمود صلاح

كل عربية لها مشاكلها .. حضرتك ادخل كل قسم هتلاقي الشكاوى على كل لون

---

اقتباس:

---

المشاركة الأصلية كتبت بواسطة waelgabr

أنا مشاكل تويوتا و فورد و ميتسوبيشي و أخيرا مازدا

---

اقتباس:

---

المشاركة الأصلية كتبت بواسطة zkralla

+111111111 وخش شوف فى قسم هيونداى النيواكسنت الى غيروا للراجل ماتور بعد شهر من شرائها وحتى الان دايخ فى التوكيل والمشكله ما اتحلتش حتى تاريخه ولا الاخ ابو مارو ورحلته مع التوكيل وبرضه المشكله لسه ما اتحلتش

---

اقتباس:

---

المشاركة الأصلية كتبت بواسطة DOCTORBADRAN

ما هو موضوع البلاستيكه اللى بتاعت فرامل اليد؟؟؟؟؟
مش هقول اكتر من ان فى واحد اشترى new accent و غير موتور فى اول اسبوع............
اما اللوجان المشكلة بلاستيكه

---

يا جماعه والله العربية في حد ذاتها لا غبار عليها

ويوم بعد يوم بيبان حقيقة الوكيل ومدى سوء المعاملة واصحاب العربية هما الي بيقولو مش انا

وبلاش يا اخونا الله يكرمكم نغمة اصل الضغط زاد والكلام الفارغ ده

ضغط اكتر = مبيعات وارباح اكتر = فبتالي صرف اكتر على الدعاية، خدمة العملاء والصيانة --- مش العكس:I_angr1[1]:

معلش حضرتك عايز العربية ميظهرش فيها مشاكل لو الكلام ده حصل اعرف اننا ناس منافقين وفاتحين القسم ده لحسابنا

احنا عدينا ال 150 واحد هنا معاهم العربية أو لسه حاجزين .. لما واحد عنده واير البنزين يتقطع فديه متبقاش مشكله ولا ليها نسبة أصلا وهتلاقى بلاوى فى اى عربية اكتر من كده 100 مرة

نفس الكلام لموضوع المساعد العربية الوحيده اللى اتغيرلها مساعد فى العربيات اللى معانا كلها كانت عربية استاذ عزت واتعمل تبع الضمان و برده اللى فوق تبع الضمان

يعنى احسن من متطلع بلاوى والتوكيل يقلك معرفكش وعضة الفتيس ليها حل

إيه بقى المشاكل اللى ظهرت فى العربيه ؟؟؟

لا بجد ما هو موضوع البلاستيكه اللى بتاعت فرامل اليد؟؟؟؟؟

اقتباس:

---

المشاركة الأصلية كتبت بواسطة bishoy02010

معلش حضرتك عايز العربية ميظهرش فيها مشاكل لو الكلام ده حصل اعرف اننا ناس منافقين وفاتحين القسم ده لحسابنا

احنا عدينا ال 150 واحد هنا معاهم العربية أو لسه حاجزين .. لما واحد عنده واير البنزين يتقطع فديه متبقاش مشكله ولا ليها نسبة أصلا وهتلاقى بلاوى فى اى عربية اكتر من كده 100 مرة

نفس الكلام لموضوع المساعد العربية الوحيده اللى اتغيرلها مساعد فى العربيات اللى معانا كلها كانت عربية استاذ عزت واتعمل تبع الضمان و برده اللى فوق تبع الضمان

يعنى احسن من متطلع بلاوى والتوكيل يقلك معرفكش وعضة الفتيس ليها حل

إيه بقى المشاكل اللى ظهرت فى العربيه ؟؟؟

---

كلامك صحيح ميه في الميه

وانا مش باتكلم في ظهور العيوب من عدمه ، انا باتكلم عن سوء المعاملة في التوكيل
يخبطوا للراجل عربيته ويقلولو انت جي بيها كده!!!!!!!!! وكمان يقولو تبقى تعمل حادثة ومش هنساعدك!!!!!!! ده ايه ده انا اول مره اسمع النظام ده

هو ده تعليقي انا قولت العربيه لا غبار عليها

انا من زمان عايز أقول كده مشاكل السيارات الفرديه موجود في كل الماركات و الشركات الحديثه او العريقه و دي بتبقى مشاكل مش ضخمه او توقع شركه او عربيه و خصوصا لو العربيه بتنتمي لشركه كبيره بين قوسين مش عايز اقول ان العمليه في العربيات اللي بيظهر فيها مشاكل بتبقى حظوظ ههههههههه يعني العامل ساعة الورديه اللي اشتغل فيها في عربيه من دول مشربش شاي بعد الغدا .. مراته نكدت عليه :E_braces[1]: يعني انا اشتريت نيسان صني 2006 و كانت أخر الياباني قبل لما تتجمع في مصر في نفس الشهر صاحبي اشتراها و كنا انا و هو في نفس الشيت بتاع الافراج الجمركي و بعد شهرين اتصل بيا كان بيدور الموتور و سمع تكتكه جامده جدا و دربكه و بطل و لقة السيور مقطعه يا معلم هل كده نبقة اكتشفنا عيب قاتل في النيسان ؟؟ اللوجان برضه معايا من 4 شهور و الحمد لله زي الفل يقولوا عضه مرشدير أعمل مارشدير في كل الأوضاع و الاحوال زي الفل الزجاج الخلفي الحمد لله واير البنزين عند واحد مش كارثه و سمعه و موال انا باختصار راكب نيسان صني 2006 و اللي حسيته اني لما ركبت لوجي انبسطت منها جدا و مضايقتش لأني مقيمها في حجمها و فئتها من حيث السياره و السعر بجد الحمد لله اختيار فعلا موفق جداااا

اللوجان بجد والله مكنتشش مقتنع قبل ما اشتريها باى حاجه زيرو غيرها عشان كده كنت بفكر فى المستعمل دايما لحد ما ربنا هدانى للعربيه دى وربنا يديمها نعمه ومتقلقش كل دى مشاكل فرديه واى عربيه بتشتريها من اى ماركه هى بطيخه وانت وحظك

اقتباس:

---

المشاركة الأصلية كتبت بواسطة asdcat39

اللوجان بجد والله مكنتشش مقتنع قبل ما اشتريها باى حاجه زيرو غيرها عشان كده كنت بفكر فى المستعمل دايما لحد ما ربنا هدانى للعربيه دى وربنا يديمها نعمه ومتقلقش كل دى مشاكل فرديه واى عربيه بتشتريها من اى ماركه هى بطيخه وانت وحظك

---

ربنا يبارك لحضرتك فيها ويحفظهالك

تحياتي

اقتباس:

---

المشاركة الأصلية كتبت بواسطة mohamedhmk

كلامك صحيح ميه في الميه

وانا مش باتكلم في ظهور العيوب من عدمه ، انا باتكلم عن سوء المعاملة في التوكيل
يخبطوا للراجل عربيته ويقلولو انت جي بيها كده!!!!!!!!! وكمان يقولو تبقى تعمل حادثة ومش هنساعدك!!!!!!! ده ايه ده انا اول مره اسمع النظام ده

هو ده تعليقي انا قولت العربيه لا غبار عليها

---

انا مش مختلف معاك تماما فى اللى انته قلته ومش بشكك فى كلام الراجل اللى حصل معاه كده هناك بس برده احنا مسمعناش من الطرفين وهما كده كده مدير الفرع حل الموضوع على طول وده بيدل على الإحترام + ان حضرتك اللى قالوا كده احنا منعرفش عمال من الورشة ولا مهندسين الإستقبال يعنى ديه حاجة من الناس نفسها فاهم قصدى الناس عمتا فيها الحلو والوحش والسوى واللى مش سوى وهكذا ده سلوك بنى ادمين ... تانى مرة انا متأكد ان الكلام ده حصل مع الراجل اللى راح هناك ومش بشكك فى كلامه بس برده احنا محتاجين نسمع الطرف التانى عشان نحكم صح
تقبل مرورى

ما هو موضوع البلاستيكه اللى بتاعت فرامل اليد؟؟؟؟؟

اقتباس:

---

المشاركة الأصلية كتبت بواسطة bishoy02010

انا مش مختلف معاك تماما فى اللى انته قلته ومش بشكك فى كلام الراجل اللى حصل معاه كده هناك بس برده احنا مسمعناش من الطرفين وهما كده كده مدير الفرع حل الموضوع على طول وده بيدل على الإحترام + ان حضرتك اللى قالوا كده احنا منعرفش عمال من الورشة ولا مهندسين الإستقبال يعنى ديه حاجة من الناس نفسها فاهم قصدى الناس عمتا فيها الحلو والوحش والسوى واللى مش سوى وهكذا ده سلوك بنى ادمين ... تانى مرة انا متأكد ان الكلام ده حصل مع الراجل اللى راح هناك ومش بشكك فى كلامه بس برده احنا محتاجين نسمع الطرف التانى عشان نحكم صح
تقبل مرورى

---

+1111111111111

بص يا سيدي لما تمسك فرامل اليد تحت صوابعك على طول حتلاقي حتة بلاستيك ( جلد ) شكلها هرمي بتغطي صامولة شد فرامل اليد ، البلاستيكة دي مقطوعة وواقعة جوه ، إرتحت .

واضح كده ان الدفعات الجديده فيها مشاكل بسبب جلده فرامل اليد
ان النهارده كنت راكب مع واحد صاحبى عربيته ربنا يحفظها ليه
شفت الجلده دى نازله لتحت رحت رافعها و ركبتها مكانها