اخرة التأخير في التصليح عملتلي حادثة

**ahmedghreeb** · 17-04-2010 01:27 AM

اليوم وبحمد الله دخلت في الرصيف بسبب ان الكوبلن اتكسر علي طريق التجمع الأول - زهراء مدينه نصر امام اكاديمية الشرطة
طبعا جبت ونش نقلت بيه العربية للبيت
دلوقتي محتاج عفشجي فور كويس علشان اصلح العربية بس يكون قريب من عين شمس علشان طبعا هتدبس في نقل العربية ليه بونش علشان التصليح
ولا ممكن اشوف حد عفشجي كويس عندنا وخلاص يبص عليها علشان اعرف ايه اللي هيتجاب ؟؟؟؟

**wkisho2005** · 17-04-2010 05:10 AM

الحمد لله انها جت علي اد كدا وفداك الف عربية
وفي انتظار اللي عندهم خبرة ان شاء الله يفيدوك في اللي انت عايزه

**sniperfox** · 17-04-2010 05:37 AM

هات حد قوريب منك يمشيها وبعد كدا خدها وروح للى انتا عوزه
ده اوفر واحسن حل
والف حمدالله على سلمتك وكويس انها جت فى العربيه مش فيك
صليلك ركعتين شكر

**ahmedghreeb** · 17-04-2010 11:54 AM

الحمد لله علي نعمة الله علي
انا ربنا يسهل اشوف حد جنبي يوقفها بس وبعد كده ربنا يسهل

**AHMED1718** · 17-04-2010 12:07 PM

تصدق كده فال وحش

بجد مش مصدق نفسى

اولا الحمد لله على سلامتك بس ده تقريبا تحزير ليا ولا ايه

انا مشكلتى انى دلوقتى ف مرسى علم بعربيتى والاسبوع اللى فات وانا ف الطريق كنت سمعت طقطقة كده ..فقلت جايز يكون جلب مقص ولا حاجة

بس الطقطقة زادت شوية فقلت مبدهاش بقا رفع العربية وحليت العجل اللى قدام يمين

لقيت فيه خلوص او بوش ف الكوبلن من الجهة الداخلية مش اللى نحية العجل

فدلوقتى انا مقلق من انه يفصل منى وانا مسافر ولا حاجة
وللعلم الكوبلن مش بيطقطق الطقطقة المشهورة دى بتاعة الملفات

دى طقطقة كده زى ميكون مثلا الالتيل بيخبط مش عارف اوصل صوتها ليك الزاى

ياريت تطمننى هل ده هيمشينى لغايط موصل القاهرة ولا انا وحظى ؟

فيه ميكانيكى قصدى عجلاتى وشغال ميكانيكى بيقولى احلهولك واعملك وردة واكبسلك مشواره ..... وقعد يرسم كده فهل ده هبل ولا ايه ؟

**AHMED1718** · 19-04-2010 11:34 AM

المشاركة الأصلية كتبت بواسطة reamoz

باشا دي صليبة الكوبلن الداخلي ودي حتلاقيها بتعمل طقة كل فترة كدة وخصوصا مع فصلة الدبرياج ولما الموضوع يزيد هتلاقي العربية بتترج وإنت ماشي بعد ال60 كدة كأن العجل الأمامي عايز يترصص لو مفيش فرصة قدامك إنك تغيرها إمشي بيها بس متزودش عن 60 لحد ماتوصل مكان تقدر تجيب منه الصليبة وأي عفشجي يغيرهالك
انا بتكلم بثقة شوية علشان الموضوع ده لسة حاصل معايا طازة والصوت ده لما ظهر كنت هتجنن لأني لسة مغير العفشة كلها مساعدين وعلبة دركسيون وجلب مقصات
رحت للعفشجي قلتله في صوت طقة بس مش بيظهر علطوول فضل يجرب ويبص وطبعا الصوت ماظهرش معاه وإتأكد من تربيط العفشة كويس وقالي مافيهاش حاجة
بعد كام يوم الطقة إبتدت تظهر أكتر وبعدين الرجة إشتغلت فا إتأكدت إنها الصليبة ورحت جبتها وكانت بردة بتاعة الكوبلن اليمين :e_braces[1]:
ولما حلينا الكوبلن لقيت بلية من التلاتة مخلوعة من مكانها

ركبنا الصليبة الجديدة وكله تمام الحمد لله
ونصيحة إشتري شحم نوع كويس يعني ماركة معروفة بلاش الحاجات اللي مالهاش مله اللي بقت مغرقة السوق في الحاجات دي

طب اشمعنا سرعة 60 هوا ممكن يفلت ولا حاجة ؟ اصلى لو همشى 60 لغايط كايرو وانا ف مرسى علم يبقا هوصل بعد 6 سنين والمشكلة انى مش بثق ف اى حد يشتغل ف العربية يعنى مش هروح لاى عفشجى يشتغلى اصلى اتقرصت من الحوارات دى قبل كده ومبيصقو يلاقو عربية غريبة ومزنوق وبيعملو احلى شغل