الموضوع: مشكله في تنك البنزين

طيب والحكاية دى بتحصل والتانك مليان بنزين برده والا لما التنك متفول لنصه مثلا

واضح اني هكون نفس الزميل اللي هيساعدك للمره التانيه وعالعموم ده من حسن حظي

زي ما قولت لحضرتك هو الموضوع كله عباره عن جهاز اسمه الكانستر وهو المسئول عن معادله الضغط داخل تانك البنزين لعدم حدوث تفريغ للهواء مما يؤدي الى ضعف في سحب العربيه واحيانا اصوات زي اللي بتحصل مع حضرتك , و بما ان حضرتك جربت تمشي بدون غطاء للتانك والصوت اختفى فده معناه انها فعلا مشكله في الكانستر بنسبه 95%

واتوقع الحل انك تروح لكهربائي فاهم وتشرحله الموضوع وتشرحله السبب من وجهه نظرك (زي ما حضرتك فهمت من المشاركات) عشان يعرف انك فاهم كويس وإن شاء الله الموضوع يتحل

وده رابط الموضوع للمره التانيه عشان لو تحب تراجع عليه تاني
http://www.nilemotors.net/Nile/137067-a.html


وانتظر رأي باقي الاعضاء الكرام وبإذن الله هيفيدوك

بالتوفيق ان شاء الله

المشاركة الأصلية كتبت بواسطة noor1

انا بشكر حضرتك بس لما قرات الموضوع فهمت منه ان الكانستر بيفيد في حالة ارتفاع الضغط فقط واعتقد ان عندي العكس

وظيفه الكانستر حسب ما فهمت من الموضوع ومشاركات الاعضاء ان بيعادل الضغط جوه التانك

يعني لا يخلي في زياده في الضغط ولا نقص , فقط بيعادل الضغط

ولما تفكر في الموضوع هتلاقي ان مفيش اسباب ممكن تخلي الضغط جوه التانك يزيد بالشكل اللي يمثل خطوره , لان معظم الضغط الزائد جوه التانك هيكون اما نتيجه تمدد الهواء بنسبه بسيطه بسبب الحراره او عمليه التبخير

لكن على النقيض تماماً هو نقص الضغط جوه التانك نتيجه سحب البنزين من التانك ليدخل على المحرك ويتم حرقه , وبالتالى في مفقود من السائل والمفروض يتعوض بهواء يدخل التانك !! وهي دي وظيفه الكانستر

حتى بعض الاعضاء شبهو الموضوع بعلبه العصير , لو حبيت تستخلص منها العصير بدون السماح للهواء بالدخول لتعويض المفقود هتلاقي علبه العصير اتكرمشت واتطبقت