الموضوع: انا هتتجنن!! هو محدش شاف بركات؟؟

المشاركة الأصلية كتبت بواسطة ezaby

الكلام ده موجه لطارق هيومان وبس لأني قلتلكوا قبل كده ان انا صاحب الموضوع وبعترف اني راجل حمار لأني كنت فاكر اننا هتتناقش مش هننفي الواقعه اصلا

يا طارق باشا انا شفت الفيديو اللي حضرتك رافعه ده وطبعا مقتنعتش بيه وكلام بيني وبينك عيب عليك لما تكون زملكاوي وتسلم ودانك وعينيك لمدحت شلبي ولمحمد نصر وهم بيفرشوا الارضيه لحلفان بركات عشان في النهايه نشوف فيلم قصير مدته تلت ساعه ابطاله مدحت وبركات واخراج محمد نصر وفي نهاية الفيلم البطل مدحت اللي هو المتحدث الرسمي لأتحاد الكوره واللي هو قعد تلت ساعه يبرر لبركات تلاقيه يقوللك انا مش عايز استمر في الكلام عشان مأثرش على قرارات اللجنه !!!!!!!!
طيب حضرتك ليه مشفتش محمد شبانه مثلا
ولا بلاش نشوف حد خالص ونتفرج عاللقطه بتاعة بركات لوحدها كده ونحكم احنا عشان منخليش حد ياثر علينا

يا طارق باشا محدت شلبي اللي حضرتك جايبلنا الفيديو بتاعه ده راجل منافق وكداب
ليه بقى؟
لأنه دلوقتي بيقوللك محمد ابراهيم بتاع الشرطه كان قاصد وكان رايح ومتوجه للجماهير وصباعه باين وهو سبحان الله مدحت شلبي ده اللي يومها كان بيدافع عن محمد ابراهيم ورفض انه يعترف بالحركه وقاللك كان بيحوش الطوب!!!!
طيب ده راجل تسمعله؟؟؟

اخواننا الاهلويه طبعا هيزيطوا ويقولوا اهو الزملكاويه ماسكين في بعض وبيردوا على بعض وده طبعا لأنهم اصلا ميعرفوش يعني ايه نقاش وتحاور ووجهات نظر مختلفه هم كل اللي يعرفوه وجهة نظر واحده وكلهم مقتنعين بيها لو حتى كانت ضد العقل والمنطق
انا اصلا مقدرش امسك فيه ولا الومك على وجهة نظرك انا بس بعاتبك على انك بتقبل على نفسك ان الناس دي تعمل الشغل بتاعها ده عليك
واسف لو كلامي ضايقك
واسف للأهلويه لأني مش هرد على اي كلام هيقولوه تاني في الموضوع ده
كلمه اخيره
الحق بقى باطل والباطل بقى حقي والمنظومه كلها فاسده وده اللي مخليني نعجب بالمشهد بتاع عادل امام في عمارة يعقوبيان:

احنا في زمن المسخ

تصدق انا ماسمعتش شلبى قال ايه
انا اتفرجت على الفيديو - بركات شكل الطبيعيى بتاعه كده

انا هاخد بالاخف عشان فيه فيديو بيعمل فيه نفس الحركه و مش معقول واحد بعد كل جول بيعمل صوابعه للجماهير
يبقى اكيد منطقيا برضه انه بيعمل كده و مش مقصود الحركه المعروفه
ممكن تكون ظروفه جت كده و بدون تعمد يبقى مافيش مشكله

لو خدت بالك الفيديو اللى المخرج الاهلاوى جايبه نفس الحركه و لو تخيلته من الجنب هيبقى نفس اللى شفناه فى ماتش الزمالك

يبقى كده فيه شك - و طالما فيه شك يبقى لصالح المتهم :)

على العموم لو هوه كذاب هيروح النار و معادنا فى الكاس و الملعب واسع و فارس لفارس