الموضوع: صوت عالى جدااااا فى السير بالسياره وعايز رايكم

المشاركة الأصلية كتبت بواسطة mmamdouh

هو لحد دلوقتى شغال زى الفل... البلى دة اساسا بتاع عربية audi 80 و يركب على الاوبل فكترا

انا لقيت البلى عند ابو الحسن... معرفش هو منتشر عند كل الناس ولا لا

mmamdouh

انا شوفت البلي ده في التوفيقيه وكمان نوع تاني اسمه فاج صناعه المانى على ما اتذكر

المشاركة الأصلية كتبت بواسطة tlrsiap

نطلع من كده يا باشا ان الواحد فينا لو هايرمي قطعة غيار قديمة لازم يدشدشها الأول

الله ينور عليك ,, لازم تخفي معالمها لو تقدر

وكمان خلي بالك ان في ميكانيكيه بيساعدو في الموضوع ده , واكيد انت وانا حصلت معانا قبل كده

تلاقي الميكانيكي بعد ما يغير الحاجه يروح واخد القديمه في الخباثه كده او يروح راميها على جنب كأنه هيلمها في الزباله ويرميها وانت واقف , وده طبعا مش عشان يوفر عليك عناء التخلص منها

ده عشان يركبها في عربيه غيرك , ويبقه عامل مع الراجل واجب على حسابك انت

او عشان يبيعها لبتوع الروبابيكيا او بتوع العربيات الكارو

وطبعا مش كل الميكانيكيه بيعملو كده , في منهم ناس محترمين جدااااا

لكن بشكل عام انت لما بتتخلص من حاجتك بنفسك فإنت كده بتحمي غيرك من الغش


مثال حي حصل من اسبوع مع صديق :-

راح يغير طقم تيل وطنابير و و و لعربيته الفيات 131 , و الميكانيكي في بدايه كلامه اتفق على مصنعيه مثلا 10 جنيه , لان الميكانيكي كان جديد بالنسبه لصاحبي وحب يتفق معاه على المصنعيه الاول

واثناء الشغل صاحبي بدأ يلم الطنابير القديمه والتيل و و و ويحطها في شنطه عربيته (لأسباب هو مقتنع بيها) , بدأ الميكانيكي وشه يلووووون فسأل صاحبي وقاله انت بتعمل ايه ياباشا ؟؟ قاله باخد الحاجه القديمه , قاله بس احنا متفقناش على كده !!!! , و و و و ونتيجه لده الميكانيكي رفع مصنعيته من 10 جنيه مثلا لـ 70 جنيه

من رأيي انه كان هيعوض فرق المصنعيه ده من خلال بيع القطع القديمه او اي مصلحه مشابهه

ومن الميكانيكي >> للمشتري (روبابيكيا او عربيه كارو) >> لمحترفي التدوير واعاده التصنيع >> للتاجر (عديم الضمير او الجاهل ) >> للمستهلك اللي هو انا وانت