الموضوع: صوت عالى جدااااا فى السير بالسياره وعايز رايكم

كان عندى نفس الصوت بيعلى مع مشى العربية و طلع الكوبلن الداخلى بايظ و شبه فارط ( يعنى و هو بيشده طلع من بعضه مع ان مكنش فيه طقطقة ولا حاجة) و لما اتصلح الصوت إختفى بس دة هيرجع لحضرتك سامع الصوت منين و مش هتخسر حاجة لو اطمنت عليهم

المشاركة الأصلية كتبت بواسطة bakkarahmed

اللي يغيظ اكتر...رحت لبتاع شكمان علشان كان عندي مشكلة بسيطة وقلتلة انا بفكر اشيل علبة البيئة (هي سليمة عندي بس انا عايز ازود السحب شوية) تشتريها مني بكام ..قالي ب 150 جنية ,,فقولتلة طيب لو بايظة تعمل كام (قالي ما تساويش غير 50 جنية) طبعا دة نصاب .. .فعملت حوار مع صاحبي وراح يسأل عن علبة البيئة عندة قالوا في واحدة مستعملة كانت عندي من شوية حالا بس صاحبها طالب فيها 500 جنية

ده مثال حي لشئ اسمه الجشع و الطمع

فكرتني باليوم اللي كنت بشتري فيه البلي الامامي

نزلت شارع شامبليون في وسط البلد واول واحد دخلت اسأل عنده قالى لحظه واحده
وراح متصل بمحل تاني وقاله عايزين بلي skf امامي للانوس 2000
وقعدو يرغو وصاحب المحل يرد على اللي في التليفون ويقوله "ايه ياعم هو انا زبون ولا ايه ؟؟" لغايه لما في الاخر قفل معاه وبصلي وقالى :- البليه عامله 195 جنيه !!! قولتله نعممممممممم ؟ ده الاتنين ولا الواحده
ضحك بسخريه اوي وكأني كائن فضائي وقالى "الواحده طبعا يا باشا" وبيضحك زي العبيط

وطبعا قولتله خلاص هلف لفه واجيلك تاني , ومشيت فعلا ,, لاني قبلها كنت سألت هنا في المنتدى وبصراحه استاذ محمد ممدوح رساني على الليله والاسعار من الاخر

وبعدها وبعد ما سألت بتاع 3 محلات تانيه , دخلت ممر صغير كده ولقيت محل عليه يافطه اد كده مكتوب عليها skf "موزع معتمد" , قولت حلوووووو

دخلت المحل وسألت على البلي قالى عنده الايطالي الواحده بـ 110 جنيه !!!!!!! طبعا استغربت اكتر من كلام الراجل التاني ابو 195 جنيه
بدأت ادردش مع الموزع ده ومع الكلام لقيته بيقولي هو انت يا باشا اللي معاك اللانوس 2000 ؟؟
قولتله اه ؟ انت عرفت منين ؟ قالى ومن 10 دقايق كنت عند المحل الفلاني ؟؟ قولتله اه

قالى انا بقه اللي هو اتصل بيه يسأله عن البلي بكام !!!!!!!!

فضحك اوي وقالى هو قالك بكام ؟؟ قولتله 195 جنيه الواحده

فقالي إبن الـ................. ده انا قولتله بـ 110 جنيه ,, بس هو تلاقيه كان عايز ياكل لقمه عيش منك

يعني التاني كان عايز ياكل لقمه عيش بـ 85 جنيه في الواحده , يعني 170 جنيه في الاتنين

ده مثال اخر للجشع و الطمع

ربنا يرحمنا بجد

المشاركة الأصلية كتبت بواسطة احمد المصرى

انا مش فاهم يعنى ايه كوبلن داخلى .... انا بسمع عن الكوبلن بس مش عارف تقصد ايه بكوبلن داخلى

طيب اذاى افرق بين عيب الكوبلن الداخلى وعيب البلى مع العلم ان مفيش اى صوت طقطقه فى الملفات او مع كسر الدركسيون

العربية بيكون فيها زوجين من الكبالن أتنين لكل جانب

زى الصورة دى


و العيب دة كان عندى صوت مجننى و اللى قال لى طلمبة المياة و اللى قال لى لن بلى الكاتينة وواحد خلانى غيرت طلمبة الباور و برده لم يختفى الصوت

و كان عندى كاوتش كوبلن مقطوع (مش كاوتش الداخلى) رحت أعمله و لما شد الكوبلن طلع الداخلى مفصص

لما ركبت واحد جديد الصوت إختفى