الموضوع: كيا سيفيا للبيع

فعلا السعر ده كان سعر السيفيا 8 اشهر فاتوا اعتقد مؤخرا لو حالتها سليمه و فابريقه دواخل تجيب 40 و ربنا يوفقك . لو مكنتش جبت اللي معايا كنت خلصت فيها. انا بحب السيفيا و الكيك داون بتاعها

المشاركة الأصلية كتبت بواسطة mmffor

فعلا السعر ده كان سعر السيفيا 8 اشهر فاتوا اعتقد مؤخرا لو حالتها سليمه و فابريقه دواخل تجيب 40 و ربنا يوفقك . لو مكنتش جبت اللي معايا كنت خلصت فيها. انا بحب السيفيا و الكيك داون بتاعها

الاسعار اللى بتسمعها فى السيفيا كتير .. بس المهم الحالة .. يعنى حضرتك بتقول 40 .. كمان ممكن تلاقى سيفيا ب 37 .. بس النضيف الكلام فيه ما بيقلش عن 43 .. و قصدى نضيف بجد يعنى جناب مضبوطة دواخل فابريقة .. موتور نمرة 1 .. صالون سليم و مش ناقص ولا حتى زرار .. و بعد كده احسبها حتلاقى انك ممكن تصرف عليها من 1000 الى 2000 جنية لزوم ضبط شوية حاجات اللى اى حد بيصرفهم على سيارة مستعملة .. يبقى الراجل لو عربيته سليمة ماراحش بعيد .. و بعدين مش معقولة سيفيا 99 تتسعر زى لانوس 99 او 2000 .. وكمان لو اى حد متابع الاسعار .. العربيات اسعارها زادت اخر خلال الشهر ده و اواخر الشهر اللى فات .. و مش موديل معين كل العربيات .. يعنى الفيكترا اللى كنت تخلصها ب 35 او 36 دلوقت بيطلب فيها ال40 .. و الكورسا كان ممكن تخلصها ب 27 .. دلوقتى بيطلبوا فيها 30 .. اللانوس 1 كانت بتخلص ب 38 دلوقتى بيطلبوا فيها 40 و 41 .. السوق كل يوم فى حال .. الاسعار دلوقتى مش زى من شهرين او تلاتة فاتو

مبقولش حلوه او وحشه بس السوق بيحكم. السيفيا روعه و نظيفة بس قطع غيارها كلنا عارفينها. زي الستروين اكسارا ممكن تجيبها ب 34 الف و عليها موتور و ثبات ولا الياباني!!! لأن قطع غيارها غاليه. اعتقد ان زي ما قولت لو السيفيا سليمه تعمل 40 لو تعبانه تخلص 36 زي ما حضرتك قولت و عموما في حالات شازه بتبقى فابريكه بره و جوه دي ساعتها لو صاحبها طلب 45 محدش حيقول لأ

المشاركة الأصلية كتبت بواسطة dejavu_exara

ياباشا زى ما الراجل قال زى ما قولتلك السيفيا عربية ممتازة والراجل ضرب مثل بعربية مالهاش حل واحسن من السيفيا واللانسر والكورولا كمان بس مالهاش سوق فى مصر والهيونداى والدايو مطلوبين عن السيفيا وعموما ربنا يوفقك فى

لو نظرنا للسيفيا كصاج تغلب الدايو و عن تجربة .. موتور و سحب تطلع من النوبيرا مع ان السيفيا 1500 و النوبيرا 1600 .. استهلاك البنزين محسوب للسيفبا .. شياكة و عدم انتشار كايجار و ليموزين محسوبة للسيفيا .. قطع الغيار فرقها مش كبير و موجوده و مرترطة و انا عن نفسى لحد دلوقتى مافيش حاجة احتجتها و ما لقتهاش علما بانى غيرت حاجات كتير و مختلفة لما اشتريت عربيتى لانها كانت واقفة 4 سنوات ما بتدورش حتى تقريبا مرفوعة .. اما تعليق .. السيفيا طبعا (تعليق ثلاثى مش موجود حتى فى اللانسر او النيو سيراتو ) يعنى ثبات بمعنى الكلمة .. انا حاقولك مشكلة السيفيا ايه .. العربية دى طلعت يتيمة يعنى لاتوكيل اهتم بنشرها ولا تعريف الناس بيها باختصار محدش سوقها كويس .. حتى الاسبكترا و السيراتو حتى مو 2006 عانت من نفس المشكلة .. طلعم شيطانى يعنى .. يعنى ناس كتير مابتعرفهاش و المثل بيقول ( الناس اعداء ما يجهلون ).. و الحكاية دى حصلتلى بجد ( واحد صاحبى معاه نوبيرا 2005 و كان معارضنى لما اشتريت العربية السفيا . مرة قالى تعالى معايا ناخد لفة بعربيتك . قولت له سوق انت .. والله كان مبهور بنعوميتها و سلاستها و قالى انا ما توقعتش انها بالنعومة دى) ... و كمان سمعت انها كانت السيارة الاولى اللى اثبتت شعبية رهيبة فى بلد زى الاردن يقال انها العربية المستعملة الوحيدة اللى سعرها فى زياده .. و طبعا كلنا عارفين طبيعة الطرق فى الاردن ( يعنى لو مش عربية صح حاتجيب اخرها بعد سنتين ) و الدليل ان اللى نجح هناك من الاوربى سيارتين المرسيدس و البى ام .. و فى الكورى السيفيا .. مش علشان انا راكبها انما فرق كبير بينها و بين الدايو و الهيونداى اللى فى نفس عمرها .. انما المصريين ماشيين بسياسة القطيع يعنى السيناريو لو عاوز عربية .. المبلغ صغير 128 او127 .. اكتر شوية لادا او شاهين .. اكبر شوية اكسيل او اكسنت .. اكبر شوية لانوس او نوبيرا .. انما حد فكر ايه الفرق بينهم و للا ليه اختار سيارة معينة و ما اختارش التانية .. السبب واحد اما جاره او صاحبه او قريبه قاله اشتريها .. و ما كلفش نفسه يسال ليه .. و السيناريو دلوقتى ماشى على اساس الدعايات و المميزات و الديكورات اللى ممكن مايكونش ليها علاقة بعربية .. و للاسف شوية معلومات من بتوع المبيعات فى الصالات .. اللى ممكن يكون ليه مصلحة فى تسؤيق سيارة عن الاخرى .. و ده للاسف لان المستهلكين معظمهم ماعندهومش وعى كفاية .. و رزق الهب...... على المجانين ..

المشاركة الأصلية كتبت بواسطة star1991

سياسه مستهلك

وقفله مخ

مش فاهم قصدك ايه .. ممكن توضح