سؤال مهم بخصوص تغيير "بطانة الفرامل" في إلانترا 2006

**q8_funky** · 18-04-2010 12:13 AM

الموضوع باختصار ان عندي عربية إلانترا 2006 - الشكل السابق و دلوقتي عاملة تقريبا 35 ألف كيلو و بكل صراحة منذ اللحظة الأولى رغم أن العربية زيرو إلا أن أداء الفرامل ليس على أفضل مستوى ممكن مقارنة بسيارات أخرى من نفس الفئة لكن الأمر لم يكن سئ الى درجة تستدعي الإنتباه

من فترة بسيطة بدأت أسمع أصوات "تزييق" من الفرامل و هو ما دفعني الى قراءات مطولة على مواقع أجنبية متخصصة عن موضوع الفرامل و العلامات الخاصة بوجوب تغيير ما يسمى ببطانة الفرامل أو الBrake Pads و الواقع انه تقريبا جميع العلامات موجودة في العربية فعليا:
- صوت "التزييق" في كثير من الأوقات
- أحيانا صوت "تكتكة" ناحية الفرامل اليمين
- أداء الفرامل من الأساس ليس مثالي و لكنه لم يتغير كثيرا مقارنة بأدائها منذ اليوم الأول
- أحيانا شعور بأن الفرامل تؤثر بشكل غير متساوي على الجانبين (جانب أقل من الجانب الآخر)

الخلاصة, من الواضح ان جميع القرائن تشير الى أن الفرامل بحاجة الى تغيير .. لكن هل منطقي ان تحتاج فرامل عربية زيرو معملتش غير 35 ألف كيلو و بقيادة ملتزمة جدا الى تغيير ؟؟

آخر صيانة عملتها كانت ال25 ألف و لم يشير التوكيل الى أي مشكلة في الفرامل و بإذن الله ناوي أروح صيانة ال35 ألف لكن قبل ما أطرح عليهم المشكلة بشكل صريح حبيت آخد رأيكم في الموضوع و لو حد عنده خبرة سابقة في الموضوع و هل منطقي تغيير الفرامل عند ال35 ألف كيلو ؟؟

**mohamed_mohsen** · 18-04-2010 08:57 AM

35000 كم كتير أصلاً علي التيل
التيل آخره يقعد 25000 و أنا بغيره في الفيرنا عند 20000 عشان بمشي بيها كتير جوه البلد في الزحمه
بالنسبه لمشكلة إنك بتحس إن فيه ناحيه بتفرمل أقوي من الناحيه التانيه
فأعتقد إن فيه هواء في دايرة الفرامل
في الصيانه الجايه قوللهم اللي بيحصل بالظبط و إن الفرامل مش عجباك عشان يعملوهالك
و ابقي طمنا عملت إيه
تقبل تحياتي,,,,

**odai123456789** · 21-04-2010 09:48 AM

هذا الصوت يظهر عند الحاجه الى تغير الفرامل وشيئ طبيعي تغير الفرامل بعد35 الف

**elsherif_2000** · 21-04-2010 11:01 AM

هذا التغيير يعتمد على اسلوب القيادة

**sh_masry** · 21-04-2010 11:46 AM

باشا انا معايا نفس العربيه و نصيحتى لحضرتك انك لما تغير تيل الفرامل هات الأصلى بتاع الهيونداى و ممكن تجيب الأصلى ارخص ب 100 جنيه من شارع دمشق من عند نافع او المحل اللى جنب توكيل هيونداى على طول اللى فى شارع دمشق برده .
و بالنسبه للموضوع بتاعك ... هى العربيه اوتوماتيك وللا مانيوال .... لأنها لو اوتوماتيك يبقى التيل اخره من 20 الى 25 الف كيلو لكن لو مانيوال ممكن من 30 الى 35 الف كيلو .

**tetomas** · 23-04-2010 05:34 AM

ممكن يا جماعة لو حد من مصر عنده الانترا 2005 .2006 اوتوماتيك كاملة لون غير الاسود وحاله جيده جدا وعداد في حدود 50000 الى 70000 وعايز يبيع يبعتلي على النت ويا ريت بلاش تجار اخوكم محمد علي
m_a_3310@hotmail.com