مشكلة فى صرة 127

**magedm2007** · 18-04-2010 08:46 AM

صباح الفل
انا عندى عربية 127 مو82 والمشكلة تتلخص فى الآتى
انا كنت عند الميكانيكى يوم الخميس بظبط الفرامل ففك العجلتين اللى ورا والمهم لما ركبهم قرط على المسمار اللى بيمسك فردة الكاوتس فباظ والمسمار دة انا كنت عملة عمولة عند الخراط وكان اكبر درجة يعنى مينفعش يتخرط مسمار بدرجة اكبر منة المهم رحت عند الخراط وقالى مينفعش يتخرط مسمار اكبر بس انا ممكن اعملك مسامير زى اليابانى قلتلة ازاى قالى هنشحط اربع مسامير فى الصرة ويكونو ثابتين ونركب صامولة لكل مسمار بعد كدة من برة المهم فك الصرة والملاحظ ان انا ملقتش شحم فى الصرة قلت مش مشكلة المهم ربط فردة الكاوتش وضرب 40 جنية فى جيبة حق تركيبة المسامير فى الصرة المشكلة النهاردة وانا رايح الشغل حطيت ايدى على الصواميل لقتها سخنة جدا جدا ومش عارف اية السبب ياريت تفيدونى وهل لو كنت جبت صرة جديدة كان احسن من الموضوع دة وتكلفتها كام

وشكرا لوقتكم
استفسار اخير
انا نقطع عندى سلك الدبرياج امبارح وركنت على جنب لحد الميكانيكى لما جاب سلك دبرياج وغيرة والسؤال هنا امتة اغير سلك الدبرياج يعنى لية حسبة معينة كل مثلا كذا كيلو اغيرة مع العلم العربية بقلها معايا بالضبط ثلاث سنوات

وشكرا

**Maged_Samy** · 19-04-2010 04:20 PM

فك العجله تانى ودق بالشاكوش بشكل دائرى على الصنبورة عشان تريح ولف بأيدك هتلاقى العجلة بدأت تلف معاك بس اهم حاجة اتأكد ان المسماير اللى عملها مش طويله وبتحك فى سوست التيل جوه .
موضوع سلك الدبرياج ده بيديك انذار قبل ما يطقطع بشوية بتلاقى فى صوت سلك بيزيق - حاول دايماً تخلى واحد احتياطى معاك واتعلم تغيره لانه ممكن يتقطع منك فى مكان بعيد .

**Maged_Samy** · 19-04-2010 04:22 PM

المشاركة الأصلية كتبت بواسطة Maged_Samy

فك العجله تانى ودق بالشاكوش بشكل دائرى على الطنبورة عشان تريح ولف بأيدك هتلاقى العجلة بدأت تلف معاك بس اهم حاجة اتأكد ان المسماير اللى عملها مش طويله وبتحك فى سوست التيل جوه .
موضوع سلك الدبرياج ده بيديك انذار قبل ما يتقطع بشوية بتلاقى فى صوت سلك بيزيق - حاول دايماً تخلى واحد احتياطى معاك واتعلم تغيره لانه ممكن يتقطع منك فى مكان بعيد ودايما حط عليه شحم واتأكد انه مبيحكش فى جسم السيارة فى الجزء اسفل البدال ..