ارجو المساعدة

**Yousef123** · 18-04-2010 03:16 PM

يا جماعة انا خبرتى فى العربيات مش اد كدة وبتشرى اليومين دول .عجبتنى الفورد فيستا اوى كشكل وكعربية .بس ناس كتير اوى بتحذرنى منها ومن قطع غيارها .خصوصا انى بسافر كتير وممكن تعطل منى فى اى حتة ومش هلاقى حد يصلحها.انا محتار اوى يا جماعة ويا ريت بجد حد يقولى بصراحة اشترى ولا اخلينى فى حاجة مضمونة احسن.يا ريت تساعدونى

**LinuxMan** · 18-04-2010 03:21 PM

السلام عليكم
باشا العربية مش هتعطل فجاه باذن الله لو انت مواظب علي الصيانه الدورية كمان الكمبيوتر بيتشيك علي كل حاجه مع التشغيل ولو في اي خطا بيظهرلك علي الشاشة

بالنسبة لقطع الغيار نفس سعر الياباني والالماني من نفس الفئة

الناس بتوع الفورد قليلين بس علي الاقل واحد في كل منظقة

**Yousef123** · 18-04-2010 03:38 PM

السلام عليكم
متشكر يا باشا على المساعدة بس برضو انا بسال افرض عطلت منى على السريع مثلا هعمل اية ساعتها ؟وكمان انا بنزل مدن ممكن ما الاقيش فيها حد يساعدنى زى طنطا ؟والله انا محتار انا بجد نفسى اركب العربية دى عاجبانى جدا بس كل الناس ال حواليا بتقولى لا
كمان ممن تفيدنى بالسعر لانى حاسس انها تايها اوى انا بدور على حاجة من 96 لحد 2000

**aYaBooY** · 18-04-2010 06:15 PM

المشاركة الأصلية كتبت بواسطة yousef123

يا جماعة انا خبرتى فى العربيات مش اد كدة

هات عربية عادية و شعبية اتعلم فيها و بلاش تتعلم في فورد

**fff** · 18-04-2010 07:34 PM

شاشة تبين الاعطال؟
موجودة فى انهى موديل ؟

**egytamer** · 19-04-2010 11:05 AM

هي مش معقدة لدرجة انها بتكنولجيا ناسا فلو عطلت لازم يبعتولك مركبة فضائية تصلحها يعني ببساطة لو ميكانيكي مخو نضيف شوية هيتعامل معاها عادي واضعف الايمان هيخليها تشتغل عادي لحد متوصل القاهرة وتصلحها بس العربية مش معقدة للدرجادي امال الي معاهم كرايسلر واودي وسوبارو يعملو اية.
اهم حاجة هات عربية حالتها كويسة