الموضوع: الحل المثالى لمشكله المرور فى القاهره

ركز معايه ومتأخذنيش لو طولت بس الموضوع كبير
1- عمل احلال لاسواق الجمله الى فى وسط البلد:
بمعنى, هيه وسط البلد زحمه ليه و بالتحديد مثلث برامودا(التحرير- العتبه - رمسيس)
لان انت لما تعوز تشتري اى حاجه بتنزل وسط البلد
عايز تشترى لبس تنزل وسط البلد
عايز تشترى اجهزه منزليه زى تلفزيون غساله الى اخره تنزل وسط البلد
عايز تشتري موبايل تنزل وسط البلد
عايز تشترى نجف ,دش, ادوات كهربه تنزل وسط البلد
عايز تشترى قطع غيار سيارات تنزل وسط البلد
عايز تشترى عفش و موبليه الى هيه اوزان واحجام برده تنزل وسط البلد
عايز تتمشى ولا تخش سيما اومطعم عليه الايمه تنزل وسط البلد
حتى السراميك و المواسير والحدايدو العدد و الالكترونيات .
بس الواحد مش بيشترى من وسط البلد من قله المحلات لا لانك بتعرف تجيب الحاجه باقل سعر
هيه ده اول نقطه وخلاصتها ان اكثر من50% من البضايع الى بتيجى القاهره بجميع احجمها سواء مستورده او محليه بتخش وسط البلد الاول بعربيات نقل طبعا و بتخرج مره تانيه عشان تتوزع لانحاء مصر
و السؤال دلوقت نعمل احلال ازاى يعنى؟
الاجابه ابسط مما تتصور
منع دخول عربيات النقل وسط البلد الا بتصريح للضروره القصوى.
و بالطريقه ده مفيش بضائع حتخش وسط البلد الى الرفايع وكل تاجر جمله حيشفله مكان تانى خارج وسط البلد ويعلن عنه.

2-التوقف الفوري عن بناء الابراج داخل القاهره:
مفيش حاجه زحمت الهرم و و مدينه نصر الا الابراج تلاقى الشارع من دول فيه يجى 70 80 برج
وكل برج فيه 50 60 شقه يعنى شارع واحد فيه 4000شقه ده على الاقل لما كل واحد معاه عربيته و عيزين ينزله شغلهم فى وقت واحد الى غلبا فى وسط البلد يعمله ايه , مش حقول غير سوء تخطيط

3- مضاعفه الضرايب على محلات وسط البلد :
و بالتالى بعد ما كانت وسط البلد منطقه جازبه للتجار والزباين الى عيزه تشترى بسعر رخيص حتبئه
منطقه طرد للاثنين.

4- تفعيل التجاره عبر الانترنت فى مصر:
يعنى التاجر من دول بدل ميروح مكان زحمه عشان ناس كتير يشوفو بضاعته لا يعرض بضاعته مصوره و مسعره على النت بطريقه ظريفه و الزبون بدل ما ينزل وسط البلد ويلف عشان يلاقى الى هو عيزه حيعمل سرش على النت ببساطه ويتفرج ويشترى و كمان الحاجه تجيله و هو قاعد في بيته.

5- عمل شبكه مترو انفاق متطوره:
طبعا, يا راجل دنا سفرت اسبانيا لقتهم عملين 11 خط مترو فى مدريد بس و كانو بيعمله فى ال 12 ده كان من 6 سنين زمنهم دلوقتى عمله ال 14 و ال15
مدريد الى عددهم ميجيش ربع عدد سكان القاهره
و ايه شبكه بمعنى الكلمه لدرجه انى لما وصلت البلد دخلت المترو من جوه المطار وطلعت من المترو مشيت 5 دقائق بأيت فى البيت
واحنه عندنه 2 30 مليون على خطين مترو حاجه تضحك
لازم ولبد نعمل شبكه مترو انفاق تمتص هذه الاعداد الغفيره من البشر وتغزو كل منطقه فى القاهره من شرقها لغربها وبسرعه شديده , و متقليش ده حياخد وقت لا المشروع الى بيتعمل فى سنه ب الف عامل يخلص فى 6 اشهر بالفين عامل و يخلص فى شهر ب 12 الف عامل و لو مفيش مزانيه يتعقده مع شركات عالميه كمشروع استثمارى

6- تصليح الطرق البيظه
دحنه ارفنا 3 تربع شوارع مصر زباله وكل شويه مطب على حفره على كسر فى الطريق
عمل صيانه دوريه على كل الطرق مش يعمله الطريق و ينسوه

7- استبدال العربيات القديمه باخرى جديده:
مش بفلوس كتىر العربيات بره مصر استعمال خفيف بتتباع بسعر التراب فيها ايه لو الحكومه دخلتها بدون جمارك و استبدلتها للمواطنين باسعار كويسه بالتقسيط المريح
وننسي حكايه ان كل ما عربيه تعطل توقف الطريق وراها

8 - تشديد عقوبات المخالفات المروريه
هى نقطه علينه بس الحق يقال المرور فى مصر بظرميط والى عاىز يتارنن ويعمل ايحاجه بيعمل
محتاجين لقانون جديد وصارم

9- التكتك
مشكله

ده وجهت نظرى الغير كامله و الى عنده اضافه او تعليق يا ريت يرد