استفسار حول الجنوط السبور

**ahmednabeel** · 04-09-2009 12:53 AM

طب محمد ممدوح باشا كل سنه واتنم طيبين يا جميع اعضاء المنتدى العظيم وحشتوني جدا جدا وقريبا في صور للعربية يا ممدوح يارب تعجبكم المهم

انت عارف انا معايا فيرنا 1600 وهجبلها جنوط وكاوتش بالمقاس ده
195/50/15 وكنت عايز جبرتك ايه رأيك ده كويس عليها وله ايه ؟؟؟؟

**ramylanos** · 04-09-2009 02:30 AM

المشاركة الأصلية كتبت بواسطة abdallah

اقول لحضرتك على حاجة, لنفترض ان العربية مثلا لانوس, اللانوس نازلة بجنوط 14, لو انا حطيتلها 16 او 17 ايه الى هيحصل؟؟؟؟
اولا العفشة هتتبهدل لان الجنط بقة عبء زيادة على العفشة الغير مصممة لهذا الاستعمال وايضا هياثر على الموتور لان الجنط هيبقا تقيل وقطرة كبير جدا على الموتور وبالتالى عدد لفات المحرك هتذيد وهيقصر عمر الموتور, وطبعا هياثر على نعومة السيارة يعنى بمعنى اصح هتحس ان العربية بقة ناشفة اوى ومش مريحة, وبرضة هياثر على الكاوتش لان مصر مينفعش فيها الكاوتش الى على 40 او 50 دة
فطبعا انصحك بتجنب ال 16 وال 17 وخليك فى اقصى حاجة 14 مع كاوتش 185/60 او 15 مع كاوتش 185/55 او 195/55 ودة هيبقا اخف كتير من ال16 و 17 وعلى فكرة momo مش ماركة عالمية هيا ماركة فى مصر ولكن فى العالم مش معروفة اوى زى oz .k&n and issota

واشهر واحد اعرفه فى القاهرة هو رومانى الى على اول جسر السويس ودة الى اعرفه

في حاجتين انت بجد مفتري فيهم

اولا مومو مش ماركه عالميه ازااااااي !!!!!!!

والروماني اكبر واحد بتاع جنوط !!!!!!!

**Karim_Monir** · 04-09-2009 03:00 AM

احمد نبيل باشا
كل سنة وانت طيب والاسرة كلها بخير
سلامي للحاج كتير امانة عيك
قولي مقاس كاوتش عربيتك الاصلي كام عشان نضربلك الحسبة واقولك ينفع كام
بس خد بالك ارتفاع 50 يعني تمشي بشويش ققوي
عشان البلالين ماتطلعش في جنب الكاوش
لان مطباتنا هايلة بصراحة
رمضان كريم

**Abdallah** · 05-09-2009 12:07 AM

المشاركة الأصلية كتبت بواسطة ramylanos

في حاجتين انت بجد مفتري فيهم

اولا مومو مش ماركه عالميه ازااااااي !!!!!!!

والروماني اكبر واحد بتاع جنوط !!!!!!!

يا سيدى انا مش مفترى ولا حاجة, انا بقول مش ماركة معروفة زى oz او k&n وبالنسبة للرومانى انا قلت انه اشهر واحد اعرفه فى القاهرة مقلتش انه اكبر واحد بتاع جنوط !!!
مش عارف هو كلامى مكانش واضح للدرجة دى؟؟

**ramylanos** · 06-09-2009 01:37 AM

المشاركة الأصلية كتبت بواسطة Abdallah

يا سيدى انا مش مفترى ولا حاجة, انا بقول مش ماركة معروفة زى oz او k&n وبالنسبة للرومانى انا قلت انه اشهر واحد اعرفه فى القاهرة مقلتش انه اكبر واحد بتاع جنوط !!!
مش عارف هو كلامى مكانش واضح للدرجة دى؟؟

برضوا بتقول تاني مومو ماركه مش معروفه

**MohamedGafar** · 06-09-2009 05:29 PM

بص. أحسن مايمكن شراؤه فى الأيام دي وأصلي وبالرينجات الألومنيوم الأصلية بتاعته هو المومو الإيطالي (المجهول!!!!) وده بيعمل 3150 جنيه لطقم الجنط ال 15 وتلاقيه عند آرابكوم اللى قدام سيتي ستارز فى مدينة نصر.

ممكن تسألهم بالنسبة للمقاسات التانية.

تحياتي.

**ramylanos** · 06-09-2009 09:35 PM

المشاركة الأصلية كتبت بواسطة mohamedgafar

بص. أحسن مايمكن شراؤه فى الأيام دي وأصلي وبالرينجات الألومنيوم الأصلية بتاعته هو المومو الإيطالي (المجهول!!!!) وده بيعمل 3150 جنيه لطقم الجنط ال 15 وتلاقيه عند آرابكوم اللى قدام سيتي ستارز فى مدينة نصر.

ممكن تسألهم بالنسبة للمقاسات التانية.

تحياتي.

انا اكتشفت ان الموضوع من شهر5/2007

يعني صحبه اكيد جنط وباع العربيه كمان