كل عام وانتم بخير
من اول مايو ح يبدأ التفتيش على الشنطة والمثلث ... يعني كمان 12 يوم .... وطبعا الغربال الجديد له شدة وأهي فرصة للأخوة الكرام رجال المرور لعمل اي سبوبة ..... رمضان قرب ولازم يعملو حسابهم من دلوق على مصاريفه ... ومصاريف العمرة كمان ... ومصاريف المدارس وكسوة الصيف ... صعبانين عليا .... ح يلاقوها منين ولا منين
......
يا ترى عملتو حسابكم
النهاردة كنت في المرور
بيبيعو الشنطة ب 44 والمثلث ب 27.5 ( 40 + 25 مع اضافة ضريبة المبيعات )

الحكومة طبعا لحست كلامها ومش بتدي حد حاجة ببلاش
اللي ممكن ياخد اللي جايب عربية زيرو ومرخص 3 سنين ولما يطلب ويشتكي ويقاوح
وحاولت اقاوح لكن بدون جدوى
طبعا ريحت الجمجمة واشتريتهم ليا وللمدام وللوالد كمان
انا قلت انبه الزملاء عشان ماحدش ينسى