مثلث الرعب وشنطة الاسعافات .... كلاكيت خماشر مرة

**Ahmed R08** · 19-04-2010 05:25 PM

المشاركة الأصلية كتبت بواسطة m.mostafa80

حضرتك شكلك يارجل مرور ياما موظف مرور وسواء دا أو دا ليك احترامك ما بينا بس للأسف السيئه بتعم والحسنه بتخص فى ناس كتير ضعف النفوس بيستغلو سلطتهم لمساومه الناس والربح من وراء هذه السلطه وزى ما فى المرتشين فى اى مهنه موجود المحترمين لكن دول للأسف ما بيتسمعش عنهم لأنهم مفيش مجال لظهورهوم او الحديث عنهم لأن دايما الناس بتتكلم عن المشاكل اللى بتقابلهم
واللى نفسى اعرفه أيه فايده شنطه الأسعافات من غير مايكون فى وعى للأسعافات الأوليه
المثلث عارفين فايدته واللى أشك انو يحقق نتيجه مع سواقين مخمورين ومحشيشين على الطرق السريعه وداخل البلد الشوارع ما بتمشيش أصلا

انا طبيب والله مش راجل مرور بس اخويا ظابط مرور

كلام حضرتك مظبوط طبعا فى أى مجال فى الدنيا فى الكويس وفى الوحش

وبيزيد على كدة كمان ان رجل المرور فى ايده سلطه وبينفذ القانون والعقوبات ومتهيألى نادرا لما هييجى حد يشكر فى حد خلاه يدفع غرامه 150 جنيه

انا مش بدافع عن جهه معينه بس حبيت اقول زى ما حضرتك وضحت ان فى كل مجال الكويس والوحش

بالنسبه لشنطه الاسعافات انا من وجه نظرى ان وجودها اكيد هيبقاله فايده حتى مع عدم انتشار الوعى عند معظم الناس بمبادىء الاسعافات الاوليه واللى المفروض يبقاله حملات فى اعلامنا المبجل بصورة مبسطه

بس ساعه الحوادث لا قدر الله شنطه الاسعافات اكيد هتنفع وممكن تساهم فى انقاذ روح انسان لمجرد ان واحد بس معدى فى الشارع وقت الحادثه وعنده خبرة فى الاسعافات

**smax** · 19-04-2010 09:27 PM

المشاركة الأصلية كتبت بواسطة dr_no

انا طبيب والله مش راجل مرور بس اخويا ظابط مرور

كلام حضرتك مظبوط طبعا فى أى مجال فى الدنيا فى الكويس وفى الوحش

وبيزيد على كدة كمان ان رجل المرور فى ايده سلطه وبينفذ القانون والعقوبات ومتهيألى نادرا لما هييجى حد يشكر فى حد خلاه يدفع غرامه 150 جنيه

انا مش بدافع عن جهه معينه بس حبيت اقول زى ما حضرتك وضحت ان فى كل مجال الكويس والوحش

بالنسبه لشنطه الاسعافات انا من وجه نظرى ان وجودها اكيد هيبقاله فايده حتى مع عدم انتشار الوعى عند معظم الناس بمبادىء الاسعافات الاوليه واللى المفروض يبقاله حملات فى اعلامنا المبجل بصورة مبسطه

بس ساعه الحوادث لا قدر الله شنطه الاسعافات اكيد هتنفع وممكن تساهم فى انقاذ روح انسان لمجرد ان واحد بس معدى فى الشارع وقت الحادثه وعنده خبرة فى الاسعافات

وجهة نظر ان كل مجال في الكويس و الوحش دة صح تماما.
بس عايز اقولك ان اي سلطة لازم يكون موازي ليها رقابة علشان الوحش بيكون بشع بالسلطة و بيكون ابشع بسلطة و بدون رقابة و هيا دية اساس المشكلة و دة السبب الحقيقي الي مخلينا منحبش المرور و الشرطة:
1- لما ضبوط مرور عسول صغيور يركب فيمية و طبعا دة ممنوع علي الغوغاء و كمان يشيل النمر و يدخل علي اي لجنة عادي دة اسمة كلام! طب رئيسة المحترم مشفش عربيتة ؟؟ هل لاو كان في عقاب لكل مخالف من رجال الشرطة و المرور و لا حتي كان اتعلم انة قدوة كان هيعمل كدة!!!!!
2- الضبابيط الحلوين الي بيمشوا عكسي و بيعملوا المخالفات الي هما هما بيعاقبوا الغوغاء عليها و مفيش حد بيكلمهم و اعتقد اننا كلنا بنشوف امثال و بصفة يومية !
3- الامناء او حتي العسكري الي يوقفك علي اي مخالفة و بعدين يقلك مخالفة 150ج تطلع 20ج يبقي زي الفل و ممكن الضبوط يكون واقف و شايف! طب الفلوس دية بردة داخلة الدولة و لا هتتقسم !!!!!!
4- حتت كارت من اياهم يخليك متدفعش المخالفات وقت التجديد! طب تخيل صاحب الكارت هل ممكن يدفع قرش واحد مخالفات عن عربيتة.
5- اتفرج علي البوكسات و عربيات الشرطة و المرور الي قلبوها ميكروباصات لخدمة اهاليهم و عيالهم! انا اعتقد ان دية فلوسنا من خلال الضرائب و المخالفات و الذي منة. هل الفلوس دية في خدمة اهالي الضباط و لا اية!!!!!!
ممكن تلاقي فيهم كام واحد كويس بس رأي انهم قلة لان زي ما المال السايب يعلم السرقة, السلطة السايبة تعلم الافتري.

**aif** · 19-04-2010 09:39 PM

المشاركة الأصلية كتبت بواسطة DR_NO

شكرا على التنبيه يا حاج احمد

بس رجال المرور مش بياخدو فلوس المخالفات فى جيبهم هما من اكبر راس لأصغر راس موظفين بياخدو مرتب ملوش علاقه بالمخالفات اللى بيجمعوها

لأ يا دكتور انا مش قصدي انهم بياخدوها في جيبهم
وكمان وزارة الداخلية اصلا مش بتاخد الحصيلة بتاعت المخالفات ( ماعدا السحب بالونش )
الحصيلة بتروح الى وزارة العدل مش الداخلية .... وعلشان كدة شهادة المخالفات بتطلع من وزارة العدل مش الداخلية
....
انا قصدي ان امين الشرطة ولنفرض ان اسمه / نزيه امين مخلص الطيب ... ده اسم كودي يعني

الامين بقى لما يجي يعمل لجنة هو وزمايله وطبعا معاهم ظابط بيبقى قاعد بعيد شوية
الامين بقى بيطلع اي مشكلة في العربية ويتلكك حتى لو كان الراجل صح ...لغاية ما الزبون يطلع اللي فيه القسمة ... 10 او20 او 50 وساعات 300 لو فيها سير عكس اتجاه
لما موضوع المثلث والشنطة العجيبة ده ح يبدأ ..... ده في حد ذاته توسيع لدائرة نفوذ السيد الامين ورفاقه ... وتوسيع في السبوبة ..... يعني البحر بيحب الزيادة
......
بص يا دكتور ..... انا عارف تماما ومتأكد ان المرور زي اي فئة في البلد فيها الصالح والطالح
وانا اعرف شخصيا ظباط مرور اقل ما يوصفون به انهم مثال في النزاهه والضمير .... ودول نسبة كبيرة من الظباط ..... المشكلة في امناء الشرطة والمندوبين ...... دول بقى النسبة الكويسة فيهم تكاد لا ترى بالعين المجردة ...
ودول اللي مبوظين سمعة المرور بأكمله .....
وزي ما اخوك ظابط محترم انا ليا اصدقاء واقارب ظباط محترمين وأشهد بكدة ..... والحق يقال الظباط نسبة الانحراف فيهم قليلة جدا
ارجو اني اكون قدرت اوضح اللي أقصده

**osos_lion** · 20-04-2010 01:17 AM

المشاركة الأصلية كتبت بواسطة r a n a

طب انا لما جيت رخصت محدش اداني حاجة وعربيتي زيرو بس انا رخصت سنة واحدة عشان مكنش ينفع ارخصها اكتر من كدة لانها بالتقسيط
اعمل ايه انا دلوقتي ومشوار المرور ده تقيل على قلبي مووووووووت
انا هاستني لحد تجديد الترخيص واشتريهم على حسابي وامري لله حار ونار في جتتهم إلهي مايوعوا يصرفوهم يارب :_alshmokh08[1]:.

ههههههههههههه
متقلقيش هما بش بيصرفوهم هما بيحطوهم فالبنك
بكره يقولو شنطط المنظفات عشان نحافظ علي نظافت البيئه ونحط فيها اريل وبرل فرشه وكيس وعبي شنطط اسعفات ايه بس المفروض شنطط مطبات عشان المطبات البيعملوهلنا ويكون فيها مقص ومساعدين

**aif** · 20-04-2010 01:26 AM

المشاركة الأصلية كتبت بواسطة r a n a

طب انا لما جيت رخصت محدش اداني حاجة وعربيتي زيرو بس انا رخصت سنة واحدة عشان مكنش ينفع ارخصها اكتر من كدة لانها بالتقسيط
اعمل ايه انا دلوقتي ومشوار المرور ده تقيل على قلبي مووووووووت
انا هاستني لحد تجديد الترخيص واشتريهم على حسابي وامري لله حار ونار في جتتهم إلهي مايوعوا يصرفوهم يارب :_alshmokh08[1]:.

انا أقولك تعملي ايه
تروحي البنك تكيشي العربية .... يعني تدفعي باقي تمنها كاش ..
وبعدين تاخدي جواب من البنك ان العربية اتكيشت ولا مانع من الترخيص 3 سنين
وبعدين تروحي المرور بالجواب ده ..... يقومو يرخصولك العربية 3 سنين
وبكدة يبقى من حقك تطالبي بالشنطة والمثلث ...
ح يقولولك مافيش النهاردة تعالي بكرة
تروحي بكرة يقولولك بكرة ... حوالي 4 مرات او 16 مش متأكد
لغاية ما تروحي تلاقي زحمة وطوابير كتيرة .... يبقى المنحة وصلت ..... تقومي تدي العسكري 50 جنية وامين المخزن 50 جنية عشان يجيبولك الشنطة وماتقفيش في الزحمة ....
وكدة تبقى قدرتي تاخدي الشنطة والمثلث ببلاش وتبقي من المحظوظين .......وكدة نقدر نقولك بكل فخر واعتزاز ....... انتى من الاحرار يا رنا

**pro_samir** · 20-04-2010 07:43 AM

شكرا علي التنبية يا حج احمد

انا جايبهم من اخر مرة كنت بجدد في شهر 11 ومن ساعتها مرميين في شنطة العربية حتي كنت بفكر اشيلهم والله بس كويس انك قلتلنا

تصدق انا مفكرتش افتح الشنطة دي اشوف فيها اية لحد دلوقتي

دة زمان المثلث صلاحيتة انتهت أصلا

المشاركة الأصلية كتبت بواسطة shaddadfalcon1

قولو معايا : ربنا يرزقهم بسواق اتويبيس اعمي مياخدش باله منهم وهما بيعدو الشارع بالعربيه ولو اخد بالو يكون الاتوبيس مفيهوش فرامل

آآآآآآآآمين

**shaddadfalcon1** · 20-04-2010 10:09 AM

سوال بسيط
هي ايه محتويات الشنطه؟ وهل المحتويات دي ليها فترة صلاحيه ولا لآ؟
يعني هجيبها مره واحده ولا لازم كل سنه اغيرها

وبالنسبه للناس اللي عايشه بره - ايه المكان اللي بتتحط فيه في العربيه؟