-
مرحباً بالصيف والحرارة
بدأ الصيف هجومه وبدات العربيات تسخن :36_1_31:
الحصل ان وانا راجع من الشغل وطالع المطلع وانت رايح على الدائري من مدينة نصر (المطلع الي منه طريق المقطم) متعود اني بأدي العربية الرابع وأكبس واخد المطلع على سرعة 90 إلى 100 كم/ساعة والموضوع عادي
بس المره دي لقيت الحرارة رفعت وعدت ال 90 ودخلت على 95 ووصلت واستقرت عند الـ 100 واشتغلت السرعة التانية للمراوح
المهم وصلت البيت على الوضع ده وفتحت الكبوت اكتشفت ان خرطوم الهيتر البيدخل الميه السخنة للدفاية فيه شرخ وبيطلع رذاذ ميه
قلت الحمد لله المهم إني عرفت السبب
تاني يوم سايست العربية لحد ما روحت (لمودرن سيرفيس) وقلت اكشف على دورة المياه بالكامل واراجع اي حاجة فيها عشان اطمن
غيرو الخرطوم وخدوا هواء وطبعا حطوا مياه خضراء وكبس الدورة وشيك ان مافيش تنفيس وجربنا العربية في عز الظهر والحرارة كانت ثابتة على 90
المهم قلت اجرب نفس المطلع ده تاني وبنفس طريقة الكبس
الملحوض على المطلع ده او لما بأكبس بالعربية وادوس على الموتور الحرارة بتعدي 90 بتوصل باقصى تقدير الى 95 وترجع تاني لما اهدي او اقف
منظومة المراوح شغالة كويس جدا والمية مستواها ثابت
مش عارف هل فيه حاجة جديدة حصلت للعربية ولا إيه القصة بالظبت
ممكن تكون الحرارة دي عادية بس العربية ماكنتش بتعدي التسعين قبل كدة وهو دة الي مخوفني
واسف على الإطالة
-
اول مره اعرف ان البيجو حرارتها توصل ل90 و95
كنت فاكر ان الالمانى بس هو اللى حرارته عاليه
عموما خير ونا مقدرش افتى فى البيجو
-
نفس الموقف ده حصصل معايا من اسبوعين وشرخ في كوعة المياه
ماتنساش ان الجو الحربيرفع من درجة حرارة العربيه وبعدين كمان لو في اي هوا في دورة المياه بيسخن العربيه بسرعه انا عندي زي بلف علشان تاخد منه الهوا ولاحظت كمان ان الهوا اللي في دورة المياه بيأخر دخول المروحه عند درجات حراره اعلي من الطبيعي
بس انا لسه الميه بتنقص عندي بس مش لاقي مكان معين بيسرب ميه لسه عايز اكشف عليها
-
انا برضه حصل نفس الكلام معاى فى عربيتى ال 305 مؤشر الحرارة عندى كنت مفكر انه بايظ مش شغال الفترة اللى فاتت علشان ما كانش بيعلى خالص ولا يوصل لمنطقة الرد زون امبارح والنهارده كانو عز الحر المؤشر بقى يطلع وقرب يحصل الرد زون
ربنا يسترها علينا احنا لسه فى اول الصيف
-
قبل الصيف والحر يجب عمل صيانة للعربية والمكيف
-
فعلا في حاجة غريبة في حرارة الجو
العربية قبل شهر او اتنين كانت مش بتسخن الا لو قرصت جامد علي الموتور
دلوقتي بعد لما ادور العربية ب10 دقائق المؤشر بيعدي النص ويقرب من الدرجة الحمراء ومهما اغرق الريداتير مية مش بتقل الحرارة
انا عايز اركب مروحة تانية تكون بترموستات حرارة او تكون بزرار في التابلوة علشان المروحة عندي بتلف مع الموتور ومش بتلف بسرعة الا لما الموتور يدور بسرعة
يعني عشان ازود سرعة المروحة لازم اقرص علي الموتور
وكمان كوعة المية اللي داخلة للطلمبة بتاعة تقليب المية جنب فرن الشكمان
يعني العربية بتسخن من حرارة الجو والكوعة اللي جنب الشكمان و عدم سرعة مروحة التبريد
ولسة الصيف في الاول
-
ملحوظة
احيانا غطاء الريداتير بيبقي بايظ وبيسرب ودة يسخن العربية طبعا لو لقيت الجلدة بتاعتة بايظة غير الغطاء وجرب وان شاء الله خير
Content Relevant URLs by
vBSEO 3.6.0 PL2