يارس ولا صني؟

**yshawky** · 22-01-2008 09:13 PM

ana 3yez a3raf men 7ad yekoon 3ndo Yaris Automatic, Eh akhbar el sa7b we el takeef shaghal ???
assl ana so2t lancer 1300 Automatic we kanet we7sha geddan we sa7b d3eeef awy fa 7'ayef en el yaris tetl3 keda bardo

**Sharky** · 22-01-2008 09:54 PM

لو حضرتك بدور على عربية 1600 سى سى و مش فارق معاك إنها موديل قديم و تقفيل مصرى يبقى إختار صنى لكن لو عايز عربية موفرة فى البنزين و 1300 و تديك إحساس إنها تسارعاه أكبر من 1300 سى سى و شكل جديد و صناعة يابانى و توكيل محترم يبقى هات ياريس

**الريس** · 22-01-2008 11:35 PM

المشاركة الأصلية كتبت بواسطة sharky

لو حضرتك بدور على عربية 1600 سى سى و مش فارق معاك إنها موديل قديم و تقفيل مصرى يبقى إختار صنى لكن لو عايز عربية موفرة فى البنزين و 1300 و تديك إحساس إنها تسارعاه أكبر من 1300 سى سى و شكل جديد و صناعة يابانى و توكيل محترم يبقى هات ياريس

ليه كده يا شاركي ده انا بحبك :D:D
الصني مفيهاش ميزة عن الياريس غير انها 1600

هي مش امتن ..
ومش برستيج شوية ...
و لا سعر البيع احسن
و توكيلها مش كويس في وجهة نظرك

**Sharky** · 22-01-2008 11:42 PM

المشاركة الأصلية كتبت بواسطة الريس

ليه كده يا شاركي ده انا بحبك :D:D
الصني مفيهاش ميزة عن الياريس غير انها 1600

هي مش امتن ..
ومش برستيج شوية ...
و لا سعر البيع احسن
و توكيلها مش كويس في وجهة نظرك

باسم باشا أنا كمان بحبك فى الله
لكن يا باشا دا رأى الشخصى و ممكن يكون غلط أو صح
بالنسبة للمتانة هل قصدك الأمان لو قصدك كده حضرتك حتلاقى الياريس أأمن من الصنى من حيث الوسائد الهوائية الموجودة و فرامل الـABS و الدرجة الأعلى فى إختبارات الامان الأوربية .

بالنسبة لسعر إعادة البيع الصنى معروفة إنها أقل السيارات اليابانية فى فئتها فى سعر إعادة البيع فى مصر .

بالنسبة للتوكيل بصراحة معرفش نظامه إيه سواء حلو أو حش

أرجو يكون ردى دا مايزعلكش منى دى كلها عربيات يا باشا

**الريس** · 23-01-2008 12:19 AM

لا ميزعلنيش بس مازلت مختلف مع سعادتك في الاتي

الصني فيها اير باجز يا سيدي الفاضل .. و بصراحة لا اعرف فرق اختبارات الامان بس ده الامان مش المتانة . انا قصدي هنا فرق الصاج .. و متانة العربية عموما

بالنسبة لسعر اعادة البيع .. انا مش باقول نيسان و تويوتا
او نيسان و ميتسوبيشي
انا باقول صني و ياريس
يعني مثلا الايكو القديمة دي تويوتا .. بس مفيش سعر اعادة بيع ..
و الميتسوبيشي جرانديز مازالت ميتسوبيشي .. و لكن نفس الوضع

بالنسبة للتوكيل فهو جيد جدا و خدها مني ثقة

و عمري يا باشا ما ازعل منك ابدا

**yshawky** · 23-01-2008 01:00 AM

طب يا جماعة حد يقولي ايه نظام التسارع في الياريس مع تشغيل التكييف و الاوتوماتيك؟
و الاتزان علي الطريق عشان انا كتير بابقي علي طرق سريعة .
في الحالة دي يبقي ايه احسن خصوصا انا إن شاء الله اي كان العربية اللي هاشتريها هاتتغير كمان 4 سنين ان كان لينا عمر بأزن الله ومن المتوقع ان تكون العرية عاملة حوالي 100 الف كيلومتر

**hazem_khidr** · 23-01-2008 06:13 AM

عاوز عربيه جميله و شكلها جديد و تقفيل ياباني و حط تحت تقفيل ياباني دي 100 خط و مريحه و برستيج كمان يبقي الياريس.
اولا:تويوتا و موتور الكورولا و بدات تنتشر بعكس الايكو مثلا و دا حيخلي سعر اعاده البيه بتاعها كويسه اوي و احسن من الصاني.
ثانيا:تصميم حديث و ماشي مع العربيات الجديده زي اللانسر و الكورولا 2008 و الميجان و الحاجات دي و اتاكد انها م حيتغير شكلها قبل تلات او اربع سنين كمان بعكس الصاني اللي الشكل الجديد نزل بره من 2006.
ثالثا:استهلاك البنزين نقطه اخري في صالح الياريس
رابعا: عاوزها ليك لوحدك شغاله عاوزها لعائله برضه مش حتقول لاء انا كان معايا صاني في الامارات و حاليا معاي ياريس و اقدر اقولك ان الياريس اوسع مع عذا الشنطه اقل بحاجات بسيطه لكن مش صغيره و تكفي احتياجات اسره كامله من اب و ام و طفلين بكامل امتعتهم.