الموضوع: سواق درجة أولى بجد

المشاركة الأصلية كتبت بواسطة sameh

على فكرة أنا مش شايف أى حاجة جامدة فى الفيديو
هو سؤال واحد عرض الكوبرى يكفى ولا لأ ؟ لو يكفى يبقا خلاص إن شالله يجيبها على 100 مرة ورا وقدام لحد مايلف فى مكانه ، عادية جداً
والعجلة اللى ورا اللى كان بيعلقها فى الهوا دى مالهاش أى لازمة أساساً عشان الحركة جاية من الدوبل اللى أمامها

أنا شوفت مقطورة بيزق مقطورة تانية راس براس وبيحود يه جوا حارة فى مصر ، هو ده اللى ارفعله القبعة بجد إنما الشاب الحلو بتاع الأوتوبيس ده ماعملش أى حاجة صعبة ، كلنا بنركن ركنات مافيهاش غير 3 سم أطول من العربية وبنعملها

كنت لسه هقول كدا , انا فى مره شوفت عربيه نقل بمقطوره رجع بظهره حوالى 300 متر جرى زى المسطره المقطوره وراه ولا كانها حته من العربيه

ده غير مواقف كتير جدا كنت بشوفها مع سواقين المعدات والتريلات فى شغل المقاولات اللى عايز يدخل حاره واللى عايز يعدى حاجه واللى على منزل او مطلع وبيصرف نفسه

دى بقى بجد الناس اللى يتقال عليها محترفين , هو كل ما هنالك انه بس عارف فين بالظبط العجل بتاع الاوتوبيس فبيظبطه على الحرف واكيد اتدرب عليها قبل ما ينفذها فى البرنامج

هى دى السواقين اللى بجد متهيألى لو الواحد بالملاكى يخاف يلف فى مساحه زى دى