شارمنت 83

**didohadad** · 22-01-2008 11:43 AM

اكتب هذا الاستفسار للمرة الثانية وآسف على الاستعجال
بس حقيقى حيران
معروض امامى سيارة دايهاتسو شارمنت موديل 83 اوتوماتيك 1600 سى سى دفع خلفى
صاحبها بيقول ان حالتها جيدة وهو جايبها من الخليج
بس خايف من عدم توافر قطع الغيار بعد كده خصوصا ان السيارة مش مشهورة فى مصر
برجاء الافادة والنصيحة لان الراجل مستعجل الرد
وده شكل السيارة
http://en.wikipedia.org/wiki/Daihatsu_Charmant

**TAG_Turbo0** · 22-01-2008 11:46 AM

انا منصحكش مش هتلاقى قطع غيار ليها
هى تمنها كام؟

**didohadad** · 22-01-2008 11:58 AM

صاحبها طالب 19 الف
بس ممكن اوصلها 18 بسهوله

**TAG_Turbo0** · 22-01-2008 01:56 PM

بص هى سعرها مغري
بس مسالتش نفسك ليه سعرها واطى كده ؟
لأن ملهاش قطع غيار وملهاش سوق يعنى انت ممكن لو جبتها وحبيت تبيعها ممكن متعرفش
بس هى على ماأعتقد على أساس الكرولا بتاعت التمانينات يعنى ممكن تلاقى قطع غيار إستيراد بس الصاج والكشافات صعب أوى تلائيها
فكر فى حاجه تانيه
انت بدور على عربية فى حدود كام؟

**didohadad** · 22-01-2008 02:39 PM

مفيش سقف مصاريف محدد بس بدور على حاجه فى حدود ال 20 الف فكرت فى ال 128 لقيت اسعارها مش متناسبه مع قيمتها يعنى موديل 80 مثلا ب 20 الف مش عارف على ايه؟؟؟ فكرت فى الستروين Ax موديل 95 وهى عربيه هايله ورخيصة بس لقيت اسعار قطع الغيار عاليه جدا جدا بفكر دلوقتى فى الماروتى موديل 98,99 او المازدا 323 موديل 82 بس مش عارف اقرر ومحتار اشترى موديل حديث صغير وخفيف زى الماروتى ولا موديل قديم وجامد وواسع زى المازدا رأيكم ايه؟

**TAG_Turbo0** · 22-01-2008 03:09 PM

أحسنهم فى وجهة نظرى المزدا 323 طبعا أوسع بكتير من الماروتى 128 والموتور أحسن وأداء لأكتر من رائع
بس قطع غيرها غاليه سنه عن 128

**Dr_Smart** · 22-01-2008 10:44 PM

شارمنت 83 Lgx اوتوماتيك 1600 خليجي ... عربيتي
بص يا سيدي ...

العربية دي عربية ممتازة من الاخر ...

بسم الله ماشاء الله عاملة 450 الف كيلو ... ده من 10 سنين ... لان عداد المسافة بايظ ... يعني قول مثلا اني معدي ال 600 الف مستريح

الماتور بحالته مااتعملوش عمره ولا الفتيس اتحطت فيه ايد ميكانيكي

المميزات : عربية عملية جدا ... اقتصادية في البنزين ... سحبها كويس ... هي تقريبا 75 حصان بس مش متأكد ... ناعمة ... زجاج كهربا وتكييف ... قليلة الاعطال رغم انها قديمة

العيوب : واطية شوية زي كل الياباني ... مش باور ... واهم مشكلة فيها فعلا هي قطع الغياااار اللي تكاد تكون مش موجودة ... هي مش غالية خالص ... بس لو لقيتها
انا غيرتلها طلمبة ميا ولقيتها .. اسبراتير .. ياباني جديد ... جبت طنابير امامي وقواعد ماتور وفتيس .. استيراد ( او مستعمل يعني ) من الوكالة
طقم الكهربا بوجيهات وابلاتين وكوندنسر موجود ... تيل فرامل موجود ... فلتر زيت وهوا وبنزين موجود ... متهيالي دي الحاجات اللي بتتغير بصفة دورية .

الفوانيس معرفش الصراحة بس ممكن تلاقيه استيراد ( مستعمل )

بس انا الحمدلله موضوع قطع الغيار ده محلول عشان بسافر الكويت كل سنة .

شوف ... سعرها القليل ده سببه الوحيد قطع الغيار والا هتلاقيها زادت 10 الاف عالاقل

لاني مرة وانا ماشي في جسر السويس وقفتني عربية راكبها اتنين( شكلهم تاجر ) وكان عايز ياخدها ب 25 وانا مارضتش

الخلاصة : العربية كويسة وعملية واحسن من اي فيات او 128 ( مفيش مقارنة )
بس الــــشـــرط : الــــفـــحص للماتور والفتيس والحالة العامة عشان لو عايزة قطع غيار تسأل عليها الاول عشان تجيبها .

واي استفسار عنها انا في الخدمة .. على فكرة والدي اول ايد يعني العربية عشرة عمر .

**didohadad** · 23-01-2008 10:38 AM

الف شكر على الرد والاهتمام
وهى معلومات قيمة جدا
الشارمنت عربية جميله جدا والسعر المعروضه بيه يشد بس مشكلة فطع الغيار دى تخوف
عموما انا هتفرج عليها خلال الايام الجايه وابلغكم بالجديد

بس استفسارات منك يا د.احمد
انا فهمت انى لو احتجت مثلا التيل اوالفلاتر او اسبراتير او طلمية مياه او طلمبة زيت جديد ممكن الاقى فى مصر ..... ولا انت تقصد انك بتجيبهم من الكويت؟
وفى حد معين فى الوكاله شغال فى المستعمل بتاعها؟ ولا بتدور عموما؟
وياريت لو تقدر تدينى اسعار تقريبية لقطع الغيار اللى انت اشتريتها؟
والعربية بتعمل كام كيلو فى الصفيحة؟
معلش تعبت دماغك معايا بس ربنا يجعله فى ميزان حسناتك

والف شكر للبشمهندس محمد على اهتمامه وتابع معانا لانى محتاج نصائحكم جدا

**didohadad** · 23-01-2008 12:01 PM

الموضوع خلص
صاحبها اتصل بيا وقال انه باعها
وكده الحمد لله ريحتنا من الحيرة
اراكم فى استفسارات اخرى

والف شكر

**Dr_Smart** · 23-01-2008 07:11 PM

معلش راحت لصاحب نصيبها :)

لا انا جبت الحاجات اللي بقولك عليها دي من هنا من التوفيقية وشارع زكي

والاسعار عادية ... يعني تيل كوري ب 50 جنيه مثلا ... الاسبراتير ياباني كان ب 400 وطلمبة الميا ياباني تقريبا 200 .. فلتر الهوا ياباني 30 تقريبا ... موفرة :)

ومرة جبتلها حاجات للعفشة ... من شارع شبرا ( الصوابي )

مش عارف استهلاك البنزين عشان عداد المسافه مش شغال .. بس عموما اقتصادية جدا

عموما ربنا يكرمك بعربية احسن

الموضوع: شارمنت 83

LinkBack

أدوات الموضوع

عرض

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة