عنوانها :-
بعد ما تدخل شارع الهرم من بدايته وانت جاي من الجيزه وبعد النفق
هتمشي في شارع الهرم حوالى 5 دقايق بالعربيه لغايه لما تقابل بنزينه شيل على اليمين وادامها على الشمال بنزينه شيل تانيه
البنزينه المقصوده هي اللي على اليمين من بدايه شارع الهرم
بس اللي يروحها يسأل الاول على الباشمهندس موجود ولا لا ,, لانه لو مش موجود هتلاقي الكلام كله بقه مع الشباب الصنايعيه الصغيرين , وهتحس انك مش مبسوط
وطبعا خلي بالك لا صاحب العربيه يغمز الولاد بقرشين وهما بيكشفو عشان يغيروا اقوالهم , دي نصيحه عامه عند اي كشف , وعلى فكره عمرها ما حصلت معايا ولا سمعت انها حصلت , لكن للاسف وارد ان اي خطأ زي ده يحصل في مجتمعنا
بالتوفيق ان شاء اللهالله ينور ..+1
فعلا وعن تجربه البنزينه ممتازه في الكشف على السيارات عند البيع والشراء
سعر الكشف 99 جنيه , ومواعيد العمل من 9 صباحاً الى 9 مساءا
ويتضمن الكشف :-
كشف على حوض السياره بالكامل
كشف على العفشه وكل ما يتعلق بها
كشف على صاج السياره بالكامل دواخل وخوارج (الاماكن الهامه والحساسه) بجهاز لقياس سطح استواء السطح , لمعرفه اذا كان تم عليه اي اجراءات سمكره او معجون
كشف على كبس الموتور وكفاءته
واللي تطلبه هيعملوه كمان ........... الخ
والنتيجه بتكون مطبوعه من على الكمبيوتر مع شرح وافي من مهندس البنزينه للمشاكل الموجوده في السياره مع اعطاء بعض الحلول , واحيانا تكلفه الحلول كمان
واذا طلبت منه تسعير العربيه فبيقولك , ولكن كلامه لنفسك مش للبائع اللي هتاخد منه العربيه , يعني انت شخصياً تستفيد من الكلام لكن مش عشان تاخد من المهندس الكلام وتروح تمسك في الراجل صاحب العربيه
المفضلات